Éxodo 32:4 - Qullan Arunaca Aaronasti uca kori aretenac catokasinjja ninampiw umatatayäna, ucatsti mä vaca kallur uñtatwa lursüna. Ucat jakenacajj sapjjänwa: —¡Israel, acawa Egiptota irpsunctam uca diosamajja! —sasa. Aymar Bibliia 1986 Aaronasti uca kori aretenac catokasinjja ninampiw umatatayäna, ucatsti mä vaca kallur uñtatwa lursüna. Ucat jakenacajj sapjjänwa: —¡Israel, acawa Egiptota irpsunctam uca diosamajja! —sasa. Qullan Arunaka DC Aaronasti uka quri aretenak katuqasin ninampiw umatatayäna, ukatsti mä vaca qallur uñtat lursüna. Ukat jaqinakax sapxäna: —¡Israel, akaw Egiptot irpsunktam uka diosamaxa! —sasa. |
Uca toketa suma jiscjjatasisinjja, reyejj pä vaca kallunacwa korita lurayäna, ucatsti marcarojj sänwa; “Jumanacasti israelita jakenaca, walja cutiwa Jerusalén marcar sarapjjtajja. Jichhasti acanacapï jumanacana diosamajja, Egiptot apsunipctam ucanacajja” sasa.
Uqhamarus uñstayaraquïnwa fiesta luraña diosanacapataqui, quimsakallko phajjsïrina tunca pheskani uru sarakataru, cunjämatï Judá oraken fiestajj lurasirïqui uqhama, jupa pachparaquiw altarana sacrificionaca loktirïna. Ucsti Betel chekanwa luräna, vaca kallunaca luraycäna ucanacaru sacrificionaca loktasina. Ucjjarusti Betel chekanjja sacerdotenacwa utt'ayaraquïna, yakha diosanacataqui santuario utanaca luraycäna ucanacataqui.
ucatwa säna: yatiyapjjañapataqui Baal diosataqui jach'a fiesta lurayaña, ucasti uqhamawa lurasïna.
Ucampis Jehú reyejj janiw sarakcänti, Nabatan Jeroboam yokapajj jucha luräwinacapampi israelitanacaru juch luraycäna ucanacatjja, jan ucasti yupaychascaquïnwa Dan, uqhamarac Betel chekanacanquir korit lurat vaca kallunacaru.
Jeroboamajj utt'ayasïnwa jupa pachpan sacerdotenacapa yakha diosanacar sirviña santuarionacataqui, ñankha ajayunacar sirviñataqui, uqhamarac jupajj vaca kallunaca luraycäna ucanacataqui.
Jichhasti jumanacajj Tatitun apnakat marcapataquiw sayt'asiñ munapjjtajja, Davidat saraker wawanacapan apnakäwinacap contra, jumanacasti ucjja lurapjjtati waljäpjjatam laycu, Jeroboam chachajj korita vaca kallunaca jumanacataqui lurarapipctam, uca diosanacajj jumanacampi chicätap laycuti sayt'asipjjäta.
“Jupanacajja mä vaca kallsa metal umatatayasa lurasipcchïna, uqhamarac sapjjäna uca vaca kallojj jupanacan Egiptot apsunir diosapätapsa, uqhamarac juma tokes jan walinaca lurapcchïna ucasa,
“Nayätwa juman Tatitu Diosamajja, nayaw Egiptotjja apsunsma cawqhantejj sirviñampi t'akhesiscayäta ucqhatjja.
Jumanacajj janiw yakha diosanaca lurasipjjätati koritsa ni kollketsa nayarjama yupaychapjjañamataquejja.
“Janiw cuna casta uñtan diosanacsa lurasïtati, ni alajjpachancqui ucanacar uñtatsa, ni aca orakenjja cunanacatejj utjqui ucanacar uñtatsa, uqhamarac kota mankha orakenquirir uñtatsa.
Mä joyeruwa uca kalanacarojja sutinacjja lurañapajja, cunjämtejj mä sellojj luratäqui uqhama. Uca paypacha kalanacsti koriru catjjaruyam callachjjaru apjjatañataqui.
“Uqhamarac ónice sat pä suma wila kalanac catum, ucatsti ucaruw uchäta Israelan wawanacapan sutinacapjja,
Ucampis jakenacajja Moisesajj jan janc'as kolluta sarakanjjatapatsti Aaronar muyuntasinsti sapjjänwa: —Mä diosanac lurarapipjjeta jiwasaru irpañapataqui, cunapunejj Egiptota apsunquistu uca Moisesampejj pasjjchi, janipuniw cunas yatiscjjeti —sasa.
—Ucampis nayasti sistwa: ‘Qhititejj korinïqui ucajj apanipjjam’ sasa. Ucat jupanacajja korjja churapjjetu, ucatsti nayajj uca korjja ninaru apantasaw umatatayta ucat aca vaca kallojj mistu —sasa.
Ucatsti take jakenacawa jinchunacapancqui uca kori aretenaca apsusina Aaronan ucaru apapjjäna.
Ucatsti Tatitojj jakenacarojj mä usumpiw t'akhesiyäna, Aaronajj lurqui uca vaca kalluru yupaychapjjatap laycu.
Ucat Aaronasti uqham uñjasinjja uca vaca kallur uñtasit yakha dios nayrakatarusti mä altarwa lurt'äna, ucatsti jach'at art'äna: —¡Arumanthisti fiesta lurañäni Tatitur jach'añchasina! —sasa.
Ucatsti Tatitojj Moisesarojj sänwa: —Sarakawayam ucatsti uñjanim, Egiptota irpsuncta uca jakenacamajj jan walt'añaruw puripjje.
Jupanacasti janc'aquiw saraktapjje nayajj sarapjjam sapcsma uca thaquitjja. Uqhamarac kori umatatayasaw mä vaca kallu lursusipjje, jichhasti ucaruwa yupaychasina sacrificionac loktasipqui. Ucat sapjjaraquiwa: ‘¡Israel, aca diosamawa Egiptot irpsuntamjja!’ —sasa.
Ucatsti uca kollket lurat c'ari diosamjja, korimpi apaquipata diosamsa jan wali yänacäcaspas uqhamwa apanucütajja. Cuna k'añücaspas uqhamwa apanucütajja, t'unäcaspa uqhama.
Yakhepa jakenacajj bolsanacapat walja kori apsupjje, balanzanacansti kollkenac pest'apjjaraqui; ucatsti yakha diosanac luriri mä jakeruw jawsayapjjaraqui, mä dios lurañapataqui, ucat jupanacajj uca diosanacaru quillisipjjañapataqui.
Egiptonccän ucat acsarusti mä k'añu luriri warmipuniw tucuwayjje, uca jan wali sarnakañanacapsti janipuniw apanuccaraquïnti. Cunapachatejj jupajj tawacücän ucqhatpachsti walja chachanacaw jupampi iquintapjjänjja, janiw jan chacha uñt'ir tawaköcjjänti, jan ucasti walja chachanacampi sarnakeri warmiquëjjänwa.
Samarianquir jakenacajj qhathatipjjewa; Bet-avén chekanquir vaca kallu chhakayasisas jachapjjaraquiwa. Uca vaca kallutjamaw wararisipqui jakenacajja, sacerdotenacasa, jach'a cancañapajj chhaktatätap laycu.
¡Jichhas juchjja lurasipcaquiwa! Kollkenacap umatatayasinsti c'ari diosanacwa lursusipjje, cunjämarutejj munapqui uqhamaru, yakha diosanac luririnacan amuyuparjamaraqui. Ucatsti sapjjaraquiwa: ‘Sacrificionac loktapjjam’ sasa. Jakenacasti vaca kallur uñtata c'ari diosanacaruw jamp'atipjje.
Uqham Diosan familiapäcasinjja, janipï amuyañasäquitejj jakenacan amuyunacaparjamajja, Diosajj korita, kollketa, kalata luratäcaspas uqhama.
Ucat jupanacajj mä dios lurapjje, vaca kallur uñtata. Uca diosar yupaychañataquisti sacrificio loktapjjäna. Uqham quicpa amparanacapampi mä dios lursusisinsti, cusisipjjaraquïnwa.
Ucatpï jilatanaca, jumanacajj janipun yakha diosanacar yupaychapjjañamäquitejja, cunjämatï jupanacat mä kawkhanejj lurapjjäna uqhama, cunjämatejj Kellkatan sejja: “Jakenacajj mank'añataqui umañataquiw konurapjjäna, ucatsti fiesta lurañataquiraquiw sayt'asipjjäna” sasa.
Ucampisa jumanacan uqham Tatitu Dios contra jucha luratanacam uñjta, mä vaca kallu metalat lursusipjjatanacama, uqhamata cawquïri thaquinjamtï Tatitu Diosajj sarañanacam munqui uca apanucupjjatam uñjasajj,
Ucampis nayajj mayipjjsmawa, aparanipcta uca surtijanaca churapjjeta —sasa. Uca kori surtijanacsti enemigonacapäqui uca soldadonacaw uchasipjjäna, jupanacasti inti jalsu tokenquir jakenacäpjjatap laycu.
Uca koritsti Gedeonajj mä diosa lursuyasasti Ofra sat marcaparuw uchayäna. Ucatsti take chekat israelitanacajj ucaruquiw sarapjjäna, jupanacajj uqhama Diosata armt'asisa. Uca luratapasti Gedeonataquejja mä lanctañänwa, uqhamarac familiapataquisa.