Efesios 6:4 - Qullan Arunaka DC

⁴ Jumanakasti awki taykanaka, wawanakamarux jan thithiyapxamti, jan ukasti Tatitun yatichäwiparjam chiqapar yatichas uywapxam.

Aymar Bibliia 1986

⁴ Uqhamarac awquinaca, jumanacajj wawanacamarojj jan colerayapjjamti, jan ucasti chekapar yatichasina sum uywapjjam, Tatitur iyawsapjjañapataqui.

Qullan Arunaca

⁴ Uqhamarac awquinaca, jumanacajj wawanacamarojj jan colerayapjjamti, jan ucasti chekapar yatichasina sum uywapjjam, Tatitur iyawsapjjañapataqui.

Efesios 6:4 Jak'a apnaqawi uñst'ayäwi

Génesis 18:19

Nayaw juparux ajllirakta, wawanakaparu, ukhamarak taqi wila masinakaparu nayan yatichäwinakaxar jaysañ yatiqapxañapataki, ukhamarus kunatix chiqapäki, askïkaraki uk lurapxañapataki, ukhamat nayan taqi arsüwinakaxar phuqhañaxataki” sasa.

1 Crónicas 28:20

Ukhamasti Davidax Salomonarux sänwa: “¡Ch'amañchasim, ukatsti lurañarurak uskusim! ¡Jan mayjt'asimti, janirak axsaramsa, Tatitu Diosaxaw jumampïskani! Tatitux jupan utap lurañ tukuyañkamax janiw jaytjkätamti, janirakiw armaskätamsa.

1 Crónicas 29:19

Ukhamarak Salomón wawaxarux suma chuyma churarapita, kamachinakama, arsüwinakam jupan phuqhañapataki, ukatsti jumatak uta lurañapataki, nayax ukatakiw taqi kun wakichta” sasa.

Proverbios 19:18

Wawamarux chiqachañjamäkipan chiqacham, ukampis janiw jiwayañkam jawq'jätati.

Proverbios 22:15

Pisi amuyt'amp lurañax waynanakan amuyupawa; ukampis ukax jawq'ampi chiqachatawa.

Proverbios 22:6

Wawarux jisk'atpach sarnaqäwipan sum yaticham, awkïxani ukkhasti janiw uka yatichäwinakat armaskaniti.

Proverbios 29:15

Jawq'ampi tuqimpiw yatiqañax utji, munañan wawasti taykaparux p'inqachayiwa.

Proverbios 29:17

Wawamar chiqacham, jupasti samarataw jakayätam, walirak kusisiyätam.

Isaías 38:19

Jakirinakakiw yupaychapxiristamxa, kunjämtix jichhürux jumar yupaychksma ukhama. Awkinakax wawanakaparux juman chiqapätam parlapxi.

Efesios 6:3

ukhamat aka uraqin walja maranak kusisit jakasiñamataki.”

Deuteronomio 4:9

Jichhasti sum imapxam, janipun armasipxamti taqi kuntix uñjapkta ukanaka, janirak chuymanakamatsa mistpanti; ukat sipana, wawanakamansa wawanakapar yatichapxam.

Deuteronomio 6:7

ukatsti wawanakamaruw uka arunakxat yaticharakïta; utamankkasina, thakhinjam sarkasina, ukhamarak ikintañatakisa, sartañatakis parläta.

Colosenses 3:21

Awkinaka, taykanaka, wawanakamampix jan sinti qhurüpxamti, jupanakan jan mayjt'asipxañapataki.

2 Timoteo 1:5

Chiqpach iyawsäwinïtamat amtasipuntwa. Nayraqatax Loida awichamampi, Eunice taykamampiw uka iyawsäwinïnxa, jumas uka pachpa iyawsäwinirakïtawa.

2 Timoteo 3:15

Ukhamarus jumax wawatpach Tatitun arunakap yattaxa, uka arunakaw yatichätam, Cristo Jesusar iyawsatam laykuw qhispiyasiñar irparakïtam.

Josué 24:15

Ukampis janitix Tatitur yupaychañ munapksta ukaxa, jichhüruy ajllisipxam khitirutix yupaychañ munapkta ukaru: Éufrates jawir thiyanakan nayra awkinakamax yupaychapkäna uka diosanakaruti, jan ukax, aka uraqin jakir amorreo jaqinakan diosanakaparucha. Ukampis nayampi, wila masinakaxampix Tatituruw yupaychapxä —sasa.

Jueces 13:12

Ukatsti Manoa chachax sänwa: —Kunapachatix arsutamarjam phuqhaskani ukkhaxa, ¿kunjämsa uka wawar uywapxäxa? ¿Kunsa lurapxäxa? —sasa.