1 Pedro 1:1 - Qullan Arunaca Naya Pedrojj Jesucriston apostolopätwa. Aca cartsti kellkasin apayanipjjaracsmawa qhitinacatï marcanacamat jayan utjasipjjta uca jilatanacaru. Jumanacasti Ponto, Galacia, Capadocia, Asia, uqhamarac Bitinia uca provincianacanwa utjasipjjaractajja. Aymar Bibliia 1986 Naya Pedrojj Jesucriston apostolopätwa. Aca cartsti kellkasin apayanipjjaracsmawa qhitinacatï marcanacamat jayan utjasipjjta uca jilatanacaru. Jumanacasti Ponto, Galacia, Capadocia, Asia, uqhamarac Bitinia uca provincianacanwa utjasipjjaractajja. Qullan Arunaka DC Naya Pedrox Jesucriston apostolupätwa, khitinakatix markamat jayan utjasipkta, Ponto, Galacia, Capadocia, Asia, Bitinia uka suyunakana, taqi jumanakaruw aruntanipxsma. |
Ucatsti Amán chachajj, rey Asuerorojj sänwa: —Jach'a rey, reinomana take provincianacana marcanacapana taypinsti, mä marcaw utji yakha jacasiri mayninacat sipansa uqhamarac yakha leyinacanïpjjewa, janiraquiwa juman arsutamarusa Jach'a Rey, phokhañ munapcaraquiti. Uqhamasti janiw walïquiti jumataquejja Jach'a Rey, uqham marcajja, marcam taypina jacañapajja.
Qhariñ ovejanacarjamaw amparapar catuyapjjesta, Diosar jan uñt'ir marcanac taypiruw anatatapjjaraquista.
Ucampisa nayajj jumanacatjja mä kawkhaniru jiwañat khespiyaraquïwa, ucanacasti yakha marcanac taypin willitatataw jacapjjani.
Jumanacarusti marcanac taypiruwa ananucupjjaraquïma, espadampiw arcnakayapjjaraquïma, jumanacan orakenacamasti nayataquejj wasararu tucutaw uñjasiraquini, marcanacamasti k'ala t'unjataw uñjasiraquini, ajjsarcaña t'unjataraquïniwa.
Acanacaraquiw uca tunca payanin sutinacapajja: Simón Pedro, Andrés Simonan jilapa; Jacobo, Juan, acanacajj Zebedeon yokanacapänwa;
Diosatejj uca urunacjja jan jisc'aptaycaspa ucajja, janiw qhitis khespiyascaspati, ucampis Tatitojj jisc'aptayaniwa jupan ajllitanacapar munatap laycu.
Jesusasti Galilea kota thiyanjamwa sarascäna, uñjaraquïnwa pani chachanacaru; maynïristi Simón satänwa, yakha sutipasti Pedro; maynipäquis ucajj Andrés jilapänwa. Jupanacasti käna kotaruw jakontasipcäna.
Uqhamasti Diosajj ¿janit arjjatcaraquispasti jupar arumay uru arnakasipqui uca ajllitanacaparusti? ¿Janit janc'aqui yanapt'caspajja?
Janiw aca marcatacti, jan ucasti Diosan wawanacapajj yakha marcanacancquis ucanac mayar jawsthapiñapataqui.
Uc ist'asinsti judionacajj jupanac puraw jisct'asiñ kalltapjjäna: —¿Cawquïrurac sarjjpachänisti jiwasanacan jan jicjjatañataquisti? ¿Griegonaca taypincqui uca mayni judionacan ucarut sarpachäni griego jakenacar yatichiri?
Ucansti Aquila sat judío jakeruw jicjjataraquïna. Jupasti Ponto tokenquirïnwa. Ucürunacaquiw Aquilajj Priscila warmipampi Italia marcat purisinipcatayna, Claudio sat jach'a jilïr reyin take judionacan Romat mistjjapjjañapataqui mä arsüwi mistsuyatap laycu. Pablojj ucanacar uñjiriw saräna.
Ucan mä kawkha urunac kamarasinsti, wasitatwa mistuwayi. Ucat iglesiat igleswa tumpawayi, iyawsirinacar ch'amañcht'asa, Galacia tokena, uqhamarac Frigia tokenacansa.
Jupasti ucanjja pä maraw uqham parläna. Uqhamatwa take Asia token jaquirinacajj Tatit Jesusan arunacap ist'apjjäna, judionacasa jan judiöpqui ucanacasa.
Ucapachasti “Antutat Esclavonaca” satäcän ucanacatsti mä kawkhaniw sinagogat Esteban contra sartapjjäna. Uqhamarac yakhep Cirenenquirinacampi, Alejandrianquirinacampi, Asianquirinacamp cuna, Estebanamp jisqhintasiñataqui.
Ucampis Jerusalenat alisnucutäpcän ucanacajja, take tokeruw sarapjjäna, Diosan arunacap yatiyasa.
Asia tokenquir iglesianacajj aruntanipjjtamwa. Aquilampi Priscilampejja, uqhamaraqui utapan tantacht'asipqui uca jilatanacampejja Tatitun sutiparuw wal aruntanipjjtam.
Jilatanaca, munapjjtwa yatipjjañama kawkha t'akhesïwinacatejj Asia tokenjja utjapquitänjja take ucanaca. Uca yant'anacajj wali ch'amapunïnwa, janjamaquiw ch'amas utjcjjapjjetänti: “Inas jiwjjchiñäni” sasaw sapjjäyätjja.
Naya, uqhamarac cawquïri jilatanacatejj nayampïqui ucanacamp chicaw aca cartjja apayanïpjjsma Galacia tokenquir iglesianacaru.
Uca tiempojj jumanacajj jan Cristonïsipcäyätawa, Israel marcatsti jayanraqui, Diosan arust'äwinacap jan uñt'asina, aca orakenjja jan cuna suyt'añani, jan Diosaniraquiw jacasipcäyätajja.
Ucatpï jumanacajj jan jaya jakenacäcjjapjjtatejja yakha orakensa, take Diosanquirinacampejj marca masëjjapjjtawa, Diosan familiapäjjapjjaractawa.
Diosasti take marcanacaruw ananucütam mä thiyat mä thiycama, ucansti yakha diosanacaruw yupaychäta, lawata, kalata, lurat diosanacaru, cawquïrtejj ni awquimasa ni jumasa uñt'apcta ucanacaru.
‘Nayasti take toker ananucuñwa amtäyäta, aca oraketsa k'al chhaktayaña, jan qhitinsa amtasiñapataqui.
Tatitusti take jumanacaruraquiw yakha marcanacar ananucupjjätam, ucatsti mä juc'aniquiraquiw jumanacatjja uca marcanacan jilt'apjjaraquïta.
Yatiractawa takeniw Asia sat provincianquirinacajj jaytanucjjapjjetu; jupanacat maynïrinacajj acanacawa: Figelo uqhamarac Hermógenes.
Take uca jakenacajj cuntejj Diosajj churañatac arsuwaycäna uc jan catokasaw jiwarapjje, ucampis iyawsañanïpjjatap laycojj jayatac uñtapjjäna. Uqhamatwa yatiyapjjäna acapachana sarir jakenacäpjjatapa.
Naya Santiago, Diosan uqhamarac Jesucriston sirviripätwa, aruntaractwa Israelan tunca payani tribunacaparu, qhitinacatejj aca orakpachana ch'eketatatäpqui ucanacaru.
Munat jilatanaca, sarir jakenacarjamaw achict'apjjsma, jan janchin munañanacaparjamajj jacapjjamti, uca janchin munañanacapasti almas contraw nuwasiñ muni.
Naya Simón Pedrojja, Jesucriston sirviripätwa apostoloparaquïtwa. Aca cartsti, qhitinacatejj nanacjamaraqui mä suma iyawsañ jicjjatapctas ucanacaruw kellkanipjjsma, Khespiyiri Jesucristo Tatitusajj chekätap laycu.
“Nayätwa kalltasa tucuyasa, A, Z letranacjama. Cuntejj uñjcta ucanacsti mä libroru kellkam, ucatsti Asia tokenquiri pakallko iglesianacar apayam. Uca iglesianacasti acanacawa: Éfeso, Esmirna, Pérgamo, Tiatira, Sardis, Filadelfia uqhamarac Laodicea.”