2 Samuel 5:2 - Qullan Arunaca

Chekpachansa Saúl reyejj nanacan reyejjäcchïnsa, ucampisa jumaw Israel marcarojj apnakascäyätajja guerran nuwasiñanacapanjja. Uqhamarus Tatitojj jumaruraquiw arsuwaytam Israel marcaparu sarayañamataqui uqhamaraqui apnakañamataqui” sasa.

Aymar Bibliia 1986

Chekpachansa Saúl reyejj nanacan reyejjäcchïnsa, ucampisa jumaw Israel marcarojj apnakascäyätajja guerran nuwasiñanacapanjja. Uqhamarus Tatitojj jumaruraquiw arsuwaytam Israel marcaparu sarayañamataqui uqhamaraqui apnakañamataqui” sasa.

Qullan Arunaka DC

chiqpachansa Saúl reyix nanakan reyixäkchïna ukasa, jumaw Israel markarux nuwasïwinakapan sarayaskäyätaxa. Ukhamarus Tatitux jumaruw arsuwaytam Israel markapar sarayañamataki, apnaqañamatakiraki” sasa.

2 Samuel 5:2 Jak'a apnaqawi uñst'ayäwi

Génesis 49:24

ucampisa Joseajj wali ch'amani amparanacaniwa, arcopasti suma catjjäsitaraquiwa; ¡Jacobon take ch'amani Diosapasti yuspagaratäpan! ¡Awatirin sutiparu yuspagaratäpan, Israelar uñjirin sutiparu!

2 Samuel 6:21

Davidasti saraquïnwa: —Jïsa ucajj chekawa, thokt'asiscapuntwa, ucampisa Tatitun nayrakatapanwa thokt'astjja, juparaquiw nayarojj awquim lanti ajllisitu, uqhamaraqui take familiama lanti, nayajj Israel marcapan jach'a jilïrïñajjataqui. Ucatwa jupa nayrakatan thokt'astjja.

2 Samuel 7:7

Take uca maranaca jupanacampi sarnakasasti, janipuniw jupanacat cawquïr jilïr irpirinacaparus maycti, qhitinacarutejj nayajj Israel marca apnakapjjañapataqui utt'aycta ucanacarusa, cedro maderat mä templo utacharapipjjeta’ sasajja.

2 Samuel 7:8

Uca laycu, David sirvirejjarojja sascaquim, naya take ch'amani Tatitun arsutajja: ‘Nayaw jumarojj awatquirit irpsunsma, uqhamaraqui tama khepäjja sarañsa apakaracsma, uqhamat Israel marcajjan jilïripäñamataqui.

2 Reyes 20:5

“Cutt'am, ucatsti marcajjana jilïri Ezequías reyiru aqham sam: ‘Nayra David awquimana Tatit Diosapajja aqham siwa: ‘Nayajj oracionamjja ist'smawa, uqhamarac jachatamsa uñjaracsmawa. Jichhasti jumarojj c'umaraptayämawa, ucatjja acat quimsa urut Tatitun temploparu saräta.

1 Crónicas 11:2

chekpachansa Saúl chachajj nanacan reyejjacchïna ucasa, jumawa Israelan nuwasiñanacapanjja sarayäyätajja. Uqhamarusa, Tatit Diosam pachparaquiw jumarojj arsuraquïyätam jumana Israel marcaparu sarayasina apnakañamataqui” sasa.

2 Crónicas 1:10

Jichhasti yatiñ cancañampi, uqhamarac ch'iqhi chuymampi churita aca marcar apnakañajjataqui; ¿qhitis aca jach'a marcamarojj apnakaspajja? —sasa.

Isaías 40:11

Cunjämatejj mä awatirejj ovejanacap ant'ata jutejja, uqhamaraquiw jupajj juti, amparapar ovejanac icht'ata, ichjjarusiwa ovejanacaparojja, uqha wawachat ovej kallunacarusti sum uñjaraqui.

Isaías 55:4

Nayaw juparojj marcanacataquejj testigot uscta, marcanacataquejja mä jilïri yatichiriraqui.

Ezequiel 34:23

David sirvirejjaruw cuttayanjjaraquëjja, jupa saparuquiraquiw awatirit uscöjja, jupaw ovejanacarojj awatiraquini. Jupaw awatiriparaquïni.

Miqueas 5:4

Reyisti marcapar awatiñataquiw sartani, Dios Tatitupan ch'amapampi, jach'a cancañapampiraquiw awatini. Jupanacasti samarataquiraquiwa jacasipjjani, Tatitun take acapachana jach'aru aptatätap laycu.

Mateo 2:6

‘Jumajj, Judea orakenquir Belén marca, janiw sinti jisc'äctati take aca marcanquiri jilïrinac taypinjja, jumatwa mä jilïrejj mistuni. Jupaw uñjaraquini aca Israel marcajjarojja’ sasa.

Juan 10:11

Nayätwa suma awatirejja. Suma awatirejj jacañapwa apt'asi ovejanacap laycojja.

Hebreos 2:10

Jupïpanaracwa take cunas Diosataquejj utjasqui, Diosasti muniwa take wawanacapanjj utjañapa jupan jach'a khapak marcapana. Ucatwa Diosajj t'akhesiña toke sum tucuyäna jupanacan Jesucristo khespiyiriparojja.

1 Samuel 13:14

Ucampis jichhajj juman apnakañamajj janiw jayäcaniti. Tatitojj yakha chacha thakani jupan chuymapar purt'quiri, ucatsti marcapan jilïripatwa utt'ayaraquini, jupan arunacaparu jan ist'atam laycu.

1 Samuel 16:1

Tatitusti Samuelorojj saraquïnwa: —¿Cunapachcamas uqham llaquitaqui sarnakäta uca Saúl reyi laycojja? Janiw nayajj muncjjti jupan Israel marcjjaru reyiquïscañapjja. Jichhajj sartasim, ucat uca wajjraru aceitempi phokhantam, ucatsti Isaí chachan utapar sarañamwa munta, Belén chekaru, nayasti mayni wawaparuw ajllista reyïñapataqui —sasa.

1 Samuel 18:13

Ucatwa juparojj jayaru uscjjäna, ucatsti mä batallón soldadonacan jilïripatwa uscuraquïna. Uca batallonampiw nuwasirejj sarirïna, uqhamarac cuttanjjaraquirïna.

1 Samuel 18:16

Ucampisa, take Israel marcanjja, uqhamarac Judá orakensa, Davidarojj walpun munasipjjäna, cunapachatejj guerraru sarapcäna ucapachajj jupaw sarayäna, uqhamarac cuttayanjjaraquïna.

1 Samuel 18:5

Davidasti cuntejj Saúl reyejj lurañataqui churcäna ucanacjja wali sumpuni phokhäna, ucat Saúl reyejj juparojj guerran sarayañapataquiw utt'ayaraquïna. Ucasti take ejercitonquirinacataquejja, Saúl reyin jach'a jilïri jakenacapataquisa wali sumapunïnwa.

1 Samuel 25:28

Ucatsti jumajj naya sirvirimarojj perdont'asiraquita. Chekpachansa Tatituw jumana, uqhamarac wawanacaman reyïñapsa jan tucusiycaniti, jumajj Tatitutaqui ch'ama tucutam laycu. Take jacaña urunacamansti janiraquiw cuna jan walt'añas jumjjarojj jutcaniti.

1 Samuel 25:30

Uqhamapï cunapachatejj Tatitojj take cunsa suma lurcani juma toket arscäna ucanacsa phokhani, uqhamarac Israelan jilïripat utt'aycaraquïtam,

1 Samuel 9:16

“Arumanthi alwajj aca quipca horasaruw Benjamín toket jutiri mä jakeruw qhitanïma, juparuw yakhachäta Israel marcajja apnakañapataqui. Jupaw filisteonacan amparapat khespiyani, marcajjatsti qhuyapt'ayasiractwa, t'akhesitanacapasti naya nayräjjaruw puriniraqui” sasa.