Éxodo 28:9 - Qullan Arunaka DC

⁹ “Ukatxa ónice sat suma saminakan pä qalanak katüta, ukarusti Israelan tunka payan wawanakapan sutinakap qillqantäta,

Aymar Bibliia 1986

⁹ “Uqhamarac ónice sat pä suma wila kalanac catum, ucatsti ucaruw uchäta Israelan wawanacapan sutinacapjja,

Qullan Arunaca

⁹ “Uqhamarac ónice sat pä suma wila kalanac catum, ucatsti ucaruw uchäta Israelan wawanacapan sutinacapjja,

Éxodo 28:9 Jak'a apnaqawi uñst'ayäwi

Génesis 2:12

Uka chiqan utjir qurix sinti sumawa, ukansti resina sat q'apkir qullampi, ónice sat suma qalampiw utjaraki.

1 Crónicas 29:2

Taqi ch'amaxampiw kunatix wakiski ukanak Tatituxan utapatakix wakt'ayta: quri, qullqi, bronce, hierro, lawa, sapa mayatakix yaqha yaqha. Ukhamarak cornalina qala, lip'suyañ qala, mosaico qalanaka, kunayman munkañ qalanaka, walja janq'u qalanaka.

2 Crónicas 2:7

7 (6) Ukhamasti khithanitaya qurita, qullqita, bronceta, hierrota, chupika isita, wila isita, ch'iyar wila isita suma lurañ yatiri jaqiru. Jupasti taqi kunanak k'achachañ yatiñaparaki, ukatsti Judá, Jerusalén markanakan utjkitu uka yatxatat jaqinakampi irnaqañapataki, jupanakarux David awkixaw mink'awayi.

Job 28:16

Janiw wali suma qurimpis alatäkaspati, janirakiw cornalina, zafiro suma qalanakampis alatäkaspati.

Éxodo 25:7

ónice sat suma qalanaka, ukhamarak yaqha suma qalanaka, sacerdoten efod isipampiru, pectoral sat isimpampir uchañataki.

Éxodo 28:10

jupanakan yuritaparjama; mä qalarux suxtanin sutip qillqantäta, mä qalarusti suxtanin sutiparak qillqantäta.

Éxodo 28:20

pusïr siqinsti topacio, cornalina, jaspe qalanakaraki. Uka qalanakasti quri taypir uchatäñapawa,

Éxodo 28:36

“Ukxarusti suma qurit mä placa luräta, ukarusti mä chimpükaspas ukham aka arunak uchäta: ‘Tatitur katuyata’ sasa.

Éxodo 28:8

Efod sat isi patxar wak'asiñasti, qurita, sajuna telata, ch'iyar wila telata, wila telata, lino telat luratäñapawa.

Éxodo 31:5

suma qalanakat k'uthasin suma yänak lurañapataki, lawanakat sumanak khithuñapataki, ukatsti kunayman suma lurañanak lurañapataki.

Éxodo 39:13

pusïr siqinsti: topacio, ónice, jaspe, uka qalanakaraki. Uka qalanakasti qurit lurat patxarkam uchxatatänwa,

Éxodo 39:6

Ukatsti, ónice sat qalanakxa quri patxaruw uchäna, ukarusti Israelan wawanakapan sutinakapxa mä chimpükaspas ukham uchäna.

Cantar de los cantares 8:6

¡Chuymamar nay chimpuntasita, amparamar nay chimpuntasita! Munasiñax jiwañar uñtat jan t'unjkayawa; jumar munañasti amay imäwir uñtat jan kamachkayawa. ¡Munasiñasti ninar uñtataw aqaraki, ukasti qullan ninawa!

Isaías 49:16

Nayax amparaxan qillqantatpuni irpsma, pirqanakamatsti amtasipuntwa.

Ezequiel 28:13

Tatitun Edén panqar yapupan utjasïyätaxa, kunayman suma qalanakampi k'achachata: Rubí, crisólito, jade, topacio, cornalina, jaspe, zafiro, granate, esmeralda qalanakampi, aretenakamasa, yaqha yänakamasa qurit luratkamakïnwa, yurïwim urutpach wakichatarakïnwa.

Zacarías 9:16

Khä urunwa, Tatitu Diosapax markaparu qhispiyani, mä oveja tamarjama, jupankirinakasti kipka markapan k'ajapxani, pillun uchat suma qalanakapar uñtata.