2 Samuel 2:5 - Qullan Arunaca

Ucat Davidajj qhitanaca qhitäna aqham sapjjañapataqui: “Tatituw jumanacar bendicipjjätam uqham suma chuymampi Saúl reyir uñjapjjatamata, jumanacar apnakerimaru imt'jjapjjatamata.

Aymar Bibliia 1986

Ucat Davidajj qhitanaca qhitäna aqham sapjjañapataqui: “Tatituw jumanacar bendicipjjätam uqham suma chuymampi Saúl reyir uñjapjjatamata, jumanacar apnakerimaru imt'jjapjjatamata.

Qullan Arunaka DC

ukat Davidax Jabés markankirinakar jaqinak khithäna akham sapxañapataki: “Tatituw jumanakar aski waxt'äwinak churxapxätam, khuyapt'ayasiñ chuymampi Saúl reyin janchip imt'xapxatamata.

2 Samuel 2:5 Jak'a apnaqawi uñst'ayäwi

Génesis 14:19

Abramarusti aca arunacampiw bendiciraquïna: “Alajjpachanquir Diosaw bendicïtam, jupasti alajjpacha, acapacha luririwa.

Génesis 14:22

Ucampis Abramajj saraquïnwa: —Alajjpacha, acapacha lurir jach'a Diosaruw juramentompi arsta,

2 Samuel 15:20

Wasüruquiw purisinctajja, ¿cunjämraqui jichhasti mayïma nayampi chica cawquicamas sarañamataquisti? Walïspaw cuttjjañamajja, ucatsti marca masi jakenacamsa jumampi chica cuttayasjjam. ¡Tatitusti jumarojj bendispan uqhamaraqui jumampipunïpan! —sasa.

2 Samuel 21:12

Davidasti sarasinjja Saúl reyina, uqhamaraqui Jonatán yokapampina jilt'a ch'aqhanacapwa aptanjjäna, cawquïrinacatejj Jabes de Galaad sisqui uca chekan utjiri jakenacan amparanacapanccän uca. Uca jakenacasti Saúl reyin amayapjja Bet-sán sisqui uca plazatwa lunthatawayapjjatayna, cunürutejj filisteonacajj Saúl reyirojj Gilboa chekan atipjasin warccatapcataynasa uca uru.

Salmos 115:15

Alajjpach acapach lurir Tatitojj asquinacapay jumanacar churpan.

Josué 2:14

Jupanacasti warmirojj sapjjänwa: —Jumatejj jan qhitirus yatiycäta nanacan jutatajj-jja, nanacasti jacañanacajjampiw jumatjja sayt'apjjä cunapachatï Diosajj aca orak churapquitan ucqhajja, nanacasti jumatjja qhuyapayasipjjämawa, ucatsti uñjaraquïtaw nanacan arunacajjaru phokhatanacajja.

Jueces 21:8

¿Acanjja utjpachati Mizpa marcana Dios nayrakataru jan jutir israelitajja?” sasa. Ucampis jupanacajj amtasipjjänwa Galaad sat ucqhanquir Jabes sat marcata, jan maynisa uca tantachasïwiru jutapjjatanacapa.

Rut 1:8

Ucampis thaqui sarcasinjja jupajj sänwa: —Sarjjapjjam, cuttjjapjjam utanacamaru taycanacam thiyaru. Diosajj jumanacat qhuyapayaspan, cunjämatï nayatsa uqhamarac wawanacajjatsa jumanacajj qhuyapasipquista uqhama.

Rut 2:20

Noemí warmisti juparojj saraquïnwa: —¡Diosasti juparojj bendizpan! Jupasti jichhajj jiwasarojj sum uñjistu, cunjämatï nayrajj jiwirinacampi lurcäna uqhama. Uca jakesti jiwasan familiasawa, ucatwa jiwasaru khespiyañapajj wact'i.

Rut 3:10

Booz chachasti juparojj sänwa: —¡Diosasti jumarojj bendispan! Jichhasti nayarojj uñacht'ayistaw cunja munasiñamas utji jiwquis uca chachamataquejja. Jumasti chachasiñ munasajj nayat juc'amp wayna jake thakasisamänjja, jan cunanïpasa, kamirsa; ucampis janiw jumajj uqham lurctati.

1 Samuel 11:1

Nahas sata Amón oraken reyipasti, Galaad token Jabes sisqui uca chekaruw saräna, ucansti mä ejército waquicht'äna, marcaru tucjañataqui. Ucampis Jabes sisqui uca chekan utjir jakenacajj juparojj sapjjaraquïnwa: —Nanacampejj mä amtäwiru mantam, nanacasti jumaruw jaysapjjaraquïma —sasa.

1 Samuel 11:9

Ucat uca qhitatanacajj purincatayna ucanacarojj aqham saraqui: —Jichhajj Jabes chekan utjiri jakenacarojj sapjjam, kharüru chica uruw jupanacarojj khespiyatäni —sasa. Qhitatanacasti sarjjasinjja aca arunacjja Jabes sisqui uca chekan utjasir jakenacaruw yatiyapjjäna, ucanquir jakenacasti ucanac ist'asinjja wali cusisipjjäna.

1 Samuel 15:13

Ucat Samuelojj Saúl reyin ucaru saräna, ucat Saúl reyejj saraquïnwa: —Tatitojj jumaru bendispan. Tatitun arsutanacapjja phokjjtwa —sasa.

1 Samuel 23:21

Saúl reyisti saraquïnwa: —¡Diosajj jumanacar bendispan nayat qhuyapt'ayasipjjatamata! —sasa.

1 Samuel 24:19

Chekpachansa, janiw qhitis uñisiripar jicjjatasajj aqhamaqui jan cuna lurasajj qhitanuccaspati. Uca laycu, Tatituy jumarojj asquimpi cuttaypan, cuntejj jichhajj jumajj nayampi lurcta take ucanacata.