Isaías 1:5 - Qullan Arunaca

⁵ Jumanacajj Dios toke sayt'asiñacpun munasipctajja, janchinacamansti janiw cawqhas jawk'jañataquejj utjcjjeti. P'ekenacamajj k'ala chhojjriñchjatawa, janiraquiw cunataquis ch'amamajj utjcjjeti.

Aymar Bibliia 1986

⁵ Jumanacajj Dios toke sayt'asiñacpun munasipctajja, janchinacamansti janiw cawqhas jawk'jañataquejj utjcjjeti. P'ekenacamajj k'ala chhojjriñchjatawa, janiraquiw cunataquis ch'amamajj utjcjjeti.

Qullan Arunaka DC

⁵ Jumanakax Tatitur saykatañakpin munasipktaxa, janchinakaman janiw kawkhat jawq'antañas utjkxiti. P'iqimax q'ala chhuxriñchjatawa, ch'amamas janirakiw utjkxiti.

Isaías 1:5 Jak'a apnaqawi uñst'ayäwi

2 Reyes 1:13

Ucatsti reyejj quimsïr cutinwa qhitäna mä capitanaru yakha pheska tunca soldadonacampi. Ucampis uca quimsïr capitanajja cawqhanccäntejj Eliasajj ucqhacamawa maqhatäna, ucatsti quillt'asisinjja jupan nayrakatapanjja achict'asïnwa: —Achict'assmawa profeta, nayan jacañajjarojj qhuyapt'ayitaya, uqhamarac aca pheska tunca sirvirinacaman jacañanacapsa.

2 Crónicas 28:22

Acaz reyejj uqham jan walt'añanccasasa, Tatitutaquejj sayt'asiscaquïnwa. ¡Uqhamänwa Acaz reyejja!

Nehemías 9:34

Janiwa reyinacajjasa, jilïrinacajjasa, sacerdotenacajjasa, ni nayra awquinacajjasa phokhapcänti leyimjja, ni camachi arunacamarusa ist'apcaraquïnti, uqhamarac ewjjcta uca arunacamarusa.

Isaías 1:23

Jilïri apnakerinacamasti nayataqui sayt'asirinacawa, lunthatanacampis sumancapjjaraquiwa. Takenis kollke chilltayasircamaquïpjjewa, wajjt'äwinac catokañac munasipcaraqui. Wajcharojj janiw chekapar uñjapquiti, janiraquiw ijma warminacarus chekaparu uñjapquiti.

Isaías 31:6

Israelan wawanacapa qhitirutejj wal chuymapa ust'ayapcta ucar cutjjapjjam.

Isaías 33:24

Janiw qhitis siscaspati: “Usutätwa” sasajja. Diosasti Sionan jaquir jakenacan juchanacapjja perdonaraquiniwa.

Isaías 9:13

Ucampisa marcajj janiw jupanacar mutuyir Diosarojj maqhatapquiti; janiraquiw take ch'amani Dios Tatiturus thakapquiti.

Isaías 9:21

Manasesajj Efrainaruw tucji, Efrainasti Manasesaruraqui, panpachanisti Judá marca contraraquiw jutantapjje. Ucampis Tatitun colerasiñapajj janiw t'acurquiti, jichhas jupajj ajjsarayascaquiwa.

Jeremías 13:23

¿Mä ch'iyar jakesti jank'o jakeru tucuspati? Leopardo animalajj ¿manchanacapjja apakasispati? Uqhamaraquipï jumanacasa, ñankha lurañaru yatintatäjjasinjja, janiraquiw asquinac lurapcasmati.

Jeremías 17:9

“Jaken chuymapjama ñankha, c'arintirejj janiw utjquiti. ¿Qhitisa jaken chuymapjja sum uñjaspa?

Jeremías 2:30

Inamayaw jumanacan wawanacamarojj mutuytjja, janiraquiw jan wali luratanacapat cuttaniñsa munapcaraquiti, jumanacasti mä khoru leonanacar uñtataraquiw pachpa profetanacamarojj jiwarayapjjtajja.

Jeremías 44:15

Uqhamasti take qhitinacatejj warminacapan yakha diosanacaru inciensonac loktasipjjatapa yatipjjäna ucanacasti, ucan jicjjatasipcäna take uca warminacasa, jupanacasti waljaniw tantacht'asipjjäna uqhamaraqui judionacat uca Egipto tokenacan utjapcän ucanacasa Jeremiasarojj sapjjaraquïnwa:

Jeremías 5:3

Tata, jumajj cheka chuymani jakenac thaktajja. Mutuyaractawa, ucampisa janiw usuyasipquiti; Aynacht'ayascaractawa, ucampisa janiw yatekañ munapquiti. Kala chuymanïpjjewa, wali khorunacäpjjaraquiwa, janiraquiw cheka thaquiru cuttaniñsa munapquiti.

Jeremías 5:31

Cuntejj profetanacajj yatiyapjje ucajj c'ariwa; sacerdotenacasti munañanacaparuw apnakapjjaraqui, ¡marcajjasti uqhamwa munaraqui! Ucampisa ¿cunsa lurapjjäta tucuya urojj purincan ucqhajja?’ ”

Jeremías 5:5

Jilïri jakenacan ucaru sarä, ucatsti jupanacarojj saraquïwa. Jupanacasti amuyt'asipjjapuniniw cuntejj Tatitojj munqui ucatjja, cuntejj Diosajj sisqui ucsa. Ucampisa takeniw Dios toke sayt'asipjje, janiraquiw jupar jaysañsa munapquiti.

Jeremías 9:3

C'arisiñataquisti janc'aquïpjjewa, flechanacsa mä arcompi antutt'apcaspa uqhama. Aca marcansti c'arisiñaquiw phokt'atäsqui, janiw chekapajj utjquiti; jan walit juc'ampi jan waliruquiw sarjjapjje, ucatsti pachpa Tatituw arsuraqui: “Janiw nayarojj uñt'añ munapquituti” sasa.

Lamentaciones 5:17

Ucatpï jichhajj chuymasasa usustojja, nayras chhurct'aña munaraquistu.

Ezequiel 24:13

“Jerusalén marca, nayajj munañamaru sarnakasin k'añuchasitanacamatjja k'omachañwa munayäsma, ucampisa janiw k'omachatäctati. Cunapachatejj nayajj jumjjaru colerasiñajja wartanï ucapachaquiw k'omachata uñjasïta.

Ezequiel 34:16

Chhaktat ovejanacjja thaktasjjäwa, saranucutanacsti cuttayanjjaraquïwa, cawquïrinacatejj cayu p'aquita sarnakapjjani ucanacarusti uca p'aquit cayunacapjja kolljjatt'araquïwa, usutanacarusti yanapt'araquïwa, liq'i ovejanacarusa, t'uqhanacarusa sumwa uñjasiraquëjja. Cunjämatejj uñjañajj waquisqui uqhamarjamaw nayajj uñjasiraquëjja.

Ezequiel 34:4

Pisi ch'ama ovejanacarojj janiw yanapt'apctati, usutanacarus janiw kollt'apcaractati, cayu p'aquita ovejanacarus janiw ch'okjjatt'apcaractati, jan ucasti khoru cancañampi jan munasiñampiw uñjapjjaractajja.