Efesios 6:5 - Qullan Arunaka DC

⁵ Uywatanaka, aka uraqin uywirinakamäki ukarux jaysapxam. Uksti yäqañampi, axsarañampi, qhana chuymampi phuqhapxam, Cristorus yanapapkasma ukhama.

Aymar Bibliia 1986

⁵ Sirvirinaca, jumanacajj aca orakenjja uywirinacamaru ist'apjjam, ajjsarañampi uqhamarac cheka cancañampi, Cristotaquis lurapcasma uqhama.

Qullan Arunaca

⁵ Sirvirinaca, jumanacajj aca orakenjja uywirinacamaru ist'apjjam, ajjsarañampi uqhamarac cheka cancañampi, Cristotaquis lurapcasma uqhama.

Efesios 6:5 Jak'a apnaqawi uñst'ayäwi

Génesis 16:9

Ukatsti Tatitun angelapax sarakïnwa: —Uywiriman utapar kuttam, ukatsti taqi kunansa jupar ist'arakim —sasa.

1 Crónicas 29:17

Diosaxay, nayax yattwa, jumaw chuymanak uñt'taxa, jumatakix chiqa kankañaw askixa. Ukat chiqa chuymampix taqi akanak chursma. Jichhasti kusisitaw uñjarakta markamax akan tantacht'atäsina, munasiñ chuymampiw waxt'äwinak churapxtam.

Salmos 123:2

Achikt'asiñ chuymampiw Tatit Diosaxarux uñtapxta, Tatitun khuyapayasiñap suyasa, uywatanakax uywiripat suyapki ukhama, uywat warmix uywiripat suyki ukhama.

Salmos 86:11

Tatay, thakhimay uñacht'ayita, jan saraqtas arkañaxataki. Chuymaxasti sutim waqaychirïpan.

Malaquías 1:6

Taqi ch'aman Tatitux sacerdotenakar akham siwa: “Wawanakax awkinakapar waqaychapxiwa, uywatanakas uywirinakaparux yäqapxarakiwa. Nayatix jumanakan awkimästa ukasti ¿kunatarak nayar jan waqaychapxistasti? Nayatix jumanakan uywirimästa ukasti, ¿kunatarak nayar jan yäqapxistasti? Jumanakax nayar jisk'achapxistawa, yatkasas sasipkakistawa: ‘¿Kun lurasarak nanakasti jumar jisk'achapxsmasti?’ sasa.

Mateo 6:22

“Janchin qhanapax nayramawa; ukhamasti, nayramatix walikïskchi ukaxa, taqi janchimax sum qhantani;

Mateo 6:24

“Janiw khitis pani uywirir luqtkaspati, maynirux munasiniwa, maynirusti uñisiniwa, jan ukax maynirux alkataniwa, maynirusti jisk'achaniwa. Diosampiru, qamir yänakampirux janiw khitis luqtkaspati.

Mateo 8:9

Nayasti jilïrinakan arsutaparuw sarnaqta, ukhamarus soldadonakax nayan munañaxankarakiwa. Kunapachatix maynirux nayax sistxa ‘saram’ sasaxa, ukspachaw sari, maynirutix ‘jutam’ sistxa, ukspacharakiw juti, uywataxarutix kuna lurañarus khitta ukkhaxa, jupax luriwa —sasa.

Hechos 2:46

Sapüruw Tatitun utapan tantachasipxäna, utanakapansti t'ant'a pachjapxäna, taqi kusisiñampi, llamp'u chuymampiw manq'asipxarakïna.

Romanos 9:3

naya pachpaw ñanqhachat uñjasiñ munirista, Cristot jayarst'ata, ukhamat marka masinakaxarux yanapt'irista.

1 Corintios 2:3

Jumanak nayraqatansti jan ch'amanjama, axsarañatsa khathatisaw uñstapxäyäsma,

1 Corintios 7:22

Khititix t'aqhisiyatäkasin iyawsañar jawsatäxchi ukax, jichhax jupax Diosar luqtirïxiwa; khititix antutatäkasin jawsatächi ukax, jichhax Criston uywatapäxiwa.

2 Corintios 1:12

Nanakax taqi jaqinak nayraqatana, juk'ampis jumanak nayraqatana, suma, ukhamarak q'uma chuyman sarnaqapxataxat kusisipxta. Uksti, janiw nanakan yatiñ kankañaxampi lurapkti, jan ukasti, Diosan yanapapampiw lurapxta, ukat munasiñapat jupar yuspagarapxta.

2 Corintios 7:15

Jupasti jumanakar walpun munasipxtam, jumanakan jaysasirïtanakam amtasisa, wali yäqañamp jupar katuqapxatät ukatsa.

Efesios 5:22

Chachan warminakax Tatiturjam chachananakapar jaysapxpan.

Efesios 6:24

khitinakatix Jesucristo Tatitusar jan pächasis munapki ukanakarux jupax khuyapayasiñap churpan.

Filipenses 2:12

Munat jilatanaka, jumanakampïkäyät ukkhax nayarux jaysapxapunistawa, jichhasti jumanakat jayankatax laykux juk'ampiy jaysapxita. Axsartañampi, khathatiñampiy qhispiyasiñamatak ch'amachasipxam;

Filemón 1:16

janiw mä uywatar uñtata, jan ukasti, uywatat sipansa juk'amp suma, mä munat jilamarjama. Nayax wal juparux munasta, ukampis jumax juk'amp juparux munaspachäta; janiw mä jaqirjamakiti, jan ukasti Tatitunxa mä jilarjama.

Josué 24:14

—Taqi uka luräwinakat Tatitur axsartapxam, ukatsti suma chuymampi, chiqa kankañampirak luqtapxam. Kawkïri yaqha diosanakarutix jumanakan nayra awkinakamax Éufrates jawir thiyanakansa, Egipto markansa yupaychapkän uka diosanak apanukupxam, ukatsti Tatitur luqtapxam.

1 Pedro 3:2

jan kuna arumpiki, jan ukasti jumanakan sum sarnaqatam uñjasaki.