2 Samuel 21:12 - Qullan Arunaca

¹² Davidasti sarasinjja Saúl reyina, uqhamaraqui Jonatán yokapampina jilt'a ch'aqhanacapwa aptanjjäna, cawquïrinacatejj Jabes de Galaad sisqui uca chekan utjiri jakenacan amparanacapanccän uca. Uca jakenacasti Saúl reyin amayapjja Bet-sán sisqui uca plazatwa lunthatawayapjjatayna, cunürutejj filisteonacajj Saúl reyirojj Gilboa chekan atipjasin warccatapcataynasa uca uru.

Aymar Bibliia 1986

¹² Davidasti sarasinjja Saúl reyina, uqhamaraqui Jonatán yokapampina jilt'a ch'aqhanacapwa aptanjjäna, cawquïrinacatejj Jabes de Galaad sisqui uca chekan utjiri jakenacan amparanacapanccän uca. Uca jakenacasti Saúl reyin amayapjja Bet-sán sisqui uca plazatwa lunthatawayapjjatayna, cunürutejj filisteonacajj Saúl reyirojj Gilboa chekan atipjasin warccatapcataynasa uca uru.

Qullan Arunaka DC

¹² Saúl reyimpina, Jonatán yuqapampin ch'akhanakap aptiriw saräna, uka ch'akhanakasti Galaad uraqinkir Jabés markan utjasir jaqinakan amparapankänwa. Uka jaqinakasti Saúl reyin amayap Bet-sán plazat lunthatawayapxatayna, uka plazaruw filisteo jaqinakax kunürutix Guilboa chiqan Saúl reyir atipjapkäna ukürux amayanak warkkatapxatayna. Ukampis Jabés markankir jaqinakax, uka amayanak lunthatawayasin, markapan imt'xapxäna.

2 Samuel 21:12 Jak'a apnaqawi uñst'ayäwi

2 Samuel 1:21

“¡Gilboa kollunaca, jumanacjjarojj jan jichhajj jallusa, ni sullasa purpati, jumanacajj jiwaña lugaräpjjatam laycu! Atipjirinacan escudopasti ucanwa taquisita uñjasiraquïnjja. Saúl reyin escudopan c'ajatapasa ucanwa tucusiwayjje.

2 Samuel 1:6

Uca uywatasti saraquïnwa: —Nayajj Gilboa kolluncascäyätwa. Uqhamaruw Saúl reyirojj pachpa lanzapjjaru liwjjattir uñjta, uqhamaraqui enemigon nuwasiña carronacapasa, caballeriapasa jac'achasiniraquïnwa niya jicjjatañatacjama.

2 Samuel 2:4

Ucaruw Judá tokenquir jakenacajj purintanipjjaraquïna, ucanwa Davidarojj Judá marcan reyipäñapataqui utt'ayjjapjjaraquïna. Davidarusti yatiyapjjaraquïnwa Jabes de Galaad sisqui ucsa jakenacan Saúl reyir imantjjatapa.

2 Samuel 21:11

Cunapachatejj Davidaru yatiyapjjäna Rizpa warmin uqham luratapjja, uca Rizpasti Saúl reyin warmipänwa.

2 Samuel 21:13

Davidasti janc'aquiraquiw ordenaraquïna Saúl reyin amayapa, uqhamaraqui Jonatanan amayapsa aptanjjapjjañapataqui, uqhamaraqui uca warccatata jakenacan amayanacapsa aptanjjapjjañapataquiraqui.

1 Crónicas 10:1

Filisteo jakenacajj Israelaruwa chhuct'apjjäna, ucatsti israelitanacajj jupanacan nayrakatapatjja jaltjjapjjänwa, ucatjja Gilboa chekanjja atipjatawa uñjasipjjäna.

1 Crónicas 10:12

take jan ajjsariri jakenacajja mayaqui sum amtasisinjja, Saúl reyimpina, yokanacapampina jiwat amayanacapa catusinjja Jabes chekaruw apasjjapjjäna. Ucanaracwa encina sat koka cayur amayanacapjja imt'jjapjjäna. Uca pasatatjja pakallk uruwa ayunapjjäna.

1 Crónicas 10:8

Khepürusti filisteo jakenacajj jiwatanacata yänacapa apaririw sarapjjäna, ucatwa jicjjatapjje Saúl reyiru, yokanacapampiru Gilboa kolluna jiwarata liwisisipquiri.

Josué 17:11

Uqhamaraquiw Manasés tribusti marcanacapajj utjäna Isacar orakena, uqhamarac Aser orakensa, sapa mayni jisc'a marcanacampi cuna; uca marcanacan sutipajj acnïrinacänwa: Bet-seán, Ibleam, Dor, Endor, Taanac, Meguido ucanaca, uqhamaraqui quimsa jisc'a kollunacamp cuna.

1 Samuel 28:4

Filisteonacasti tantacht'asisinjja Sunem sisqui uca chekaruw purintapjjäna. Saúl reyisti take israelita jakenacaruw tantacht'araquïna. Gilboa sisqui uca chekaruw purintapjjaraquïna.

1 Samuel 31:1

Filisteonacasti israelitanacarojj nuwantanipjjaraquïnwa. Israelitanacasti jupanacan nayrakatapatjja jaltjjapjjänwa, Gilboa kollun atipjatäjjatap laycu.

1 Samuel 31:3

Ucatsti Saúl reyircamaquiraquiw take ch'amanacap cutiquipstayanipjjäna; cunjämatejj flecha antutt'iri jakenacapajj flechanacjja cawqhanccäntejj jupanacajj ucacama puriyapjjän ucapachasti jupanacajj wali ajjsarapjjaraquïna.

1 Samuel 31:4

Ucatwa Saúl reyejj yanapiriparojj säna: “Espadam apsusim ucatsti ucampi jiwayita, uqhamat aca Dios jan uñt'ir jakenacajj jutasin nayaru jiwayapjjañapataqui, ucatsti nayar jiwayasin cusisipjjañapataqui” sasa. Ucampisa yanapiripajj janiw lurañ muncänti, wali ajjsarañapajj utjatap laycu. Uqhamasti Saúl reyejj jupapachaw espadap catusina uca pataru liwjjattäna.