Jeremías 51:9 - Qullan Arunaca

⁹ Babiloniarojj kollanacampi kolljjatatänwa, ucampisa janiw kollasquiti. ¡Pachparu apanucupjjam! Acat sarjjaraquiñäni, sapa maynis marcaparcama, Babilonian jach'a juchanacapasti alajjpachcamaw purjjaraqui, kenayanaccamaw maqhataraqui.

Aymar Bibliia 1986

⁹ Babiloniarojj kollanacampi kolljjatatänwa, ucampisa janiw kollasquiti. ¡Pachparu apanucupjjam! Acat sarjjaraquiñäni, sapa maynis marcaparcama, Babilonian jach'a juchanacapasti alajjpachcamaw purjjaraqui, kenayanaccamaw maqhataraqui.

Qullan Arunaka DC

⁹ Babiloniarux qullanakampi qullt'atäxiwa, ukampis janiw qullaskiti. ¡Pachpar apanukupxam! Markasarkam sapa mayni sarxarakiñäni, Babilonian jucha luratanakapasti alaxpachkamaw puri, qinayanakatsa juk'ampi alayaru.

Jeremías 51:9 Jak'a apnaqawi uñst'ayäwi

2 Crónicas 28:9

Ucansti Tatitun mä profetapaw utjäna Oded sata, jupasti ejercitojj Samariaru mantasincäna ucar jicjjatiriw saräna, aqham sasa: —Jumanacan nayra awquinacaman Tatit Diosapaw Judá marcatac colerasi, ucatwa jupanacaru jumanacan amparamaru catuyapjjtam. Ucampis jumanacajj wali colerasiampiwa jupanacarojj jiwayapjjtajja, uca luratanacamasti alajjpachcamawa puri.

Esdras 9:6

aqham sasa: “Nayan Diosajja, Diosajja, nayajj wali p'enkasitätwa, uqhamarac chuymaw chhactaraquitu, janiw cunsa jumarojj oracionan parlquirismati. Nanacan jucha luratanacajjajja sintipuniwa utjapjjetu, alajjpachcamaraquiwa juchanacajjajj purt'araqui.

Isaías 13:14

“Uca urunjja jakejj alisnakat taruja animaljamäniwa, jan ucajj ananucut tamjama, janiraquiw qhitis jupanacarojj mayjaru anthapirejj utjquiti. Sapakat mayniw marcapar cuttjjaraquini, pachpa orakeparuw jaltjjapjjani.

Isaías 47:15

Ucaruw jichhajj puriwayapjje juman laykanacamajja, qhitinacarutejj wiñayataqui alcatascta ucanacajja. Sapa mayniw quipca pantata thaquipanjam saranucuwayapjje, janiraquiw jichhajj qhitis jumar khespiyirejj utjquiti.”

Jeremías 46:16

Soldadonacamasti lanctasisin liwirtapjje, maynit maynicamaw sasipjjaraqui: ‘¡Acat sarjjañäni, marcasaru cuttjjañäni, cawqhantejj nasctan uca orakeru! ¡Guerran nuwasiñanacatsti jaltawayjjaraquiñäni!’ sasa.

Jeremías 46:21

Pagata soldadonacapasti, pokoyat vaca kallunacjamäpjjaraquiwa, ucampisa jupanacajj jalacamaquiw mistuwayjjapjjani, janiraquiw sayt'asiñataquejj ch'amanïpcaniti, t'unjatäñapa urusti puriniwa, mutuyatäña horasapasa puriniraquiwa.

Jeremías 50:16

Janiraqui Babiloniarojj ni maynsa kheparayapjjamti, ucan yapuchañapataqui, apthapiñapataquisa. Uqham t'unjiri guerra uñjasajj yakha marcanquirinacajj marcanacaparuw cuttawayjjapjjani, sapa maynis marcaparcamaw cuttawayjjapjjani.

Jeremías 8:20

Ch'ojjña horasajj pasjjewa, cosecha apthapiñas tucusjjaraquiwa, jiwasataquisti janiw khespiyasiñajj utjcaraquiti.

Oseas 7:13

“¡Cunaquïcan jupanacatjja nayar apanucupjjatap laycojja! K'ala tucjatäpjjaniwa, naya contra sayt'asipjjatanacap laycu. Nayajj jupanacarojj khespiyañ munta, ucampis jupanacajj naya contraw c'arisipjje.

Apocalipsis 18:4

Ucatsti yakha aru ist'aracta alajjpachat art'asiniri: “Nayanquir jakenaca, mistjjapjjam uca marcata, jan jupamp chica jucha lurapjjañamataqui, uqhamarac cuna t'akhesïwitejj jutcani ucasa jan jumanacjjaru puriñapataqui.

Apocalipsis 18:5

Jucha luratanacapasti walipuniwa, alajjpachcamaraquiw puri. Diosasti take uca jan wali luräwinacapatjja amtasiraquiwa.