Nayaraquiw juparojj ajlliracta wawanacaparu nayan yatichäwinacajjar jaysaña yatekapjjañapataqui, uqhamarus cunatejj chekapäqui asquïcaraqui ucanac lurapjjañapataqui, uqhamat nayajj take arsüwinacajjaru phokhañajjataqui” sasa.
Efesios 6:4 - Qullan Arunaca Uqhamarac awquinaca, jumanacajj wawanacamarojj jan colerayapjjamti, jan ucasti chekapar yatichasina sum uywapjjam, Tatitur iyawsapjjañapataqui. Aymar Bibliia 1986 Uqhamarac awquinaca, jumanacajj wawanacamarojj jan colerayapjjamti, jan ucasti chekapar yatichasina sum uywapjjam, Tatitur iyawsapjjañapataqui. Qullan Arunaka DC Jumanakasti awki taykanaka, wawanakamarux jan thithiyapxamti, jan ukasti Tatitun yatichäwiparjam chiqapar yatichas uywapxam. |
Nayaraquiw juparojj ajlliracta wawanacaparu nayan yatichäwinacajjar jaysaña yatekapjjañapataqui, uqhamarus cunatejj chekapäqui asquïcaraqui ucanac lurapjjañapataqui, uqhamat nayajj take arsüwinacajjaru phokhañajjataqui” sasa.
Ucatsti Davidajj Salomonarojj sänwa: “¡Ch'amañchasim, janirac mayjt'asimti, uqhamarac jichhajj lurañaru uscusim! ¡Janipun ch'am thayjtayasimti, ni ajjsaramsa, Tatitu Diosajjasti jumampïscatap laycu! Jupasti janiw jaytanuccätamti, ni apanuccätamsa, take lurañanacajj Tatitur sirviñataqui templona tucusiñapcama.
Salomón wawajjarusti take chuymäña churam, camachi arunacama phokhañapataqui, uqhamarac ewjjanacama, leyinacama, take ucanacaru phokhasina, ucatsti templo lurayañapataqui, nayajj ucataquiraquiw waquicharacta” sasa.
Pisi amuyt'amp lurañasti, waynanacan amuyupawa; ucasti apakasiwa jawk'ampi chekachatän ucqha.
Wawarojja suma sarnakañapataquejja jisc'atpach sum yaticham, ucatsti awquëjjan ucqhajja janiw uca yatichäwinacatjja armascaniti.
Jawk'ampi tokempiw yatekañajja utji. Ucampis munañapampi sarnakeri wawasti taycaparojj p'enkachayiwa.
Jaquirinacaquiw yupaychapjjeristamjja, cunjämtejj nayajj jichhüru jumaru yupaychsma uqhama. Awquinacajj wawanacaparojj juman chekapätam parlapjje.
Jichhasti sum imapjjam, janirac armasipjjamti take cuntï uñjapcta ucanacjja ni chuymanacamatsa mistpanti, ucat sipansa yatichapjjam wawanacamansa wawanacaparu.
Ucatsti wawanacamaruw yaticharaquïta; utamanccasina, thaquinjam sarcasina, uqhamaraquiw parlaraquïta iquintañataqui, sartañataquisa.
Awquinaca, jan wawanacamampejj sinti khorüpjjamti jan jupanacan mayjt'asipjjañapataqui.
Amtastwa chekpach iyawsäwinïtamata. Nayrakatajja Loida awichamampi, uqhamarac Eunice taycamampiw uca iyawsäwinïnjja, jumas uca pachpa iyawsäwiniraquïtawa.
Jumajj wawatpachwa Tatitun arunacapjja yatta, uca arunacaw yatichiristam, uqhamarac khespiyañaru irpiristam Cristo Jesusar iyawsäwi toke.
Ucampisa janitï jumanacajj Diosar sirviñ munapcsta ucajj, jichhüruy ajllisipjjam qhitirutï sirvipjjäta uca. Awquinacamajj Eufrates sat jawira lacana sirvipcäna uca diosanacaruti, jan ucajj cawquïrinacatï aca orakenacan jacapqui uca amorreonacan diosaparucha. Ucampisa nayampi take familiajjampejja Diosaruw sirvipjjä.
Ucampis Manoa chachajj sänwa: —Cunapachatejj arsutamarjamajj phokhasini ucqhajja, ¿cunjämsa uca wawarojj uywapjjäjja? Uqhamarac, ¿cuns jupampejj lurapjjaraquëjja? —sasa.