Génesis 18:25 - Qullan Arunaka DC

²⁵ ¡Janiw wakiskaspati jan juchaniru, juchanimpi chika jiwarayañamaxa, panpachanis pachpa jucha lurapkaspa ukhama! ¡Jan uk luramti! Jumax aka uraqpachan jach'a taripirïtawa, ¿janit chiqapar uñjkäta? —sasa.

Aymar Bibliia 1986

²⁵ ¡Janiw waquiscaspati uqham jan juchanirojja juchaninacampi chica jiwarayañamajja, panpachanis pachpa jucha lurapcaspa uqhama! ¡Jan uc luramti! Jumajj aca mundpachana jach'a juezätawa, ¿janiti chekaparu uñjcäta? —sasa.

Qullan Arunaca

²⁵ ¡Janiw waquiscaspati uqham jan juchanirojja juchaninacampi chica jiwarayañamajja, panpachanis pachpa jucha lurapcaspa uqhama! ¡Jan uc luramti! Jumajj aca mundpachana jach'a juezätawa, ¿janiti chekaparu uñjcäta? —sasa.

Génesis 18:25 Jak'a apnaqawi uñst'ayäwi

Génesis 18:24

Inas uka markan phisqa tunkan jan juchan jaqinakax utjchispa. Ukhamäkipansa, ¿uka markarux t'unjaskakïtati, janit uka phisqa tunkan jan juchan jaqinak laykux pampachkäta?

1 Crónicas 16:33

¡Ch'uminkir quqanakas Tatitun nayraqatapan kusisiñat art'asipxpan, jupax akapach apnaqiriw juti!

2 Crónicas 19:7

Ukhamasti Tatiturux axsarapxam, luratanakam wal amuyasipxarakim, Tatit Diosasax janiw aliqak uñkatkiti jan chiqapar uñjirinakaru, maynitak arxatasirinakaru, qullqi chilltayasirinakarusa” sasa.

Nehemías 9:33

Ukampis jumax chiqapätawa, taqi kunanakatix nanakxaru jutkäna ukanakat mutuñanakaxax wakisïnwa; jumax chiqaparuw uñjapxistaxa, nanakaw kunatix jan walïki uk lurapxtxa.

Job 34:10

Wali amuyt'an jaqinaka, ist'apxita: ¡Taqi ch'aman Diosax janiw kuna jan walsa lurkaspati, janirakiw kunatix jan chiqapäki uksa lurkaspati!

Job 34:12

Chiqpachansa taqi ch'amani Diosaxa, janiw kuna ñanqhsa lurkiti, janirakiw jan chiqapäki uksa lurkiti,

Job 8:20

Tatitux aski jaqir janiw apanukkiti, ñanqha jaqinakarus janirakiw yanapt'kiti.

Job 8:3

Taqi ch'aman Tatitux, janipuniw kunapachas kunatix chiqapäki uk maysar q'iwkiti.

Salmos 50:6

Alaxpachasti Diosan aski taripirïtap yatiyi.

Salmos 58:11

11 (12) Ukapachaw sapxani: “¡Aski jaqix walirukis puriskixä! ¡Diosax chiqapar uñjirïskapunisä!” sasa.

Salmos 7:12

12 (13) Janitix jaqix Tatitur kutikipstkanixa, Tatitux espadap wakicht'asini; mich'ip antutt'añas niy jiyintatpachawa,

Salmos 75:3

3 (4) Aka uraqix jaqinakapamppach khathatki ukkhaxa, nayaw saphitpach thuruñchiripätxa” sasa.

Salmos 94:2

Jumaw akapachar taripirïtaxa, jach'achasirinakarusti lurataparjamay mutuyam.

Salmos 98:9

kusisiñampi art'asipxpan, aka uraq apnaqir jutir Tatitutaki. ¡Jupax chiqpach aski Diosawa, markanakarusti chiqap kankañampiw apnaqani!

Eclesiastés 3:17

Ukat sarakta, Diosaw aski jaqirus ñanqha jaqirus chiqapar uñjaskani, ukampis taqi kun lurañatakix mä pachakiw utji.

Eclesiastés 7:15

Taqi akanak uñjawayta aka juk'a inamay jakañaxanxa: aski jaqinakax askinak lurkasaw jiwapxi, ñanqha jaqinakasti jan walinak lurkasas walja maranakaw jakapxi.

Jeremías 11:20

Ukampis jichhax taqi ch'aman Tatitu, jumax chiqapa uñjirïtawa; jumax jaqin amtatanakapsa yattawa. Kunjämtix uka jaqinakar mutuykäta uk uñjayarakita, nayasti amparamaruw taqi akanak katuyaraksma.

Jeremías 12:1

Tatay, jumampi ch'axwañarutix uskusïxa, juman arumakipuniw chiqapaxa; ukampis nayax jiskt'añ munirisma, ¿kunatsa ñanqha jaqinakatakix taqi kunas sumak lurasirapi? ¿kunatsa ch'uxña luririnakax sumak jakasipxi?

Ezequiel 18:25

Jumanakax sapxätawa: ‘Tatitux janiw chiqapar uñjkiti’ sasa, ukampis ist'am Israel marka, ¿nayan jan chiqapar uñjaskataxti jumanakax amuyapxta? ¿Janit jumanakaki jan chiqapar kunanaksa lurapkta?

Malaquías 3:18

Ukapachaw jumanakax amuyasipxäta kunatix askïki, kunatix jan askïki uka, ukhamaraki, khititix Diosar yupaychki, khititix jan yupaychki ukanaka” sasa.

Números 16:22

Moisesampi, Aaronampisti ajanup uraqir puriñkamaw alt'apxäna, Tatiturux sapxarakïnwa: —Tatit Diosay, jumaw taqi jaqinakarus jakañ churtaxa, ¿mä sapa jaqin juchap laykukiti taqpach markatak q'apisïtasti? —sasa.

2 Corintios 5:10

Taqiniw Criston taripäwip nayraqatar uñstañäni, sapaqat maynis luräwipatjam katuqañapataki, janchinkkasin walsa jan walsa lurataparjama.

Deuteronomio 1:16

Ukhamarusa, jumanakan ajllit taripirinakarux aka arunak iwxarakta: ‘Taqinir sum uñjapxam, marka masinakamaru, yaqha markat jutir jaqinakarusa, sapaqat maynir suma chiqa kankañamp uñjapxarakim;

Deuteronomio 1:17

kunapachatix jumanakax juchanakap uñjapxäta ukkhaxa, janiw jumanakax ajanu uñkatasaki taripapxätati, jan ukasti pist'añan sarnaqir jaqirusa, qamir jaqirusa khuskak uñjapxäta, jan khitir axsarasa, juchañchañasti Diosankiwa. Mä kunasa jumanakatak jan askichkayänixa, nayaruw yatiyanipxitäta, nayaw ukanak uñjä’ sasa.

Deuteronomio 32:4

Jupaw jiwasan arxatirisaxa; luräwinakapax jan kamskayawa, luratapas chiqaparakiwa. Jupax chiqa kankañan Diosapawa, janiw ñanqha luratapax utjkiti, ¡jupax chiqawa, askirakiwa!

Hebreos 12:23

ukhamarak alaxpachan qillqantatäpki uka Diosan nayrïr wawanakaparusa. Taqinir taripir Diosaru, Diosax askir tukuyki uka aski jaqinakan ajayuparuw jak'achasipxtaxa,

Jueces 11:27

Nayax janiw jumarux kuna jan walsa lurksmati. Jumaw nanakampi nuwasir jutasax jan wal lurasipkista. Ukampis Tatituw chiqapar uñjirixa, jupaw israelitanakampiru, amonitanakampirux taripaskani” sasa.