2 Crónicas 1:10 - Qullan Arunaca

¹⁰ Jichhasti yatiñ cancañampi, uqhamarac ch'iqhi chuymampi churita aca marcar apnakañajjataqui; ¿qhitis aca jach'a marcamarojj apnakaspajja? —sasa.

Aymar Bibliia 1986

¹⁰ Jichhasti yatiñ cancañampi, uqhamarac ch'iqhi chuymampi churita aca marcar apnakañajjataqui; ¿qhitis aca jach'a marcamarojj apnakaspajja? —sasa.

Qullan Arunaka DC

¹⁰ Ukhamasti, ch'ikhi kankañampi, yatiñ kankañampi aka marka apnaqañaxatak churita; ¿khitirak aka jach'a markamar apnaqaspasti?” sasa.

2 Crónicas 1:10 Jak'a apnaqawi uñst'ayäwi

2 Samuel 5:2

Chekpachansa Saúl reyejj nanacan reyejjäcchïnsa, ucampisa jumaw Israel marcarojj apnakascäyätajja guerran nuwasiñanacapanjja. Uqhamarus Tatitojj jumaruraquiw arsuwaytam Israel marcaparu sarayañamataqui uqhamaraqui apnakañamataqui” sasa.

1 Reyes 3:9

Jichhasti churitaya yatiñ cancañ chuyma aca marcaru apnakañataqui, uqhamarac uñt'añataqui cunatejj asquïqui, jan walïcaraqui ucanaca; ¿qhitiraqui aca walja jakenacamarusti apnakaspasti?” —sasa.

1 Crónicas 22:12

Tatitojj jumar churpan ch'iqhi cancaña, uqhamarac yatiñanïña, cunapachatï jupajj Israel marcar apnakañamataqui utt'aycätam ucqhajja, uqhamata Tatit Diosaman leyipa phokhañamataqui.

Salmos 119:34

Munañam phokhañay yatichita, takpach chuymampiw arunacam imä.

Salmos 119:73

Jumaw nayarojj irnokesta, sayt'ayaraquista: arsutanacam yatekañajjataquejj ch'iqhi chuymay churita.

Proverbios 4:7

Take cunat sipansa nayrakatajj, yatiñ cancaña, suma sarnakaña jicjjatam.

Proverbios 8:15

Nayïpanwa reyinacas marcar apnakapjje, uqhamarac marca apnakerinacas chekapar leyinaca mistuyapjje.

2 Corintios 2:16

Jan khespiyatanacataquejj uca incienso k'aphejj mä jan wali jiwayir k'apjamawa, ucampis khespiyatanacataquejj mä suma jacañ churir k'apjamaraquiwa. ¿Qhitiraqui ucsti amuyt'aspa?

2 Corintios 3:5

Janiraquiw nanacpachas cuna lurañataquis yatekatäpquirista uqhamäpcti, jan ucasti take cuntï lurapcta ucajj Diosatwa juti.

Deuteronomio 31:2

“Nayasti patac pä tuncani maranëjjtwa, janiraquiw ch'amajjas utjcjjeti maysat maysaru sarnakañataqui uqhamarus Tatitu Diosajj situwa: ‘Janiw jumajj Jordán jawir qhurcataru maqhatcätati’ sasa.

Santiago 1:5

Jumanacat maynintejj jan yatiñ cancañapajj utjcchi ucapachajj, Diosat maypan, Diosasti juparojj churaniwa. Jupasti jilarquirwa churi, qhitirus jan cuns sasaw churaraqui.