Jeremías 51:6 - Qullan Arunaca

⁶ “¡Babilonia marcat jaltjjapjjam! ¡Qhitis khespiyaschini ucajj khesppan! ¡Jan jupan juchap laycu jiwapjjamti! Acaw nayan phoksusiña horasajjajja, cunjämarutejj waquisqui uqhamaruw churaraquëjja.

Aymar Bibliia 1986

⁶ “¡Babilonia marcat jaltjjapjjam! ¡Qhitis khespiyaschini ucajj khesppan! ¡Jan jupan juchap laycu jiwapjjamti! Acaw nayan phoksusiña horasajjajja, cunjämarutejj waquisqui uqhamaruw churaraquëjja.

Qullan Arunaka DC

⁶ “¡Babilonia markat jaltxapxam! ¡Qhispiñ munirix qhisppan! ¡Jan jupan juchap laykux jiwapxamti! Jupanakat phuqsusiñ uruw purinxi, luratanakaparjamaw churarakï.

Jeremías 51:6 Jak'a apnaqawi uñst'ayäwi

Salmos 94:1

Uqhämat uqhäm cutsuyasir Tatay, uqhämat uqham apsusir Diosay, uñachayasimaya.

Proverbios 13:20

Suma yatiñan jakenacamp chica sarnakerejja, suma yatiñaniraquïniwa; jan amuyt'an jakenacamp chica sarnakeristi, jan walt'añaruwa puriraquini.

Isaías 48:20

Babiloniat mistjjapjjam, caldeonacatsti jaltjjapjjaraquim; aca yatiyäwsti cusisiñampi arnakt'asis yatiyapjjam, aca orake tucuscamaraqui yatiyapjjam. Sapjjaraquim: “Tatituwa khespiyi Jacob sirviriparojja” sasa.

Isaías 63:4

Nayaw mä uru cheka uñjäwi utjañapjja amtta; marcajjar khespiyañ horasasti purinjjaraquitaynawa.

Jeremías 25:14

Jupanacarusti jach'a marcanaca uqhamaraqui ch'amani reyinacaw apnakapjjaraquini t'akhesiyapjjaraquinisa, uqhamatwa cunatejj juchanacapat churañajj waquisqui ucjja churäjja.’ ”

Jeremías 25:16

Cunapachatejj umantapjjani ucapachasti wak'akeñwa kalltapjjani, ucatsti lokhe jakenacjamaw sarnakapjjaraquini, cuna guerranactejj nayajj jupanacjjaru apayancä uca laycu” sasa.

Jeremías 27:7

Take marcanacasti juparu catuyatawa, jupaw apnakaraquini, wawapampi, allchhipampi, cunürutejj marcaparu yakha jach'a marcanacampi apnakatäñajj wact'cani uca urcama.

Jeremías 46:10

Aca urusti take ch'amani Tatitun urupawa, aca urunsti uñisirinacapatwa phoksusiraquini. Espadasti sist'asiñcamaw chhojjriñchjaraquini, wilampis machjascaspa uqhama. Tatitusti amsta tokenwa jiwarayaraquini, Eufrates jawira jac'ana.

Jeremías 48:6

¡Jaltjjapjjam! ¡Qhitis ch'amani ucajj jaltjjapjjpan! ¡Wasaranquiri ch'aphirar alinacjamäpjjaraquim!

Jeremías 50:15

¡Take token guerran nuwasiñ arunac art'apjjam! ¡Babiloniasti niya atipjatäjjaniwa, janiw juc'ampi nuwasiñ muncjjaraquiniti! ¡Torrenacas liwirtjjaraquiwa, perkanacas tincurjjaraquiniwa! Acaw nayan phoksusiñajjajja, jumanacasti phoksusipjjaraquim jupatjja. ¡Cuntejj jupajj mayninacaru lurcän uca pachpa lurapjjaraquim!

Jeremías 50:28

(Babiloniat jaltanjjeri jakenacaw Sionarojj purinipjje, cunjämsa Dios Tatitojj Babilonia marcarojj lurcatayna uca marcajj yakha marcanacaru uqhamaraqui Tatitun templopampi lurcatayna uqhamarjama, take ucanaca yatiyasisaw purinipjje.)

Jeremías 50:31

Take ch'amani Tatitu Diosajj saraquiwa: “Ñankha lurir marca, nayajj jumataquiw sayt'tjja; juman urumajj purinjjewa, jumaru mutuyañ horasas purinjjaraquiwa.

Jeremías 50:8

“¡Caldeo jakenacan Babilonia marcapatjja jaltjjapjjam! ¡Cunjämatejj irpanacajj taman nayrapa sarejj uqham mistunjjapjjam!

Jeremías 51:11

Tatitojj Babilonia marca t'unjañ muni, Media orakenquir reyinacan chuymaparusti uca pachpa t'unjaña amtäwinacwa uscuraqui. Ucaw Tatitun phoksusïwipajja, jupan temploparu cuntejj lurapqui ucanacatjja. ¡Jichhajj flechanacam waquichasipjjam! ¡Escudonacamsa sum catjjarupjjaraquim!

Jeremías 51:36

Tatitojj siwa: “Nayaw jumarojj chekaparu uñjäma, uñisirinacamatsti phoksusiraquïwa. Babilonianquiri jawiranacsa, uqhamarac uma phuch'unacsa k'alwa wañsuyaraquëjja,

Jeremías 51:45

Nayan marcajja, uca taypit mistunjjam, sapa maynis jacañapa khespiyaspan, nayan akquiri colerasiñajjatjja!

Jeremías 51:50

Jumanacasti, qhitinacatejj jiwatäñat khespinipjjta ucanacasti jan sayt'asa jaltjjapjjam, jayanccasasa Tatitutjja amtasipjjapunim, Jerusalén marcatsa amtasipjjaraquim.

Jeremías 51:56

Babiloniaru t'unjiriw jutapjjatayna, guerrar sarir jakenacapsti caturjjapjjaraquiwa, jisc'a jisc'wa arconacapsa tucjapjjaraqui. Tatitusti chekapa Diosawa, sapa maynirus waquisitaparjamaw churaraqui.

Jeremías 51:9

Babiloniarojj kollanacampi kolljjatatänwa, ucampisa janiw kollasquiti. ¡Pachparu apanucupjjam! Acat sarjjaraquiñäni, sapa maynis marcaparcama, Babilonian jach'a juchanacapasti alajjpachcamaw purjjaraqui, kenayanaccamaw maqhataraqui.

Lamentaciones 3:64

Jupanacarusti cunatejj waquisqui uqhamar uñjam, Tatay, luräwinacaparjama jupanacarojj uñjaraquim.

Números 16:26

Ucatsti marcpacharuw säna: —Jithektapjjam uca juchan ñankha jakenacan carpanacapatjja, janiraqui llamct'apjjamti cunatejj jupanacancqui ucanacjja, jan jumanacasa juchanacapat jiwapjjañamataqui.

Deuteronomio 32:25

Thaquinacansa, wawanacapajj espadampi jiwarayatäpjjaniwa, uta mankhepansa ajjsarañaquiw utjani; yokall wawasa, imill wawasa jiwarapjjaniwa.

Deuteronomio 32:41

Cunapachatejj lliphipquir espadajj afilasi, ucat cheka cancañajj laquintaraqui, ucapachaw uñisirinacajjatjja phoksusëjja. ¡Uqhamaraquiw phoksusëjja qhitinacatejj uñisipquitu ucanacatsa!

Deuteronomio 32:43

“¡Cusisipjjam marcanaca, Diosan marcapampi chica! ¡Jupaw wawanacapan jiwatapatjja phoksusini, uqhamaraquiw uñisirinacapatsa phoksusini, ucatsti orakeparusa marcaparusa khespiyaraquiniwa!”

1 Timoteo 5:22

Jan qhitirus janc'aqui jilïrit utt'ayamti, jan mayninacampi chic juchanïscañamataqui; amuyasipunim take jan walitjja.

Apocalipsis 16:19

Jach'a marcasti quimsaruw jaljtäna, yakha marcanacasti k'alaraquiw t'unthaptäna. Diosasti amtasiraquïnwa Babilonia jach'a marcataqui cuna mutuyäwitï waquichatäcänjja uca churañataqui jach'a colerasiñapampi.