Éxodo 28:9 - Qullan Arunaca

⁹ “Uqhamarac ónice sat pä suma wila kalanac catum, ucatsti ucaruw uchäta Israelan wawanacapan sutinacapjja,

Aymar Bibliia 1986

⁹ “Uqhamarac ónice sat pä suma wila kalanac catum, ucatsti ucaruw uchäta Israelan wawanacapan sutinacapjja,

Qullan Arunaka DC

⁹ “Ukatxa ónice sat suma saminakan pä qalanak katüta, ukarusti Israelan tunka payan wawanakapan sutinakap qillqantäta,

Éxodo 28:9 Jak'a apnaqawi uñst'ayäwi

Génesis 2:12

Uca chekan utjir korejj sinti sumawa, uqhamaraquiw suma resinas utjaraqui, uqhamaraqui ónice sat kalasa.

1 Crónicas 29:2

Take ch'ama tucuñampiw nayajj waquichta cunanacatejj munasqui ucanacjja Diosajjan templopataquejja: kori, kollke, bronce, hierro, madera, sapa mayataquis yakha yakha. Uqhamaraquiwa waquicharacta cornalina, kalanaca lip'suyañataqui, mezcla, kalanaca mosaicotaqui, take casta muncañ kalanacaraqui, uqhamarac walja alabastronaca.

2 Crónicas 2:7

Uqhamasti, qhitanitaya korita, kollketa, bronceta, hierrota, púrpura sat telata, wila telata, uqhamarac wila morada telata, irnakañ sum yatqui uca jakenacaru. Uqhamarac yatiraquispan talladonaca luraña nayan sirviri sarayirinacajjampi chica, Judá orakena, uqhamarac Jerusalén marcansa, jupanacsti David awquejjaw lurapjjañapataqui jaytawayi.

Job 28:16

Ucasti janiw pagatäcaspati wali suma korimpisa, Cornalina, uqhamaraqui zafiro sata suma yänacampisa janiw pagatäcaraquispati.

Éxodo 25:7

ónice sat suma kalanaca, uqhamarac yakha suma kalanaca sacerdotena isiparu, uqhamarac pechopäqui ucqhanacaru uchañataqui.

Éxodo 28:10

uca sutinacapsti uchätawa cunjämarjamatejj nacipqui uqhamarjama. Nayrïr sojjta sutsti mä kalaru, uqhamarac ucjjaru sojjtïr sutinacsti maynïr kalaruraqui.

Éxodo 28:20

pusïri filansti topacio, cornalina, jaspe uca kalanacaniraqui. Ucampis uca kalanacajj kori taypinacaru uchatäñapawa.

Éxodo 28:36

“Ucjjarusti korit mä placa luraraquim, ucatsti ucaruwa uchäta, mä sellöcaspas ucar uñtata, aca arunaca: ‘TATITUR CATUYATAWA’ sasa.

Éxodo 28:8

Efod sat isi patjjanccani uca cinturonasti korimpi suma bordatäñapawa, uqhamarac azul telata, wila morado telata, wila telata, uca telanacasti lino sat hilo c'anthitat luratäñapawa.

Éxodo 31:5

uqhamarac suma kalanac lurasajja, uca kalanacata yänaca lurasa, suma tallado maderanaca lurañapataqui, uqhamarac yakha suma irnakañanacampi.

Éxodo 39:13

Pusïr sekensti: mä topacio, mä ónice, mä jaspe sat kalanacaraqui. Ucampis take aca kalanacasti kori patjjarcam catjjaruyatänwa.

Éxodo 39:6

Uqhamarac ónice sat kalanac lurasinsti kori patjjaruw catjjaruyäna, ucarusti Israelan wawanacapan sutinacapwa uchapjjäna mä sellöcaspas uqhama.

Cantar de los cantares 8:6

¡Nayarojj chuymamar kellkantasita, uqhamarac amparamar kellkantasita! Munasiñasti jiwañar uñtata jan p'acjcayawa; jumar munañasti jiwañar uñtata jan camachcayawa. ¡Munasiñasti ninar uñtatawa akaraqui, ucasti kollana ninawa!

Isaías 49:16

Nayajj amparajjan kellkt'atpuni irpsma, perkanacamatsti amtasipuntwa.

Ezequiel 28:13

Diosan pankar yapupana, Edén chekanwa utjasiraquïyätajja, suma kalanacampi c'achachataraqui: Rubí, crisólito, jade, topacio, cornalina, jaspe, zafiro, granate, esmeralda; ucanacampi, aretenacamasa, yakha yänacamasa koricamaquïnwa, cunürütejj jumajj aca oraken uñstcta uca urutpacha waquichataraqui.

Zacarías 9:16

Qhä urunwa, Tatitu Diosamajj khespiyani marcaparojj mä ovej tamjama, jupanquirinacasti c'ajapjjaniwa quipca marcapana, mä coronan suma kalanacapar uñtata.