Génesis 49:24 - Qullan Arunaca

²⁴ ucampisa Joseajj wali ch'amani amparanacaniwa, arcopasti suma catjjäsitaraquiwa; ¡Jacobon take ch'amani Diosapasti yuspagaratäpan! ¡Awatirin sutiparu yuspagaratäpan, Israelar uñjirin sutiparu!

Aymar Bibliia 1986

²⁴ ucampisa Joseajj wali ch'amani amparanacaniwa, arcopasti suma catjjäsitaraquiwa; ¡Jacobon take ch'amani Diosapasti yuspagaratäpan! ¡Awatirin sutiparu yuspagaratäpan, Israelar uñjirin sutiparu!

Qullan Arunaka DC

²⁴ ukampis jumax wali ch'aman amparanakanïtawa, mich'inak antutañsa sum katxäsiraktaxa. ¡Taqi ch'amani Diosax yuspagaratäpan! ¡Awatirin sutiparu, Israelar uñjiriru yuspagaratäpan!

Génesis 49:24 Jak'a apnaqawi uñst'ayäwi

Génesis 45:11

Acanwa mank'añjja churapjjäma, jumarusa, familiamarusa, uqhamarac take qhitinacatejj jumampi chicäqui ucanacarusa, uqhamat jan cunas jumanacatjja faltañapataqui, jichhasti mach'ajj utjascaquiniwa pheska marampi cuna’ ” sasa.

Génesis 45:5

Ucampisa, jan jichhajj llaquisipjjamti, janirac jumanacpachas colerasipjjamti nayar aljapjjatamatjja, ucampis Diosaw jumanacan nayrama qhitanitu, jacañanac khespiyañajjataqui.

Génesis 45:7

Ucampisa Diosaw jumanacan nayrama qhitanitu, uqhamat wawanacamajj jan jiwarañapataqui, uqhamat jacañanacajja mä jach'a khespiyäwi toke jacapjjañamataqui.

Génesis 47:12

Uqhamarus Joseajj familianacaparojj mank'aña churaraquïna, sapa familian waquisitaparjama.

Génesis 48:15

Ucat Josearojj aca arunacampiw bendiciraquïna: “Cawquïri Diosarutejj, Abraham, uqhamarac Isaac awquejjajj ist'apcäna, cawquïri Diosatejj nacïwejja urutpach imquitu,

Génesis 49:23

Flecha apnaker jakenacasti wali uñisipjjaraqui, flechanacapsa antutanipjjaraqui, ch'ajjmipjjaquipuniraquiwa;

Génesis 50:21

Uqhamajj jan ajjsarapjjamti. Nayaw jumanacarusa, wawanacamarusa mank'añjja churasipcäma —sasa. Uqhamwa Joseajj jilanacaparojj chuymachjjäna, wali suma arunacampiw parlt'araquïnjja.

2 Samuel 5:2

Chekpachansa Saúl reyejj nanacan reyejjäcchïnsa, ucampisa jumaw Israel marcarojj apnakascäyätajja guerran nuwasiñanacapanjja. Uqhamarus Tatitojj jumaruraquiw arsuwaytam Israel marcaparu sarayañamataqui uqhamaraqui apnakañamataqui” sasa.

2 Reyes 13:16

Ucatsti Eliseojj sänwa: —Waquicht'asim mä flecha flecht'añataqui —sasa. Reyejj uqham waquichasquipanjja, Eliseojj amparapampejj reyin amparaparuw lokjjatäna,

Nehemías 6:9

Jupanacasti nanacarojj sustjañwa munapjjetäna nanacar mayjt'ayaña amuyasina, uqhamata lurañanaca apanucusin jan tucuyañanacajjataqui; ucampis nayajj juc'ampwa ch'amachäyäta.

Job 29:20

Nayan c'ajquiri cancañajjasti nayampi chicaw machakquipstaraquini, janiw ch'amajjas tucuscaraquiti.

Salmos 118:22

Utachirinacan jakonucut kalajja, esquina kalaruw tucjje.

Salmos 132:1

Tatay, Jacobon ch'aman Tatitupa, Davidat amtasiquimaya, llaquinacapat amtasiraquim; takpach chuymamp juramento luratapat amtasiquimaya:

Salmos 132:5

Tatitutac mä chekawja jicjjatañcama, Jacobon take atipir Diosapatac mä utjäwi jicjjatañcama” sasa.

Salmos 18:1

Tatay, jumaw ch'amañchirejjätajja, jumaruw take chuymamp munassma.

Salmos 18:30

Diosan thaquipajj chekapawa, Tatitun arsutanacapajj take chuymamp iyawscayawa, Diosajj jupar take chuymamp alcatirinacarojj imascapuniwa.

Salmos 23:1

Tatituw awatirejjajja, janiw cunats t'akhescäti:

Salmos 27:14

Tatitur takpach chuymamp iyawsam, ch'amañchasim, jan ajjsaramti, ¡Tatitur takpach chuymamp iyawsam!

Salmos 28:8

Tatituw marcapar ch'amañchirejja, juparaquiw ajllit reyipar yanapirisa, arjjatirisa.

Salmos 44:7

jumaw timasirinacarojj atipjayapjjestajja, jumaraquiw uñisirinacajjarus p'enka tucuyaractajja.

Salmos 73:23

Nayasti jumamp chicapuniw utjasïyäta, jumaw cupi amparajjat wayjjarustajja,

Salmos 80:1

Israel marcan awatiripa, ist'apjjaquitaya, tamar uñtat Josean marcapar irpiri, jaysapjjaquitaya; angelanac taypin khapak konuñaman kont'asiri, ist'apjjaquitaya.

Salmos 89:1

Tatay, qhuyapayasiñamat wiñayapuniw k'ochü, juman asquïtamat jan karjasisaw yatiyä.

Éxodo 3:6

Nayätwa nayra awquinacaman Diosapajja, Abraham, Isaac, Jacob ucanacan Diosapajja —sasa. Ucatsti Moisesajj ajanupwa imantasïna, jupajja Diosaru uñcatañjja wali ajjsarayasïna uca laycu.

Isaías 1:24

Ucatpï jichhajj take ch'amani Tatitojj, Israelan take ch'amani Tatitupajj sejja: “¡Ucqhacamaqui! Nayaw uñisirinacajjarojj juchañchä, jupanacarusti uqhamat uqham luraraquï.

Isaías 28:16

Ucatwa Tatitojj saraqui: “Sionarojj mä kala uscü, mä suma ajllit kala, wali jila alaniraqui, jach'a jilïr kalaraquïniwa, uta cimienton esquin kalaparaquïniwa. Uca kalar iyawsiristi sumaquiw jacasini.

Isaías 29:24

Qhitinacatejj mayjt'at sarnakapcän ucanacasti amuyt'asiñ yatekapjjani, khepäjjat parlaquipasirinacasti yatichäwjja yatekjjapjjaraquiniwa.”

Isaías 41:10

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

Isaías 49:26

Jumar t'akhesiyirinacarusti pachpa janchip mank'asiyä, wilapampisti vinompjamaraquiw macharapjjani. Uqhamatwa take jakenacajj yatipjjani naya Tatitojj juman khespiyirimätajja, nayätwa Jacobon ch'amanipajja, khespiyirimasa.”

Isaías 60:16

Marcanacasti suma mank'anacapwa churapjjaraquïtam, reyinacasti kamir cancañanacapwa apanipjjaraquini; ucapachaw amuyaraquïta, naya Tatitojj juman khespiyirimätajja, naya, Jacobon Ch'amanipajja, jumar khespiyirïtajja.

Zacarías 10:12

Nayaw ch'ama churapjjäma, sutejjanwa sarantapjjaraquinejja. Naya Tatituw, arojja churtjja.”

Zacarías 3:9

Nayasti Josué chachan nayrakataparojj uchtwa mä kala pakallko esquinani, naya quipcaw ucarojj mä aru kellkäjja. Ucatsti, mä urunacwa aca marcan juchapjja apakäjja.

Mateo 21:42

Jesusasti jupanacarojj siwa: —¿Janit cunapachas jumanacajj kellkatäquis ucjja leepcta? Aqham siwa: ‘Utachirinacan apanucut kalaw suma esquin kalajj tucjje. Acsti Tatituw uqham luri. Ucasti wali muspharcañaw take jiwasanacataquejja.’

Marcos 12:10

Ucatsti Jesusajj sascaquïnwa: “¿Janit jumanacajj Diosan Arunacapan leet'apcta?: ‘Utachirinacan jisc'achata kalajj suma esquin kalat uchatäjjewa.

Lucas 20:17

Jesusasti jupanacar uñcatasin saraquïnwa: —Uqhamasti ¿cun sañarac munisti cunatejj Kellkatanacan sisqui ucanacasti? Aqham siwa: ‘Cawquïr kaltejj utachirinacajj apanucupcän, uca kalajj suma munat kalaw tucuwayjje.’

Hechos 4:11

Uca Jesusapï uca kalajja, qhitirutejj jumanac utachirïcasin jakonucupjjta ucajja, ucampis jupajj mä jach'a esquina kalaw tucu.

Romanos 14:4

¿Qhitïtas jumajj maynin sirviripar jisc'achañataquejja? wal luratapas, jan wali luratapasa patronapataquiwa. Sirviripasti sumaw sayt'ani, Diosasti ch'amaniwa jupar sum sayt'ayañataquejja.

Efesios 2:20

Jumanacajj mä jach'a utjamäpjjtawa, apostolonacjjaru uqhamarac profetanacjjaru perkjjatatäpjjtawa. Pachpa Jesucristoraquiw kallta esquin kalajja.

Deuteronomio 32:4

Jupaw jiwasan arjjatirisajja; luräwipasa chekaparaquiwa, luratapasa chekaraquiwa. Jupasti chekapa Diosawa, janiw jupanjja cunatejj jan chekapäqui ucajj utjquiti, ¡jupasti chekapawa, asquiraquiwa!

Deuteronomio 33:27

Wiñaya jaquir Diosaw imantasiñamajja, wiñayataqui ch'amapaw wayjjäsiscaractam, juparaquiwa juma nayräjjat uñisirimarus jaltayi, ucatsti jumaruwa t'unjañatac qhitaractam.

Deuteronomio 34:9

Ucatsti Josué sat Nun chachan yokapajj, yatiñ cancaña Moisesat catokäna, Moisesajj amparanacap jupjjaru lokjjatatap laycu, uqhamaw israelitanacajj jaysapjjäna, lurapjjaraquïna cunjämtejj Tatitu Diosajj Moisesar ewjjawaycän uqhamarjama.

Colosenses 1:11

Mayipjjaractwa jupa quipca jumanacarojj alajjpach ch'amapampi, ch'amani tucuyañapataqui, uqhamata take cunsa llamp'u chuymampi cusisiñampiraqui lurapjjañamataqui,

2 Timoteo 4:17

Ucampis Tatituwa yanapitu, ch'am churaraquitu, uqhamat khespiyasiñ arunac parlañajjataqui, qhitinacatejj Tatitur jan uñt'apqui uca jakenacan ist'apjjañapataqui. Uqhamwa Tatitojj leonan lacapat khespiyitu.

Josué 17:18

jan ucasti uca ch'umi kollunacajj jumanacancaraquiniwa; jumanacajj uca ch'uminac catuntasipjjäta. Uca cananeo jakenacarusa, jumanacaraquiw jakonucupjjäta uca chekatjja, kawkha ch'amanïpjjpansa, uqhamaraqui hierrot lurat carronacanïpjjpansa —sasa.

Jueces 1:22

José sat tribunquirinacajj amtasipjjänwa Betel marca nuwantas catuntasiñataqui.