Éxodo 10:3 - Qullan Arunaca Ucatsti Moisesampi, Aaronampejj faraonan ucar sarasinjja sapjjänwa: —Hebreonacan Tatitu Diosapasti aqham siwa: ‘¿Cunapachcamasa nayataqui jan llamp'u chuyman tucjjäta? Antutjjam marcajjaru nayar yupaychiri sarjjapjjañapataqui. Aymar Bibliia 1986 Ucatsti Moisesampi, Aaronampejj faraonan ucar sarasinjja sapjjänwa: —Hebreonacan Tatitu Diosapasti aqham siwa: “¿Cunapachcamasa nayataqui jan llamp'u chuyman tucjjäta? Antutjjam marcajjaru nayar yupaychiri sarjjapjjañapataqui. Qullan Arunaka DC Moisesampi, Aaronampisti faraonan ukar sarasin jupar sapxäna: —Hebreonakan Tatit Diosapax akham siwa: “¿Kunapachkamarak nayatak jach'a jach'a tukuskakïtasti? Markaxar khithanukxam, nayar yupaychir sarañapataki, |
Ucatsti Eliasajj take jakenacar jac'achasisajj sänwa; —¿Cunapachcamasa jumanacajja pä chuyma sarnakapjjätajja? Tatitutejj cheka Diosächi ucajja, jupar arcapjjam, jan ucajj Baal diosatï chekächi ucajja, juparuwa arcapjjañamajja —sasa. Jakenacasti janiw camsapcänsa.
“¿Uñjtati cunjämsa Acab reyejj nayan nayrakatajjan jisc'ar tucujja? Ucampis nayan nayrakatajjan jisc'ar tucutapatjja, janiw familiapjjarojj jan walt'añjja apayancäti jupan jacañapcama, jan ucasti wawapan jacañapanwa ucjja apayanëjja” sasa.
chuymaman llaquisitamata, nayarusa jutatamata arsutanacajja ist'asina aca orake contra, uqhamarac take utjirinacap contraraqui, tucjatäñapataqui, maldicitäñaparaqui. Ucatsti isima ch'iyanokasitamata, uqhamarac nayan nayrakatajjana jachatamatsa, nayajj jumarojj ist'smawa. Naya Tatituwa ucjja sisma.
Ucatsti cunapachatï wali t'akhesiana jicjjatascäna ucqhajja, Tatit Diosaparuwa art'asïna, ucatsti nayra awquinacapan Diosap nayrakatanjja walipuniwa jisc'aru tuct'äna.
Jupan oración luratapasa, uqhamarac catokatapasa, jucha luratanacapatsa, jan sum saratanacapatsa, cawqhanacarutejj yakha diosanacataqui santuario utanaca luraycäna ucanacatsa, Asera diosanaca uchayatapatsa, uqhamarac diosanac uchayatapatsa janïra Diosapatac jisc'ar tuct'cäna ucqha, profetanacapan sarnakäwipar kellkatawa.
chuymamsa ch'alljjtayasitamata, nayataquejja jisc'ar tucutamata, aca chekataquisa, uqhamarac jakenacap toke arsutajja ist'asinjja; nayan nayrakatajjansa jisc'ar tucutamata, isimsa ch'iyanokasitamata, uqhamarac nayan nayrakatajjana jachatamatsa, nayasti jumarojj ist'aracsmawa. Naya Tatituw ucjja jumarojj sisma.
ucampis sutejja apqui uca marcajjatejj jisc'ar tucusina nayat mayisitani, thaktaraquitani, uqhamarac jan wali sarnakäwinacapsa apanucuni ucajja, nayajj alajjpachatpachwa ist'äjja, juchanacapsa pampacharaquïwa, ucatsti marcapan nayrakatar sartañapsa cuttayjjaraquïwa.
Ucatpï jichhajj chuymas usuta parlatanacajjatsa jumat jayana pisayastjja, lak'a khellaru kont'ata.”
Janitejj marcajjar sarjjañapatac antutañ muncäta ucajja, nayasti kharürojja t'ijut'ijunacwa marcamarojj qhitanëjja,
Tatitusti Moisesarojj sascaquïnwa: —¿Cunapachcamasa, camachi arunacajjaru, ni yatichäwinacajjarus jan ist'apquitäta?
Nayajja niyaw sisma; wawajjaru qhitjjam, nayaru sirviri sarjjañapataqui, sasa. Ucampis jumajj janiw antutañ munctati uca laycusti nayajja jilïri wawamaruw jiwayäjja’ —sasa.
Moisesampi, Aaronampejj Faraonan ucar mantasinjja sapjjänwa: —Israelan Tatitu Diosapajja aqham siwa: ‘Marcajjaru antutam wasararu sarjjapjjañapataqui, ucanwa nayaru cusisita yupaychapjjetani’ —sasa.
‘Jan yatiñani, sawcasiri, pisi amuyt'an jakenaca, ¿cunapachcamaraqui pisi amuyt'añan sarnakapjjäta, sawcasiñanacamana cusisisa, yatiñarusa jisc'achasasti?
Nayasti jumanacarojj jawsapjjsmawa, ucampis jumanacajj janiw ist'añ munapquistati.
Jach'a jach'a tucuñanjja, aynacht'añawa utji; llamp'u chuyma tucuñansti, jach'ar aptatäñawa utjaraqui.
Jumanacajj Dios toke sayt'asiñacpun munasipctajja, janchinacamansti janiw cawqhas jawk'jañataquejj utjcjjeti. P'ekenacamajj k'ala chhojjriñchjatawa, janiraquiw cunataquis ch'amamajj utjcjjeti.
Jach'a jach'a tucur jakenacasti alt'atäpjjaniwa, jach'a ch'aman tucur jakenacasti alt'ayataw uñjasipjjani. Uca urusti Tatituquiraquiw jach'a cancañap uñacht'ayani.
Aca ñankha marcajj nayan arunacajjarojj janiw ist'añ munquiti, ucatsti jan cuna amuyasisaw chuymapan jan wali amtatanacaparojj arqui. Yakha diosanacan khepapa arcjjapjje, sirviñataqui, uqhamaraqui yupaychañataqui. Uca jan cunatac sirviri cinturonjamäpjjewa.
“Reyirusa, reina taycarusa saraquim: ‘Uca reyin konuñapat sarakanipjjam, orakeru kont'asipjjaraquim, p'ekepatsti cawquïri coronatejj suma c'achachcäna ucajj jalaktjjewa.’
“¡Take arco apnakeri jakenacaru jawsapjjam, Babiloniaru nuwantapjjañanacapataqui! ¡Marcaru muyuntata purintapjjaraquim, uqhamat jan maynis jaltañapataqui! ¡Cunjäma lurañatejj jupanacaru waquisqui uqhamarjama lurapjjaraquim uca marcarojja! ¡Cunjämtï jupajj lurqui, uqhamaraqui jumanacajj jupampi lurapjjam! Nayataquisti wali ñankha jakew tucuraquïnjja, naya Israelan Kollana Tatitu Diosapataquejja.
Ucampisa jupajj nayan leyinacajja uqhamaraqui arunacajjataquiw sayt'i, ucatsti cawquïri marcanacatejj juparu muyuntatäqui uca marcanacat sipansa juc'ampi jan waliw tucuraqui, jan leyinacajjaru uqhamaraqui arunacajjaru ist'apjjatapata.”
Jumasti, Belsasar, uca reyin yokapätawa, asquiraquiw yatisctajja cunatejj awquimaru pascäna ucsa, ucampisa janiw alt'at chuymampi sarnakctati.
—¿Cunapachcamas isch'uquëjja aca khoru israelitanacan parlatanacapjja? Niyaw istt'a nayjjat jan wali parlatanacapjja.
¿Jan ucajj Diosan munasiñapjja, jan tucusquir llamp'usiñapsa janich yäkcta? Chekpachansa uca Diosan llamp'u tucutapajja juman take ucanac arrepientisisa apanucuñamataquiwa.
Ucatwa amuyasipjjañamajja qhititejj parljjayquistu ucaru jan “Janiw” sañataqui. Janiw jaltapcänti Diosar “Janiw” sirinacajja, cunapachatejj aca orakenjja ewjjt'apcäna ucqhajja. Janiraquiw jiwasas jaltcañäniti alajjpachat ewjjt'anquistani uca arunacarutejj jan ist'cañäni ucqhajja.
Jisc'aruy tucupjjam Diosataquejja, uqhamat jupajj jumanacar horasaparu jach'ar aptañapataqui.