¡Janiw waquiscaspati uqham jan juchanirojja juchaninacampi chica jiwarayañamajja, panpachanis pachpa jucha lurapcaspa uqhama! ¡Jan uc luramti! Jumajj aca mundpachana jach'a juezätawa, ¿janiti chekaparu uñjcäta? —sasa.
Apocalipsis 20:11 - Qullan Arunaca Ucatsti mä jach'a jank'o trono uñjaracta, uqhamarac ucan kont'atäcäna ucsa. Jupa nayrakatansti alajjpachas acapachas tucusjjänwa, janiraquiw cuna chekas jupanacataqui utjcjjänti. Aymar Bibliia 1986 Ucatsti mä jach'a jank'o trono uñjaracta, uqhamarac ucan kont'atäcäna ucsa. Jupa nayrakatansti alajjpachas acapachas tucusjjänwa, janiraquiw cuna chekas jupanacataqui utjcjjänti. Qullan Arunaka DC Ukatsti mä jach'a janq'u qhapaq qunuñ uñjarakta, ukan qunt'atäkän ukampiru. Jupan nayraqatapat uraqimpi alaxpachampix jan mayampitakiw chhaqtawayxäna, janirakiw kawkinsa wasitat uñjañäkxänti. |
¡Janiw waquiscaspati uqham jan juchanirojja juchaninacampi chica jiwarayañamajja, panpachanis pachpa jucha lurapcaspa uqhama! ¡Jan uc luramti! Jumajj aca mundpachana jach'a juezätawa, ¿janiti chekaparu uñjcäta? —sasa.
take ucanacajj tucusjjaquiniwa, jumasti pachpaquïsctawa, ucanacajj isir uñtataw merk'esipjjani, tucusir isir uñtatäpjjaniwa.
Chekapar uñjañampi, asqui cancañampiw reyi konuñamarojj thurjjäsiyi, munasiñamp, cheka cancañampiw jumar jicjjatirejj jutapjje.
Jupajj ch'amac kenayanacamp muyuntatawa, chekapar uñjañampi, asqui cancañampiw reyi konuñaparojj ch'amañchi,
Rey Uziasajj jiwjjän uca marajja, Tatituruw uñjta mä jach'a alto tronon kont'ata; mantopan puntanacapaquiraquiw templorojj phokhantäna.
Ucapachasti hierro, ñek'e, bronce, kollke, uqhamaraqui kori ucanacasti lak'aru tucuyataw uñjasiraquïna, cunjämatejj jawk'a horasajj trigojj jawc'sutajj uqhama, ucatsti thayaw take ucanacjja apasjjaraquïna jan cunsa jilt'ayasa. Ucampisa uca jakeru t'unjcäna uca kalasti mä jach'a kolluruw tucuwayjjaraquïna ucat uca kollojj take aca orakpacharuw phokhantäna.
Jupa nayrakatatsti mä nina jawirjamaw misturaquïna. Waranka warankanacaraquiw juparojj sirvipjjäna, millón millonanacaraquiw jupa nayräjjan sayt'atäpjjäna. Tribunalasti uca tantachasïwin parlañanacjja kalltayjjaraquïnwa, libronacasti jist'arasiraquïnwa.
Ucampis nayajj sapjjsmawa, taripäwi urunjja jumanacaw Tironquirit sipansa, Sidonanquirit sipansa jach'a mutuña catokapjjätajja.
Alajjpachampi acapachampejj tucusiniwa, ucampis arunacajjajj janiw tucuscaniti.
“Cunapachatejj Jaken Yokapajj reyjama jutcani ucapachajja, angelanacapampi muyuntataw jupajj kont'asini tronoparojja take ch'aman cancañapampi.
Wali kala chuymanïtawa, janiraquiw uca jan wali luratanacamsa apanucuñ munctati. Ucatpï jichhajj juma pachpataqui uca jan wali luräwinacjja wal montonasctajja, cunürutejj Diosan chekapar taripañ urojj purincani ucürutaqui.
Jichhasti aca orakempi alajjpachampisti ninampi t'unjataraquïniwa, Diosan arunacaparjama, ucatac imatäscaraquiwa. Uca ninawa k'al naqhantani taripäwi urunjja, cunapachatï jan wali jakenacajj tucjatäcani ucapacha.
ucampis janiw atipjapcänti, alajjpachansti utjañanacajj janiw jupanacataquejj utjcjjänti.
Ucatsti alajjpacha jist'arata uñjta, mä jank'o caballoraquiw uñstanïna. Uca caballor lat'jjatat jakesti, Cheka, Asqui sataraquïnwa. Jupasti cheka cancañampiw take cunsa apnake, nuwasiraquisa.
Aca angelasti dragonaruw catuntäna. Uca dragonasti nayrapacha catari pachpa Supayawa. Catuntasinsti waranka marataquiw ñach'antaraquïna.
Ucatsti uñjaractwa machak alajjpachampi, machak orakempi. Nayrïri alajjpachampi orakempejj tucusjjataynawa, janiraquiw kotas utjcjjänti.
Ucatsti tronon kont'atäcäns ucajj siwa: “Uñjam, nayajj take cunwa machakat lurta” Saraquiwa: “Kellkam, aca arunacasti chekapawa, catuyascañaraquiwa” sasa.
Uca horasasti Kollan Ajayun apnakataw nayajj uñjasta, alajjpachansti mä trono uñjaracta, ucansti mayniw kont'atäscäna.
Alajjpachasti mä papelar uñtataquiw llawthaptawayjjäna. Take kollunacasa, kota taypincqui uca orakenacasa onjjtayatäpjjaraquïnwa.