Apocalipsis 18:4 - Qullan Arunaca Ucatsti yakha aru ist'aracta alajjpachat art'asiniri: “Nayanquir jakenaca, mistjjapjjam uca marcata, jan jupamp chica jucha lurapjjañamataqui, uqhamarac cuna t'akhesïwitejj jutcani ucasa jan jumanacjjaru puriñapataqui. Aymar Bibliia 1986 Ucatsti yakha aru ist'aracta alajjpachat art'asiniri: “Nayanquir jakenaca, mistjjapjjam uca marcata, jan jupamp chica jucha lurapjjañamataqui, uqhamarac cuna t'akhesïwitejj jutcani ucasa jan jumanacjjaru puriñapataqui. Qullan Arunaka DC Ukatsti yaqha aru ist'arakta, alaxpachat art'asiniri: “Uka markat mistupxam, jumanakax markaxankirïpxtawa, jan jupamp chika jucha lurasipkañamataki, jupanakxar jutkani uka t'aqhisiñanakas jumanakxar jan purisinkañapataki. |
Lot chachasti tollkanacapan ucaruw saräna, ucanacasti phuchanacapampi casarasiñataqui parlatäpjjänwa, ucatsti jupanacarojj saraquïnwa: —¡Sartasipjjam, ucatsti aca marcat jayar sarjjapjjam, Tatitu Diosaw aca marcjja t'unjani! —sasa. Ucampisa tollkanacapajj janiw Lot chachan aruparojj yäkapcänti,
Lunthatarojj khomantasaw catoktajja, wachokan sarnakerinacampiw chicachastajja;
Babiloniat mistjjapjjam, caldeonacatsti jaltjjapjjaraquim; aca yatiyäwsti cusisiñampi arnakt'asis yatiyapjjam, aca orake tucuscamaraqui yatiyapjjam. Sapjjaraquim: “Tatituwa khespiyi Jacob sirviriparojja” sasa.
¡Mistunjjapjjam, mistunjjapjjam Babiloniatjja, jan cuna k'añurus llamct'apjjamti, mistunjjapjjam Babiloniatjja! ¡Jan cunampis k'añucht'asipjjamti qhitinacatejj Tatitun yänacapa apanipcta ucanacajja!
“¡Caldeo jakenacan Babilonia marcapatjja jaltjjapjjam! ¡Cunjämatejj irpanacajj taman nayrapa sarejj uqham mistunjjapjjam!
Nayan marcajja, uca taypit mistunjjam, sapa maynis jacañapa khespiyaspan, nayan akquiri colerasiñajjatjja!
Jumanacasti, qhitinacatejj jiwatäñat khespinipjjta ucanacasti jan sayt'asa jaltjjapjjam, jayanccasasa Tatitutjja amtasipjjapunim, Jerusalén marcatsa amtasipjjaraquim.
“¡Babilonia marcat jaltjjapjjam! ¡Qhitis khespiyaschini ucajj khesppan! ¡Jan jupan juchap laycu jiwapjjamti! Acaw nayan phoksusiña horasajjajja, cunjämarutejj waquisqui uqhamaruw churaraquëjja.
Babiloniarojj kollanacampi kolljjatatänwa, ucampisa janiw kollasquiti. ¡Pachparu apanucupjjam! Acat sarjjaraquiñäni, sapa maynis marcaparcama, Babilonian jach'a juchanacapasti alajjpachcamaw purjjaraqui, kenayanaccamaw maqhataraqui.
Ucatsti sapjjtawa: ‘Jiwasanacatejj awquinacasan urunacapan jacapjjasän ucajja, janiw uca profetanacaru jiwayañjja yanapcasänti’ sasa.
Ucatwa Tatitojj saraquejja: “Mistunjjapjjam jupanac taypita, jupanacat jithektapjjaraquim. K'añu lurañanacsti jan lurapjjamti, nayasti jumanacarojj catokjjapjjämawa.
Jan qhitirus janc'aqui jilïrit utt'ayamti, jan mayninacampi chic juchanïscañamataqui; amuyasipunim take jan walitjja.