Apocalipsis 20:2 - Qullan Arunaka DC

² Uka angelasti dragonaruw katuntäna, nayrapachan utjir katariru, ukasti Supayawa. Katuntasinsti waranqa maratakiw ñach'antäna.

Aymar Bibliia 1986

² Aca angelasti dragonaruw catuntäna. Uca dragonasti nayrapacha catari pachpa Supayawa. Catuntasinsti waranka marataquiw ñach'antaraquïna.

Qullan Arunaca

² Aca angelasti dragonaruw catuntäna. Uca dragonasti nayrapacha catari pachpa Supayawa. Catuntasinsti waranka marataquiw ñach'antaraquïna.

Apocalipsis 20:2 Jak'a apnaqawi uñst'ayäwi

Génesis 3:1

Diosasti taqi laq'unak lurkatayna uka taypinxa, asirux taqi uka laq'unakat sipan wali sallqänwa, ukatsti warmirux akham sasaw jiskt'äna: —¿Ukhamasti Diosax sapxtamti: “Janiw kawkïri quqan achunakapsa manq'apxätati” sasa?

Génesis 3:15

Warmimpi jumampisti wiñayaw timasipxäta, uka warmin wawanakapampi, juman wawanakamampis timasipxarakiniwa. Warmin wawapasti p'iqit takxatätam, jumasti kayu wintut achjarakïta —sasa.

Job 1:7

Tatitusti juchañchir angelaruw jiskt'äna: —¿Kawkitsa jumax jutta? —sasa. Juchañchir angelasti sänwa: —Nayax uraqi maysat maysa muytanïwit jutaskta —sasa.

Isaías 24:22

mayjaruw tantachthapini, ukatsti mä mutuñäwjaruw jaquntani, ukan katuntat uñjasipxani, ukatsti jaya urunakat mutuyaskarakini.

Isaías 27:1

Israel markan uñisirinakapax lamar qutan axsarkañ laq'ur uñtatäpxiwa, katarinakjamaw uksar aksar q'iwinaqtapxi, ukampis Tatituw jach'a ch'aman espadap ayxarusini, ukampiw q'al jiwarayani.

Ezequiel 47:5

Yaqha phisqa patak metronakampi tupt'askakiwa, uka jalir umasti mä jach'a jan makhatkay jawiraw tukxäna, umanakapan waljätapatsti, tawumpi makhatañjamakïnwa.

Mateo 19:29

Ukatsti taqi khitinakatix naya layku jaytanukuni: utanakapa, jilanakapa, kullakanakapa, taykapa, awkipa, wawapa, uraqinakapa; jupanakax ukanakat sipan patak ukkhampi katuqapxani, ukatsti wiñay jakañ katuqapxarakini.

Mateo 8:29

jupanakasti wali jach'at art'apxäna: —¡Jesús, Diosan Yuqapa, nanakampix jan kuns luramti! ¿Janïräkipanti nanakar t'aqhisiyir jutta? —sasa.

Marcos 4:15

Yaqhip jaqinakax thakhir purkis uka jathanakar uñtatawa. Diosan arunakap ist'apkis ukspachaw supayax jutasin chuymanakapat uka arunak q'al lunthatsuwayi.

Marcos 5:7

ukatsti, jach'at juparux art'äna: —¡Jesús, Alaxpachankir Diosan Yuqapa! ¿Kuna lurañamas nayamp utji? ¡Diosan sutiparuw achikt'assma, janikiy t'aqhisiyistati! —sasa.

Juan 12:31

Jichhapï akapachax taripatänixa, jichharakiw akapach apnaqiris jaqunukutänixa.

Juan 16:11

¿khitirak Diosan taripäwip katuqanisti? Khititix akapach apnaqki ukawa, jupasti niya juchañchatäxiwa.

Romanos 16:20

sumankayir Diosax jank'akiw supayar atipjasin kayunakamamp takxatayani. Tatit Jesusax jumanakar munasiñap churpan.

Hebreos 2:14

Kunjämatix mä utankir wawanakax mä janchita, mä wilat jutixa, ukhamarakiw Jesusax jaqjam janchinïna, jaqjam wilanïna, ukhamat jiwäwipampi atipjañataki, khititix jiwayañatak ch'amanïkän uka supayaru.

1 Pedro 5:8

Wal amuyt'asipxam, jank'akïpxarakim, jumanakar uñisir supayasti mä leonar uñtataw warart'asis khitir manq'antañatak thaqhaski.

2 Pedro 2:4

Diosax janiw angelanakarus juch lurapxatapat pampachkänti, jan ukasti, manqha pacharuw jaquntäna, jupanakarusti ch'amakanakaruw cadenanakamp ñach'antat jaytäna, taripäwi uru puriniñapkama.

Judas 1:6

Ukatsti kawkïr angelanakatix lurañanakap jan sum imapkäna, suma utjäwinakapsa jaytanukupkäna ukanakarusti, Tatitux wiñayatak cadenanakamp ñach'antat katxäsiski, ch'amak manqhanakar jist'antata, jach'a taripäwi uru puriniñapkama.

Apocalipsis 12:13

Uka dragonasti uraqir jaqunukuta uñjasxasinxa, yuqall wawa wawachaskän uka warmiruw arknaqañ qalltäna.

Apocalipsis 12:15

Uka dragonasti lakapat walja uma mistuyäna, mä jawirar uñtata, warmir uka jawirampi apayañataki;

Apocalipsis 12:17

Uk uñjasasti dragonax warmitak walpun q'apisïna, ukatsti warmin mayni wawanakapampi nuwasiriw saräna, Diosan kamachinakap jaysirinakampi, Jesucriston arunakap katxäsirinakampi nuwasiriw sararakïna.

Apocalipsis 12:3

Ukatsti yaqha chimpuw alaxpachan uñstarakïna: mä jach'a wila dragón animalaw uñstäna, ukasti paqallqu p'iqinïnwa, tunka waxran kuna, sapa p'iqirusti mä pillumpi asxatata.

Apocalipsis 12:4

Wich'inkhapampisti niya chikatan chikatap alaxpach warawaranak qatatïna, ukatsti uraqiruw willirtayanïna. Uka dragonasti wawachasir warmin nayräxaparuw sayt'asi, yurkani uka wawar ukspach manq'antañataki.

Apocalipsis 12:9

Uka jach'a dragonasti alaxpachat jaqunukutaw uñjasïna, ukax nayratpach utjir katariwa, supaya, Satanás satarakiwa, jupaw aka uraqin jaqinakar sallqanti. Jupampi angelanakapampisti aka uraqir jaquqanitaw uñjasipxäna.

Apocalipsis 13:2

Nayax uñjkta uka axsarkañ animalasti leopardo animalar uñtatänwa; kayunakapasti oso animalan kayunakapjamänwa, lakapasti leonan lakapjamarakïnwa. Dragonasti uka animalarux ch'amapampi, reyi qunuñapampi, wali munañanïñ kankañapampi katuyäna.

Apocalipsis 13:4

Taqiniw dragonarux yupaychapxäna, uka jach'a axsarkañ animalar munañanïñ kankañ churatapata; uka axsarkañ animalarux yupaychapxarakïnwa: “¿Khitirak aka jach'a axsarkañ animaljam utjisti? ¿Khitirak jupampi nuwasispasti?” sasa.

Apocalipsis 20:10

Sallqjir supayasti nina azufre qutar jaquntataw uñjasini, kawkirutix k'ari profetampi uka jach'a axsarkañ animalampix jaquntat uñjasipkarakïn ukaru. Ukan uruy aruma taqpachan t'aqhisipxani, wiñayan wiñayapataki.

Apocalipsis 20:7

Uka waranqa mara phuqhaskani ukkhasti, Supayax jist'antatäki ukawjat antutnukutaw uñjasini,

Apocalipsis 9:11

Uka t'iju t'ijunakan jilïripasti manqha pachan angelapawa. Aka angelasti hebreo arunxa Abadón satawa, griego arunsti Apolión satarakiwa, paypach arunsti sutipax “T'unjiri” sañ muni.