Mateo 24:35 - Qullan Arunaca

³⁵ Alajjpachampi acapachampejj tucusiniwa, ucampis arunacajjajj janiw tucuscaniti.

Aymar Bibliia 1986

³⁵ Alajjpachampi acapachampejj tucusiniwa, ucampis arunacajjajj janiw tucuscaniti.

Qullan Arunaka DC

³⁵ Alaxpachampi akapachampix tukusiniwa, arunakaxasti janiw tukuskaniti.

Mateo 24:35 Jak'a apnaqawi uñst'ayäwi

Salmos 102:26

take ucanacajj tucusjjaquiniwa, jumasti pachpaquïsctawa, ucanacajj isir uñtataw merk'esipjjani, tucusir isir uñtatäpjjaniwa.

Salmos 119:89

Tatay, arunacamajj wiñayawa, alajjpachat juc'amp suma thurt'atawa.

Salmos 19:7

Tatitun arsutanacapajj chekapawa, jaken chuymapar machakaptayiriwa; Tatitun arunacapajj asquiwa, jan yatiñan jaker yatiñan tucuyiriwa;

Salmos 89:34

Janiw jupamp lurat arust'äwirojj p'aquintcäti, janiraquiw arsutanacajjs mayjt'aycäti.

Proverbios 30:5

Tatitojj jupar iyawsirinacarojj imiwa; jupan arsutanacapasti chekapawa.

Isaías 34:4

Alajjpachan warawaranacas t'unthaptaniwa, alajjpachasti mä papeläcaspas uqhamaw llawthaptawayani, take warawaranacas jiwarjjapjjaniwa cunjämtejj uva alitsa, higo alitsa laphinacapajj wañsusin willirtquejj uqhama.

Isaías 40:8

Korajj wañsuwayjjaquiwa, pankaras ancuntawayjjaquiraquiwa; ucampis Diosan arunacapasti wiñayataquipuniw jacaraquini.”

Isaías 51:6

“Alajjpach toke uñtapjjam, uqhamaraqui aca orak tokerus uñtapjjaraquim. Alajjpachajj jek'er uñtataquiw chhaktjjani, orakesti mä isir uñtataquiraquiw merk'stjjani, ucan jaquir jakenacasti jisc'a chhichhillanqhanacar uñtataw jiwarapjjani; ucampisa, nayajj wiñayataquiw khespiyä, khespiyasiñajjasti janiw tucuscaniti.

Isaías 54:10

Jach'a kollunacajj yakha chekarusay sartasipcpan, kollunacas aynacharusay jutasipcpan, ucampis munasiñajjajj jumataquejj janipuniw tucuscaniti, uqhamaraqui sumar mantäwi arust'äwejjajj janiw t'unjatäcaniti.” Uqham siwa jumar qhuyapayiri Tatitojja.

Isaías 55:11

uqhamaraquiw lacajjat mistquis uca arunacajja, janiw nayan ucarojj ch'usaqui jan cun lurasajj cuttancaniti, jan ucasti cuntejj nayajj muncta ucwa luri, cuntejj nayajj siscta ucwa phokharaqui.

Daniel (hebreo) 4:28

Take aca yatiyäwinaca Nabucodonosor reyir churatasti phokhasipunïnwa:

Números 23:19

Janiw Diosajj jiwir jakenacjamäquiti. Janiw c'arisquiti ni yakha amuyunïquisa. Cunapachatejj jupajj cunsa arsu ucqhajj lurapuniwa. Cunapachatejj cunsa arupampejj arsu ucqhajj phokhapuniwa.

Mateo 5:18

Acsti khanacwa sapjjsma, acapachampi alajjpachampi tucusiñapcamajja janiw mä jisc'a arusa, ni mä letrasa apakatäcaspati uca leyinacatjja, take cunanacatejj phokhasiñapäqui ucanac phokhasiñapcamajja.

Marcos 13:31

Alajjpachampi acapachampejj tucusiniwa, ucampis arunacajjajj janiw tucuscaniti.

Lucas 21:33

Alajjpachampi acapachampejj tucusiniwa, ucampis arunacajjajj janiw tucuscaniti.

Tito 1:2

uqhamarac wiñay jacañ suyt'äwirusa. Uca jacañ churañataquejj Diosajj janïr aca orake kalltasquipanwa phokhañataqui arsuwayi, Diosasti uc arsusajj janiw c'arisquiti.

1 Pedro 1:25

Ucampis Tatitun arupajj wiñayataquipuniwa” sasa. Aca arunacapï jumanacataqui khespiyasiñ yatiyata arunacajja.

Apocalipsis 20:11

Ucatsti mä jach'a jank'o trono uñjaracta, uqhamarac ucan kont'atäcäna ucsa. Jupa nayrakatansti alajjpachas acapachas tucusjjänwa, janiraquiw cuna chekas jupanacataqui utjcjjänti.

Apocalipsis 3:14

“Laodicea iglesiancquis uca angelar kellkasin apayam: ‘Aqham siw qhititejj chekapäqui, uqhamarac cunsa chekapapuni arsqui ucajja, uqhamarac qhititejj take cuntejj Diosajj lurqui ucan kalltapäqui ucajja:

Apocalipsis 6:14

Alajjpachasti mä papelar uñtataquiw llawthaptawayjjäna. Take kollunacasa, kota taypincqui uca orakenacasa onjjtayatäpjjaraquïnwa.