Apocalipsis 20:11 - Qullan Arunaka DC

¹¹ Ukatsti mä jach'a janq'u qhapaq qunuñ uñjarakta, ukan qunt'atäkän ukampiru. Jupan nayraqatapat uraqimpi alaxpachampix jan mayampitakiw chhaqtawayxäna, janirakiw kawkinsa wasitat uñjañäkxänti.

Aymar Bibliia 1986

¹¹ Ucatsti mä jach'a jank'o trono uñjaracta, uqhamarac ucan kont'atäcäna ucsa. Jupa nayrakatansti alajjpachas acapachas tucusjjänwa, janiraquiw cuna chekas jupanacataqui utjcjjänti.

Qullan Arunaca

¹¹ Ucatsti mä jach'a jank'o trono uñjaracta, uqhamarac ucan kont'atäcäna ucsa. Jupa nayrakatansti alajjpachas acapachas tucusjjänwa, janiraquiw cuna chekas jupanacataqui utjcjjänti.

Apocalipsis 20:11 Jak'a apnaqawi uñst'ayäwi

Génesis 18:25

¡Janiw wakiskaspati jan juchaniru, juchanimpi chika jiwarayañamaxa, panpachanis pachpa jucha lurapkaspa ukhama! ¡Jan uk luramti! Jumax aka uraqpachan jach'a taripirïtawa, ¿janit chiqapar uñjkäta? —sasa.

Job 9:6

Jupaw uraqsa unxtayi, uraqin utt'äwinakapsa khathatiyaraki.

Salmos 102:26

26 (27) Taqi ukanakax tukusxakiniwa, jumasti pachpakïsktawa. Ukanakax isir uñtataw mirq'isini; wariraptir isir uñtataw tukusini.

Salmos 47:8

8 (9) Diosax markanakan Reyipawa! ¡Diosax qullan qunuñapxan qunt'atäskiwa!

Salmos 89:14

14 (15) Chiqapar uñjañampi, aski kankañampiw markarux apnaqtaxa, munasiñaman wiñayatakïtap uñacht'ayapxistaxa.

Salmos 97:2

Jupax ch'amak qinayanakamp muyuntatawa; chiqapar uñjañampi, aski kankañampiw reyi qunuñaparux ch'amañchi;

Isaías 6:1

Rey Oziasax jiwkän uka maraxa, Tatituruw uñjta, mä jach'a qunuñan qunt'ata; isipas jupan utapar phuqhantatänwa.

Daniel (hebreo) 2:35

Ukapachasti hierrosa, ñiq'isa, broncesa, qullqisa, qurisa laq'aruw tuküna, kunjämtix jawq'a pachan jawq'sut trigox khuysuski ukhama, thayasti jan akch'sa jilt'ayasaw uk apasxäna. Ukampis uka jaqiru jaqkattir qalasti, mä jach'a qulluruw tukuwayxäna, ukat uka qullux taqi aka uraqpachan phuqhantäna.

Daniel (hebreo) 7:10

Jupa nayraqatasti mä nina jawirjamaw misturakïna. Waranqanakaw juparux yupaychapxäna, waranqa waranqanakaw jupa nayräxan sayt'atäpxäna. Taripäwi qalltasinsti, qillqatanakax jist'arataw uñjasïna.

Mateo 11:22

Ukampis nayax sapxsmawa, taripäwi urun jumanakax Tironkirit sipana, Sidonankirit sipan jach'a mutuñ katuqapxäta.

Mateo 24:35

Alaxpachampi akapachampix tukusiniwa, arunakaxasti janiw tukuskaniti.

Mateo 25:31

“Kunapachatix Jaqin Yuqapax munañan kankañampi, taqpach angelanakapampi jutkan ukapachax, qhapaq qunuñaparuw qunt'asini.

Romanos 2:5

Ukampis jumax qala chuymanïtam layku, Diosar makhatañ jan munatam laykux, juma pachpaw mutuñ urutakix mutuyäwi katuqañatak wakichasisktaxa, kunapachatix Diosax chiqpach juchañchir uñstankani,

2 Pedro 3:7

Ukampisa, Tatitun arunakaparjamax aka uraqimpi alaxpachampix, ninampi t'unjatäñatak imatäskiwa. Uka ninaw taripäwi urun q'al nakhantani, jan walinak lurir jaqinakarus tukjarakini.

Apocalipsis 12:8

ukampis janiw atipjapkänti, janirakiw alaxpachan jupanakatak mä chiqax utjkxänti.

Apocalipsis 16:20

Ukapachaw taqpach quta wat'anakasa, qullunakas chhaqtxarakïna,

Apocalipsis 19:11

Ukatsti alaxpach jist'arat uñjta, mä janq'u caballorakiw uñstanïna. Uka caballor lat'xatat jaqisti, Chiqa, Aski, sutinïnwa. Jupasti chiqa kankañampiw apnaqäna, chiqapat nuwasirakïna.

Apocalipsis 20:2

Uka angelasti dragonaruw katuntäna, nayrapachan utjir katariru, ukasti Supayawa. Katuntasinsti waranqa maratakiw ñach'antäna.

Apocalipsis 21:1

Ukatsti machaq alaxpachampi, machaq uraqimpi uñjarakta. Nayrïr alaxpachampi uraqimpix tukusxataynawa, janirakiw qutas utjkxänti.

Apocalipsis 21:5

Ukatsti qhapaq qunuñan qunt'atäkän ukax sänwa: “Nayax taqi kun machaqat lurta” sasa. Sarakïnwa: “Qillqam, aka arunakax chiqapawa, iyawskañarakiwa” sasa.

Apocalipsis 4:2

Nayasti ukspachaw Qullan Ajayun apnaqat uñjasta, ukatsti alaxpachan mä qhapaq qunuñ uñjta, uka qunuñansti mayniw qunt'atäskäna.

Apocalipsis 6:14

Alaxpachasti chhaqtawayxänwa, mä llawur uñtatakiw llawthaptawayxäna, ukatsti taqpach qullunakampi, quta taypin utjir wat'anakampix yaqha chiqar unxtayataw uñjasïna.