1 Pedro 1:1 - Qullan Arunaka DC

¹ Naya Pedrox Jesucriston apostolupätwa, khitinakatix markamat jayan utjasipkta, Ponto, Galacia, Capadocia, Asia, Bitinia uka suyunakana, taqi jumanakaruw aruntanipxsma.

Aymar Bibliia 1986

¹ Naya Pedrojj Jesucriston apostolopätwa. Aca cartsti kellkasin apayanipjjaracsmawa qhitinacatï marcanacamat jayan utjasipjjta uca jilatanacaru. Jumanacasti Ponto, Galacia, Capadocia, Asia, uqhamarac Bitinia uca provincianacanwa utjasipjjaractajja.

Qullan Arunaca

¹ Naya Pedrojj Jesucriston apostolopätwa. Aca cartsti kellkasin apayanipjjaracsmawa qhitinacatï marcanacamat jayan utjasipjjta uca jilatanacaru. Jumanacasti Ponto, Galacia, Capadocia, Asia, uqhamarac Bitinia uca provincianacanwa utjasipjjaractajja.

1 Pedro 1:1 Jak'a apnaqawi uñst'ayäwi

Ester (hebreo) 3:8

Ukatsti Amán chachax Asuero reyir akham säna: —Jach'a munañan rey, apnaqäwiman utjir suyunakam taypinxa, yaqhaqtat mä markaw utji, kamachinakapas yaqha markanakat sipan mayjawa, juman arsutamarux janiw phuqhañ munapkiti. Jach'a munañan rey, markam taypin uka markan jakañapax janiw kunatakis askïkiti.

Salmos 44:11

11 (12) Khariñ ovejanakarjamaw amparapar katuyapxista; Diosar jan uñt'ir markanak taypiruw anatatapxista;

Ezequiel 6:8

Ukampis nayax jumanakat mä qawqhanirux jiwañat qhispiyarakïwa, jupanakasti yaqha markanakan apanukutaw jakapxani.

Levítico 26:33

Jumanakarux markanak taypiruw ananukupxäma, espadampi jiwayañatakiw arknaqapxäma; uraqimasti ch'usa wasarar tukutaw uñjasini, markanakamas axsarkañ q'ala t'unjataw uñjasini.

Mateo 10:2

Tunka payanin sutinakapax akanakawa: Simón Pedro; Andrés, Simón Pedron jilapa; Santiago, Juan, Zebedeon yuqanakapa;

Mateo 24:22

Diosatix uka urunak jan jisk'aptaykaspa ukaxa, janiw khitis qhispiyaskaspati, ukampis ajllitanakapar munatap laykuw Diosax uka urunak jisk'aptayani.

Mateo 4:18

Ukatsti Jesusax Galilea quta thiyanjam sarkasaw pani jila sullkar uñjäna: maynïrix Simón Pedro satänwa, maynïristi Andrés satarakïnwa. Jupanakax chawlla katurïnwa, qänap qutar jaquntasipkäna.

Lucas 18:7

Diosasti ¿janit arxatkarakispasti jupar uruy aruma arnaqasipki uka ajllitanakaparusti? ¿Janit jank'ak yanapt'kaspasti?

Juan 11:52

janiw judionak laykukit jiwañapäkänxa, jan ukasti Diosan wawanakapax yaqha markanakan ananukutäpkän ukanakar mayar jawsthapiñatakiw jiwañaparakïna.

Juan 7:35

Judionakasti jupanakkamaw jiskt'asipxäna: —¿Kawkirurak sarxpachänisti, jiwasanakan jupar jan jikxatañatakisti? ¿Jaya markanakar ananukut judionakan ukarut sarpachäni, ukatsti Diosar jan uñt'ir jaqinakar yatichirich sarpachänixa?

Hechos 18:2

Ukansti Ponto chiqankir Áquila sat judío jaqimpiw jikisïna. Ukürunakakiw Aquilax Priscila warmipamp chika Italia markat purisinipkatayna, Roma marka apnaqir Claudio sat reyiw arsutayna taqpach judionakan markat mistxapxañapataki. Pablosti jupanakar tumpt'iriw saräna.

Hechos 18:23

Pablox Antioquía markan mä qawqha urunakakiw qamarawayi, ukatsti Galacia, Frigia chiqanakan utjir iglesianak mayat mayat tumpawayi, iyawsirinakar ch'amañcht'asa.

Hechos 19:10

Jupasti pä maraw ukham luräna, ukhamat Asia tuqin jakirinakax Tatit Jesusan arunakap ist'apxäna, judionakasa jan judionakasa.

Hechos 6:9

Ukapachasti Cirene markankir yaqhip judío jaqinakax Estebanampiw jiskhintasipxäna, Alejandría markankir yaqha judío jaqinakamp chika, uka jaqinakasti “Antutat Jaqinaka” sat Sinagogankirïpxänwa. Estebanampix Cilicia uraqit jutirinakasa, Asia suyut jutirinakas jiskhintasipxarakïnwa.

Hechos 8:4

Ukampis Jerusalenat ananukutäpkän uka iyawsirinakax, taqi tuqiruw sarapxäna, Diosan suma yatiyäwi arunakap yatiyasa.

1 Corintios 16:19

Asia suyunkir iglesianakax aruntanipxtamwa. Aquilampi Priscilampi, ukhamaraki utapan tantachasipki uka jilatanakampix, Tatitun sutiparuw aruntanipxtam.

2 Corintios 1:8

Jilatanaka, Asia suyun kuna jan walt'añanakantix jikxatasipkäyät uk yatipxañam munta. Uka yant'ax jan atipjkayänwa, jiwañak suyxapxäyäta.

Efesios 2:12

Khä urunakasti jumanakax jan Cristoniw jakapxäyätaxa, janirakiw Israel markankirïpkäyätati, Diosan arust'äwip jan uñt'asa, aka uraqin jan kuna suyt'äwini, jan Diosaniw jakasipkäyätaxa.

Efesios 2:19

Ukhamasti, janiw jumanakax yaqha markankirïpktati, janirakiw jan uraqinïpktasa, jan ukasti jichhax qullan markampix mayakiw jakasipxtaxa, Diosan utapankirïpxaraktawa.

Deuteronomio 28:64

Diosax taqi markanakaruw mä thiyat mä thiykam ananukütam, ukansti yaqha diosanakaruw yupaychäta, lawata, qalat lurat diosanakaru, ukanaksti janiw jumasa, nayra awkinakamas uñt'känti.

Deuteronomio 32:26

“ ‘Nayax jupanakar taqi tuqir ananukuñ amtäyäta, aka uraqit jan khitinsa amtaskañ chhaqtayaña.

Deuteronomio 4:27

Tatitusti jumanakarux taqi markanakaruw ananukupxätam, ukatsti mä juk'anikirakiw jumanakat uka markanakan jilt'ani.

2 Timoteo 1:15

Niy yattawa, Asia suyunkirinakax taqpachaniw jaytanukupxitu; Figelo, Hermógenes jilatanakamppachaw sapak jaytapxitu.

Hebreos 11:13

Taqi uka jaqinakax kuntix Diosax churañatak arsuwaykän uk jan katuqasaw jiwarapxäna; ukampis iyawsañanïpxatap laykux jayatak uñtapxäna, aruntapxarakïna, ukhamat akapachan mä juk'a pacha sarir jaqinakäpxatap yatisipxäna.

Santiago 1:1

Naya Santiago, Jesucristo Tatitu Diosan luqtiripa, Israelan tunka payan ayllunakaparu, aka uraqpachan ch'iqitatatäpki ukanakaruw aruntanipxsma.

1 Pedro 2:11

Munat jilatanaka, sarir jaqinakarjamaw achikt'apxsma, janchin munañaparjam jan jakapxamti, uka janchin munañapasti ajayusampiw nuwasi.

2 Pedro 1:1

Nayax Simón Pedro, Jesucriston luqtiripätwa, apostoluparakïtwa. Aka qillqatsti, khitinakatix nanakjam mä suma iyawsañ jikxatapktas ukanakaruw qillqanipxsma, Qhispiyiri Jesucristo Tatitusan chiqätap layku.

Apocalipsis 1:11

uka arusti situwa: “Uñjktas ukanak qillqam, ukatsti Asia suyunkir paqallqu iglesianakar apayam: Éfeso, Esmirna, Pérgamo, Tiatira, Sardes, Filadelfia, Laodicea, uka iglesianakaru” sasa.