Jeremías 51:9 - Qullan Arunaka DC

⁹ Babiloniarux qullanakampi qullt'atäxiwa, ukampis janiw qullaskiti. ¡Pachpar apanukupxam! Markasarkam sapa mayni sarxarakiñäni, Babilonian jucha luratanakapasti alaxpachkamaw puri, qinayanakatsa juk'ampi alayaru.

Aymar Bibliia 1986

⁹ Babiloniarojj kollanacampi kolljjatatänwa, ucampisa janiw kollasquiti. ¡Pachparu apanucupjjam! Acat sarjjaraquiñäni, sapa maynis marcaparcama, Babilonian jach'a juchanacapasti alajjpachcamaw purjjaraqui, kenayanaccamaw maqhataraqui.

Qullan Arunaca

⁹ Babiloniarojj kollanacampi kolljjatatänwa, ucampisa janiw kollasquiti. ¡Pachparu apanucupjjam! Acat sarjjaraquiñäni, sapa maynis marcaparcama, Babilonian jach'a juchanacapasti alajjpachcamaw purjjaraqui, kenayanaccamaw maqhataraqui.

Jeremías 51:9 Jak'a apnaqawi uñst'ayäwi

2 Crónicas 28:9

Uka markansti Tatitun mä profetapaw utjäna, Oded sata, jupasti ejerciton Samaria markar mantasinkiriruw jikxatäna, jupanakarusti sarakïnwa: —Nayra awkinakaman Tatit Diosapan Judá markatak q'apisitap laykuw, jumanakan amparamar uka marka katuyapxtam. Jumanakasti wali qhuru chuymampiw jupanakarux jiwayapxtaxa, uka luratanakamax alaxpachkamaw puri.

Esdras 9:6

jupar sarakta: “Tatituxay, Tatituxay, nayax wali p'inqasitätwa, chuymaw chhaqtarakitu, janiw kunjämsa jumamp parlirjamäkti. Nanakan jucha luratanakaxax sintipuniw utjapxitu, juchanakaxas alaxpachkamarakiw puri.

Isaías 13:14

“Uka uruntix yaqha markanakankir jaqinakax Babilonia markankasipkchini ukaxa, mulljat tarujar uñtataw jaltxapxani; jan awatirin mulljat ovejanakjamaw tutuktxapxani.

Isaías 47:15

Ukaruw jichhax juman layqanakamax puriwayapxi, khitinakarutix wiñayatak alkataskäyäta ukanakaxa. Sapa mayniw kipka pantata thakhipanjam saranukuwayapxi, janirakiw jichhax khitis jumar qhispiyirix utjkiti.

Jeremías 46:16

Soldadonakamasti lanktasisin liwirtapxi, maynit maynikamaw sasipxaraki: ‘¡Akat sarxañäni, markasar kuttxañäni, yurïwi uraqisar sarxañäni! ¡Aka nuwasiñat jaltxañäni!’ sasa.

Jeremías 46:21

Qullqi layku nuwasir soldadonakapasti, lik'i vaca qallunakjamäpxiwa, jupanakasti jalakamakiw mistuwayxapxani, janirakiw sayt'asiñatakix ch'amanïpkaniti, t'unjatäñap urusti puriniwa, mutuyatäñ pachapas purinirakiwa.

Jeremías 50:16

Janipun maynis Babilonian qhiparpati, ukan yapuchañapataki, apthapiñapatakisa. Ukham t'unjir nuwasïwi uñjasaxa, yaqha markankirinakax markaparuw kuttawayxapxani, sapa maynis markaparkamaw jaltawayxapxani.

Jeremías 8:20

Ch'uxña pachax tukusxiwa, achunak apthapiñas tukusxiwa, jiwasatakisti janiw qhispiyasiñax utjkxiti.

Oseas 7:13

“¡Kunakïkan nayar apanukupxatapatxa! Nayar saykatatapatxa, q'ala tukjatäpxaniwa. Nayax jupanakar qhispiyañ munta, ukampis jupanakax k'arintapxituwa.

Apocalipsis 18:4

Ukatsti yaqha aru ist'arakta, alaxpachat art'asiniri: “Uka markat mistupxam, jumanakax markaxankirïpxtawa, jan jupamp chika jucha lurasipkañamataki, jupanakxar jutkani uka t'aqhisiñanakas jumanakxar jan purisinkañapataki.

Apocalipsis 18:5

Jucha luratanakapasti walipuniwa, alaxpachkamarakiw puri. Diosasti ñanqha luratanakap amxäsiwa.