Génesis 18:25 - Qullan Arunaca

²⁵ ¡Janiw waquiscaspati uqham jan juchanirojja juchaninacampi chica jiwarayañamajja, panpachanis pachpa jucha lurapcaspa uqhama! ¡Jan uc luramti! Jumajj aca mundpachana jach'a juezätawa, ¿janiti chekaparu uñjcäta? —sasa.

Aymar Bibliia 1986

²⁵ ¡Janiw waquiscaspati uqham jan juchanirojja juchaninacampi chica jiwarayañamajja, panpachanis pachpa jucha lurapcaspa uqhama! ¡Jan uc luramti! Jumajj aca mundpachana jach'a juezätawa, ¿janiti chekaparu uñjcäta? —sasa.

Qullan Arunaka DC

²⁵ ¡Janiw wakiskaspati jan juchaniru, juchanimpi chika jiwarayañamaxa, panpachanis pachpa jucha lurapkaspa ukhama! ¡Jan uk luramti! Jumax aka uraqpachan jach'a taripirïtawa, ¿janit chiqapar uñjkäta? —sasa.

Génesis 18:25 Jak'a apnaqawi uñst'ayäwi

Génesis 18:24

Inampisa pheska tuncani jan juchan jakenacajj utjascaspa uca marcanjja. Uqhamäquipansa, ¿t'unjascaquïtati uca marcarojja, janiraquiti perdoncasma uca pheska tuncani jan juchan jakenac laycojja?

1 Crónicas 16:33

¡Ch'uminacanquir kokanacasa cusisiñata k'ochupjjpan, Tatitun nayrakatapana, jupasti oraker apnakeriw juti!

2 Crónicas 19:7

Uqhamasti Tatiturojj ajjsarapjjam, uqhamarac suma amuyasipjjaraquim cuntï lurapcäta ucanacanjja, jiwasan Tatit Diosasasti janiw alekaqui uñjcaniti jan chekapar luratjja, mä kawkhaniruqui uñjatarusa, ni kollke chilltañanacsa” sasa.

Nehemías 9:33

Ucampis jumajj chekapätawa take cunanacatejj nanacjjaru jutcäna ucanacatjja; jumajja take phokhañamampiwa phokhäyätajja, ucampis nanacajja cunatejj jan walïqui ucwa lurapjjäyäta.

Job 34:10

Ucampisa jumanacajja, amuyt'ani jakenacäpjjtawa, uca laycu jichhajj ist'apjjeta. ¡Take ch'amani Diosajj janiw cuna jan walsa lurcaspati, janiraquiw cunatejj jan chekapäqui ucsa lurcaspati!

Job 34:12

Chekpachansa take ch'amani Diosajja, janiw cuna ñankhsa, cunatejj jan chekapäqui ucsa lurquiti,

Job 8:20

“Diosajj jan juchan jakerojj janiw apanucquiti, janiraquiw ñankha jakenacarus yanapt'caraquiti.

Job 8:3

Take ch'amani Diosasti janipuniw cunapachasa cunatejj chekapäqui ucjja maysaru k'ewcaspati.

Salmos 50:6

Alajjpachasti Diosan asqui cancañap yatiyi, pachpa Diosaw taripirit sayt'i.

Salmos 58:11

Ucapachaw aqham sapjjani: “Asqui jakejj waliruquis purisquejjä, Diosajj chekapar uñjirïscapunisä” sasa.

Salmos 7:12

Janitejj jakejj Diosar cutiquipstcanejja, jupajj espadap waquicht'asini; mich'ipasti niy jiyintatpachawa.

Salmos 75:3

Aca orakejj jakenacapamppachas qhathatiscpan, nayaw saphitpach thuruñchiripätjja” sasa.

Salmos 94:2

Jumaw acapachar taripirïtajja, sartasiquimaya, jach'achasirinacarojj lurataparjamay phokhañcham.

Salmos 98:9

orak apnaker jutir Tatitutaqui. Jupaw chekapar uñjañampejj oraker apnakani, marcanacarusti chekaparuw qhusqhac uñjani.

Eclesiastés 3:17

Ucatsti nayajj sistwa: “Diosaquiw chekapar uñj-jjani, asqui jakerusa ñankha jakerusa, mä horasa utjatapata take cuna lurasïwitaquisa, uqhamarac take cuna lurañataquisa.”

Eclesiastés 7:15

Take acanacwa uñjawayta aca juc'a inamaya jacañajjanjja, suma jakenacaw jiwapjje, jupanacajj suma jakëpcchi ucasa, ucatsti ñankha jakenacajj jan walsa lurapcchi ucasa, walja maranacawa jacapjjaraqui.

Jeremías 11:20

Ucampisa jichhajj take ch'amani Tatitu, chekapa uñjirïtawa; jumajj jaken amtatanacapsa yattawa. Cunjämtejj aca jakenacar mutuycäta ucsti uñjayaraquita, nayasti amparamaruw take cunanacajjsa catuyasiracsma.

Jeremías 12:1

Tata, jumampi ch'ajjwañarutejj uscusëjja, juman arumajj chekapapuniwa; ucampis nayajj jisct'añ munirisma, ¿cunatsa ñankha jakenacataquejj take cunasa sumaqui lurasirapi? Uqhamaraqui, ¿cunatsa ch'ojjña luririnacasa, sumaqui jacasipjje?

Ezequiel 18:25

Jumanacajj sapjjätawa: ‘Tatitojj janiw chekaparu uñjquiti’ sasa, ucampisa ist'am Israel marca: ¿Jumanacasti amuyapjjtati nayan jan chekaparu uñjascatajja? ¿Janit jumanacaqui jan chekaparu cunanacsa lurapcta?

Malaquías 3:18

Ucapachaw jumanacajj amuyasipjjäta cunatejj asquïqui, uqhamaraqui cunatejj jan asquïqui ucsa, uqhamaraqui qhititejj Diosaru yupaychqui, jan yupaychqui ucanacsa.” Uqham siw take ch'aman Diosajja.

Números 16:22

Ucampis jupanacajj ajanunacap oraker puriyañcamaw alt'apjjäna, ucatsti sapjjaraquïnwa: —Dios Tata, jumaw take jakenacarus jacañ churta, ¿takpach marcampiti colerasïta mä sapa jaken juchapatjja? —sasa.

2 Corintios 5:10

Criston tribunalap nayrakatarusti takeniw uñstañäni, sapakat maynis catokañapataqui cunatejj wact'qui uca, walsa jan walsa jacäwipanjja lurataparjama.

Deuteronomio 1:16

Uca quipcaraquiwa juezanacarus aca ewjjanac churayäta: ‘Takeniruraqui sum uñjapjjam, sapakat mayniruraqui suma cheka cancañampi uñjapjjam, marca masi jakenacamaru uqhamarac yakha marcat jutir jakenacarusa;

Deuteronomio 1:17

cunapachatï jumanacajj juchanacap uñjapcäta ucqhajj jan maynitsa arjjatasipjjamti, jan ucajj pobre jakerusa, kamir jakerusa ucqhapura uñjapjjam jan ajjsarasaw uñjapjjäta, juchañchañasti Diosanquiwa. Ucatsti cawquïri ch'ajjwatï jumanacatac ch'amäni ucjja nayaruw pasayanipjjetäta, nayaw ucanac uñjä’ sasa.

Deuteronomio 32:4

Jupaw jiwasan arjjatirisajja; luräwipasa chekaparaquiwa, luratapasa chekaraquiwa. Jupasti chekapa Diosawa, janiw jupanjja cunatejj jan chekapäqui ucajj utjquiti, ¡jupasti chekapawa, asquiraquiwa!

Hebreos 12:23

uqhamarac Diosan wawanacapan tantachasïwinacaparu, ucanacajj alajjpachan kellkantatawa. Takenin Diosapäqui uca Juez thiyarus jac'achasipjjaractawa, qhitinacatejj k'omachatäpqui uca asqui jakenacan ajayuparusa.

Jueces 11:27

Ucampis nayajj janiw cuna jan wals lurcsmati, jan ucasti jumawa jan wali lurtajja nanacampi nuwasiri jutasinjja. Jichhasti Diosawa cheka uñjir juezajja, jupawa cunjämarusa cheka uñjani israelitanacampiru, amonitanacampirojja” sasa.