Apocalipsis 20:2 - Qullan Arunaca

² Aca angelasti dragonaruw catuntäna. Uca dragonasti nayrapacha catari pachpa Supayawa. Catuntasinsti waranka marataquiw ñach'antaraquïna.

Aymar Bibliia 1986

² Aca angelasti dragonaruw catuntäna. Uca dragonasti nayrapacha catari pachpa Supayawa. Catuntasinsti waranka marataquiw ñach'antaraquïna.

Qullan Arunaka DC

² Uka angelasti dragonaruw katuntäna, nayrapachan utjir katariru, ukasti Supayawa. Katuntasinsti waranqa maratakiw ñach'antäna.

Apocalipsis 20:2 Jak'a apnaqawi uñst'ayäwi

Génesis 3:1

Diosasti take animalanac lurcatayna ucanac taypinjja catarejj wali ch'iqhïnwa take animalanacat sipansa, ucatsti warmiruw jisct'äna aqham sasa: —¿Uqhamajj Diosajj sapjjtamti: ‘Janiw cawquïri kokan achunacapsa mank'apjjätati’ sasa?

Génesis 3:15

Warmimpi jumampsti enemigo tucuyapjjäma, uqhamaraqui uca warmin wawanacapampi, wawanacamampisa enemigonïpjjaraquiniwa. Warmin wawapasti p'eket takjjatätam, jumasti cayut achjaraquïta —sasa.

Job 1:7

Ucatsti Tatitojj Supayarojj jisct'änwa: —¿Cawquitsa jumajj jutta? —sasa. Supayasti saraquïnwa: —Nayajj orake maysat maysa muytanïwitwa jutascta —sasa.

Isaías 24:22

mayjaruw tantachthapini, ucatsti mä calabozoruw jakontaraquini, ucanwa carcelt'ata uñjasipjjani, jaya maranacatwa mutuyascaraquini.

Isaías 27:1

Uca urunjja Tatitojj mutuyaniwa, ajjsarcaña, jach'a ch'amani espadapampi, Leviatanaru jaltiri catariru, Leviatanaru, k'ewinaktir catariru, jach'a kotanquir dragonarus jiwayaraquiniwa.

Ezequiel 47:5

Yakha pheska pataca metronacampwa tupt'araquïna, ucasti mä jach'a jan pascaya jawiraw tucuwayjjaraqui; uca jawirasti wali jach'a jawiraw tucjjäna, umanacapasti waljapunïnwa tawumpi pascatañjamaquïnwa.

Mateo 19:29

Uqhamaraqui take qhitinacatejj jaytanucuni utanacapa, jilanacapa, cullacanacapa, taycapa, awquipa, wawapa uqhamarac orakepsa naya laycu ucanacajja, patac cuti ucqhampwa catokapjjani, uqhamaraqui wiñay jacañampi.

Mateo 8:29

Ucanacasti wali jach'at art'apjjäna: —Jesús, Diosan Yokapa, ¿cunatsa jumajj nanacan ucaru jutta? ¿Nanacaru t'akhesiyirit juttajja janïra horasas purinquipana? —sasa.

Marcos 4:15

Yakhep jakenacajj thaquir purquis uca jathanacar uñtatawa. Diosan arunacap ist'apquis ucspachaw supayajj jutasin chuymanacapat uca arunacjja k'al chhaktayi.

Marcos 5:7

Ucatsti, jach'at juparojj art'äna: —¡Jesús, Alajjpachanquir Diosan Yokapa! ¿Cuna lurañamas nayamp utji? Diosan sutiparuw achict'assma, janiquiy t'akhesiyistati —sasa.

Juan 12:31

Jichhapï horasajja acapachasti taripatäniwa, jichharaquiwa acapacha apnakerejj jaksutäni.

Juan 16:11

Diosan juchañchäwipatsti amuyasipjjaraquiniwa, acapacha apnakerejj niya juchañchatäjjatap laycu.

Romanos 16:20

Samarañ churir Diosajja janc'aquiw supayarojj ch'usaru tucuyani, jumanacampi uca supayaru takjjatayasa. Jesús Tatitusajj jumanacarojj bendispan.

Hebreos 2:14

Mä familian wawanacapajj mä janchita, uqhamarac mä wilat jutiriquiwa; Jesusajj janchimpit wilampit jutaraqui uqhamat jiwañapataqui, ucatsti qhititejj jiwayañatac ch'amanïcän ucaru t'unjañataqui, ucasti Supayawa.

1 Pedro 5:8

Wali amuyt'asirïpjjam, janc'aquïpjjaraquim, jumanacar uñisir Supayasti mä leonar uñtataw warart'asisa sarnakasqui qhitiru mank'antañataquisa.

2 Pedro 2:4

Diosajj janiw jupa contra juch lurir angelanacarus perdoncänti, jan ucasti infiernoruw jakontänjja, ch'amacanacaruraquiw jayti cadenanacampi ñach'antata taripäwi urutaqui.

Judas 1:6

Uqhamaraqui cawquïr angelanacatejj jan sum imapcäna lurañanacapjja, jan ucasti utjäwinacapjja jaytanucupjjän ucanacarojj Diosajj preso catjjäsisqui jach'a taripäwi urutaqui, ch'amacanacan jan tucusquir wiñay cadenanacamp ñach'antata.

Apocalipsis 12:13

Uca dragonasti orakeru jakonucuta uñjasjjasinjja, wawachascänsa uca warmiruwa arcnakäna.

Apocalipsis 12:15

Uca cataristi lacapatjja umwa mistuyäna mä jawirjama, uqhamat warmiru uca jawirampi apayañataqui.

Apocalipsis 12:17

Uc uñjasasti dragonajj wal colerasïna, ucatsti warmin mayni wawanacapampi nuwasiriw saräna, qhitinacatejj Diosan camachiparu jaysapqui, uqhamarac Jesucriston arunacaparus jaysapcaraqui ucanac contra.

Apocalipsis 12:3

Ucatsti yakha uñacht'äwiraquiw alajjpachanjja uñstäna: Mä jach'a dragón sat wila animalaraquiw uñstäna: ucasti pakallko p'ekenïnwa, tunca wajjran cuna, sapa p'ekerusti mä coronan asjjatata.

Apocalipsis 12:4

Wich'inqhapampisti quimsïri partwa alajjpach warawaranacjja onjjtayäna, ucatsti orakeruraquiw willirtayanïna. Aca dragonasti uca wawachasiri warmin nayräjjaparuw sayt'asi, uca wawar ucspacha mank'antañataqui.

Apocalipsis 12:9

Uqhamajj uca dragonajj jakonucutäjjänwa alajjpachatjja. Uca dragonapï nayrapacha uca jach'a catarïnjja, ucasti Supaya, Satanás sataraquiwa, juparaquiw aca oraken jakenacarojj wali sallkjañanac luri. Jupampi angelanacapampisti aca orakeru jaktanitäjjapjjänwa.

Apocalipsis 13:2

Uñjcta uca ajjsarcañ animalasti mä tigrer uñtatänwa, cayunacapasti oso sat animalan cayunacapjama, lacapasti leonan lacapjamaraqui. Dragonasti juparojj ch'amapa churaraquïna, uqhamarac tronopsa, wali munañanïñampi.

Apocalipsis 13:4

Dragonarusti yupaychapjjaraquïnwa uca jach'a ajjsarcañ animalaru munañanïña churatapata. Uca animalarus yupaychapjjaraquïnwa: “¿Qhitirac aca jach'a ajjsarcañ animaljamasti utjisti? ¿Qhitiraqui jupampisti nuwasiraquispasti?” sasa.

Apocalipsis 20:10

Sallkjir Supayasti nina asufre kotaru jakontatänwa, cawqhanccäntï c'ari profetampi uca jach'a ajjsarcañ animalampejj ucaru. Ucanwa uruy aruma t'akhesipjjani wiñayan wiñayapataqui.

Apocalipsis 20:7

Waranka mara phokhasjjani ucqhasti, Supayajj catuntäwipatjja antutatäjjaniwa.

Apocalipsis 9:11

Uca t'ijut'ijunacasti mä jilïrinïnwa, uca jilïripasti uca ch'amac mankhat mistuniri angelänwa. Aca angelasti hebreo arunjja Abadón satänwa, griego arunsti Apolión sataraqui, ucajj t'unjiri, sañ muni.