Éxodo 32:4 - Qullan Arunaka DC

⁴ Aaronasti uka quri aretenak katuqasin ninampiw umatatayäna, ukatsti mä vaca qallur uñtat lursüna. Ukat jaqinakax sapxäna: —¡Israel, akaw Egiptot irpsunktam uka diosamaxa! —sasa.

Aymar Bibliia 1986

⁴ Aaronasti uca kori aretenac catokasinjja ninampiw umatatayäna, ucatsti mä vaca kallur uñtatwa lursüna. Ucat jakenacajj sapjjänwa: —¡Israel, acawa Egiptota irpsunctam uca diosamajja! —sasa.

Qullan Arunaca

⁴ Aaronasti uca kori aretenac catokasinjja ninampiw umatatayäna, ucatsti mä vaca kallur uñtatwa lursüna. Ucat jakenacajj sapjjänwa: —¡Israel, acawa Egiptota irpsunctam uca diosamajja! —sasa.

Éxodo 32:4 Jak'a apnaqawi uñst'ayäwi

1 Reyes 12:28

Uka tuqit suma yatxatasinxa, reyix qurit pä vaca qallunak luräna, ukat markar sarakïna: “Israelitanaka, janiw wakiskxiti jumanakan Jerusalén markar sapa kuti makhatasipkañamaxa. Akax diosanakamaxa, ukanakaw Egipto markat irpsunipxtam” sasa.

1 Reyes 12:32

Ukhamarus uruyañ uru uñstayarakïna, kimsaqallqüri phaxsina, tunka phisqani uru saraqataru, kunjämatix Judá uraqin uruyañ urux lurañäki ukhama, ukatsti jupa pachpaw wilañchanak altarxan luqtäna. Uksti Betel markan luräna, quri vaca qallunaka luraykatayna ukanakar wilañchanak luqtasina, yupaychañ utanak luraykatayna ukanakatak sacerdotenak utt'ayasina.

2 Reyes 10:20

ukat jupax yatiyapxañapatak säna, Baal diosar mä jach'a phunchhäwimpi uruyañataki; ukasti ukhamaw lurasïna.

2 Reyes 10:29

Ukampisa, Jehú reyix jucha luraskakïnwa, kunjämtix Nabat chachan Jeroboam yuqapax lurkatayna ukhama. Jehú reyix israelitanakar jucha lurayäna, Dan, Betel chiqanakan utjir qurit lurat vaca qallunakar yupaychaskakitap layku.

2 Crónicas 11:15

Jeroboam reyix qullu patanakan yaqha diosanakar luqtapxañapatak jupakiwa sacerdotenaka utt'ayasïna, supayanakar yupaychañataki, jupax lurkatayna uka vaca qallunakar yupaychañataki.

2 Crónicas 13:8

Jichhasti jumanakax Davidan wawanakap tuqi Tatitun apnaqata markapatakiw sayt'asiñ amtapxtaxa, jumanakan waljanïpxatam layku, Jeroboam chachax qurit vaca qallunak lurarapipktam jumanakan diosamäñapataki uka laykukiw sayt'asipxtaxa.

Nehemías 9:18

Jupanakax qhuya umatatayasas mä vaca qallu lursusipkchïna, ukarus diosasawa, Egiptot jiwasar apsunir diosaw sapkchïna, juma tuqi jan walinak lurapkchïna ukasa,

Éxodo 20:2

“Nayaw juman Tatit Diosamätxa, nayaw Egipto uraqit irpsunsma, t'aqhisiyat jikxataskäyät uka markata.

Éxodo 20:23

Jumanakax janiw yaqha diosanak lurasipxätati, quritsa, qullqitsa, jupanakar nayarjam yupaychañamataki.

Éxodo 20:4

“Janiw yaqha diosanak uñtat lurasïtati, alaxpachan utjir uñtatsa, aka uraqin utjir uñtatsa, quta manqha uraqin utjir uñtatsa.

Éxodo 28:11

Uka qalanakxarusti quri yänak lurir jaqiw sutinak uchañapa, kunjämtix chimpuntañatak luratäki ukhama. Ukatsti uka pä qalanak quri patxaruw uchäta,

Éxodo 28:9

“Ukatxa ónice sat suma saminakan pä qalanak katüta, ukarusti Israelan tunka payan wawanakapan sutinakap qillqantäta,

Éxodo 32:1

Ukampis jaqinakax Moisesan qullut jan jank'as saraqanxatapatxa, Aaronaruw sapxäna: —Moisesaw Egipto markat irpsunipxitu, jichhasti janiw jupat kunas yatiskxiti, nanakar irpañapatakix diosanak lurarapipxita —sasa.

Éxodo 32:24

Nayasti ukxaruw jupanakar sarakta: “Khititix qurinïki ukax apanpan” sasa. Ukat jupanakax quri churapxitu, nayasti uka quri ninaruw jaquntta, ¡ukat aka vaca qallux mistu! —sasa.

Éxodo 32:3

Ukatsti taqpachaniw jinchur uchasiñ quri aretenak apsusisin Aaronan ukaru apapxäna.

Éxodo 32:35

Ukatsti Tatitux mä usumpiw markar t'aqhisiyäna, Aaronan lurat vaca qallur yupaychapxatapata.

Éxodo 32:5

Aaronasti uk uñjasinxa, vaca qallur uñtat ídolo nayraqatarux mä altar luräna, ukatsti jach'at markar sarakïna: —¡Arumanthix Tatitur jach'añchañatakiw phunchhäwi lurañäni! —sasa.

Éxodo 32:7

Ukat Tatitux Moisesar säna: —Qullut saraqxam, Egiptot irpsunkta uka markamax jan walinak lurasipki.

Éxodo 32:8

¡Jupanakax jank'akiw, nayax uñachaykta uka thakhit saranukupxi! Quri umatatayasaw mä vaca qallu lursusipxi, jichhasti ukaruw yupaychasipki wilañchanaksa luqtasipkaraki; ukhamarus sapxarakiwa: “¡Israel, akaw Egiptot irpsunktam uka diosamaxa!” —sasa.

Isaías 30:22

Ukatsti uka qullqit lurat diosamxa, qurimpi jawikipat diosamsa, jan wali yänakäkaspas ukhama, jan ukax t'unäkaspas ukham apanuküta.

Isaías 46:6

Yaqhip jaqinakax quripsa qullqipsa ina ch'usaruw tukjapxi, diosanak luriri mä jaqiruw jikxatapxi, mä dios lurañapatakiw quripsa qullqipsa churapxi; ukatsti uka diosar killt'asisaw yupaychapxi.

Ezequiel 23:8

Egiptonkkän ukkhatpacha q'añu lurir warmiru tukuwayxäna, uka jan wali sarnaqañanakapsti janipuniw apanukkänti. Jupax tawaqükän ukkhatpacha, walja chachanakaw jupampi ikintapxäna, q'uma kankañap q'añuchjapxäna, walja chachanakampi sarnaqir warmiru tukuyasa.

Oseas 10:5

Samariankir jaqinakax khathatipxiwa; Bet-avén chiqankir vaca qallu diosap chhaqhayasitapat jachapxi. Uka vaca qallutjamaw jaqinakasa, sacerdotenakas wararisipki, jach'a kankañapan chhaqtatapata.

Oseas 13:2

¡Jichhas juchxa lurasipkakiwa! Qullqinakap umatatayasinsti yaqha diosanak lursusipxi, kunjämarutix munapki ukhamarjama. Ukatsti sapxarakiwa: “¡Wilañchanak luqtapxam!” sasa. Jaqinakasti uka vaca qallur uñtat diosanakaruw jamp'atipxi.

Hechos 17:29

Ukhamasti, Diosan wawanakapäkasinxa, janipï amuyañasäkitix Diosax jaqinakan amuyuparjam qurita, qullqita, qalata luratäkaspas ukhama.

Hechos 7:41

Ukat jupanakax mä dios lurapxäna, vaca qallur uñtata, ukatsti uywanak jiwayapxäna uka diosar wilañcha luqtañataki. Ukatsti jach'a phunchhäwi lurapxäna amparapamp lursusipkatayna uka diosar jach'añchasa.

1 Corintios 10:7

Janiy jumanakax yaqha diosanakar yupaychapxamti, kunjämtix jupanakat mä qawqhanix lurapkän ukhama, Qillqatasti siwa: “Jaqix manq'añataki, umañatakiw qunt'asïna, ukatsti thuqhupxarakïnwa” sasa.

Deuteronomio 9:16

Ukampis jumanakan ukar purisasti, Tatit nayraqatan jucha luratanakam uñjta, metalat mä dios vaca qallu uñtani lursusipxatätaxa. Tatitux uñachayapktam uka thakhit jank'akiw saranukupxatätaxa,

Jueces 8:24

Ukampis nayax may jumanakat mayipxäma, kawkïr sortijanaktix katurat jaqinakat aparanipkta uk churapxita —sasa. Madianita jaqinakaxa, ukhamarak wasaran jakir yaqha jaqinakasa, quri sortijanak uchasipxirïna.

Jueces 8:27

Uka qurimpisti Gedeonax mä ídolo lurayäna, uksti Ofrá sat markaparuw uchayäna, Israel markpachaw uka ídolo laykux Tatitut armt'asis jan sum arkapkänti, Gedeonatakisa, wila masinakapatakisa ukax sipitar uñtatänwa.