1 Pedro 1:2 - Qullan Arunaka DC

² Jumanakarusti nayratpach Dios Awkix amtataparjam ajllisipxtam. Ajay tuqiw jupatak yaqhachasipxtam, ukhamat jupar jaysapxañamataki, Jesucriston wilapamp q'umachatäpxañamataki. Jumanakasti Diosan jilarkir waxt'äwinakap katuqapxam, suman sarnaqasiñ katuqapxarakim.

Aymar Bibliia 1986

² Take jumanacarusti Dios Awquiw ajllisipjjtam nayratpacha amtataparjama. Kollan Ajayu tokeraquiwa jumanacarojj jupataqui yakhachasipjjtam, jupar jaysapjjañamataqui, Jesucriston wilapampi k'omachatäpjjañamataquiraqui. Jumanacasti Diosan bendicionanacapjja jilarquiri catokapjjam, uqhamarac suman sarnakasiñsa.

Qullan Arunaca

² Take jumanacarusti Dios Awquiw ajllisipjjtam nayratpacha amtataparjama. Kollan Ajayu tokeraquiwa jumanacarojj jupataqui yakhachasipjjtam, jupar jaysapjjañamataqui, Jesucriston wilapampi k'omachatäpjjañamataquiraqui. Jumanacasti Diosan bendicionanacapjja jilarquiri catokapjjam, uqhamarac suman sarnakasiñsa.

1 Pedro 1:2 Jak'a apnaqawi uñst'ayäwi

Isaías 55:7

Qhuru jaqix sarnaqäwip apanukpan, ñanqha amtañan jaqisti uka amtañanakap apanukpan; ukatsti Tatitun ukar kuttanxapxam, jupasti jumanakat khuyapayasipxätamwa; Diosasar makhatxapxam, jupasti juchanak pampachañatakix jank'akiwa.

Isaías 65:22

Janiw ukan maynix yaqhan jakasiñapatak utachkaniti, janirakiw maynix yaqhan askipatak yapuchkaniti. Markaxax mä quqar uñtata walja maranakaw jakasini; ajllitanakaxasti kuntix amparapampi lurasipki ukat manq'asipxani.

Isaías 65:9

Israelampi, Judämpix walja wawanakanïpxaniwa, jach'a qullunakani, jisk'a qullunakan uraqin jakasipxani. Ajllitanakax uraq katupxani, luqtirinakaxasti ukan jakapxarakini.

Daniel (hebreo) 4:1

1 (31) “Naya, Nabucodonosor reyix muntwa, aka uraqin utjir taqi markanakan jakir jaqinakatakix sumankañasa, taqi kunan phuqt'atäñas utjañapa.

Daniel (hebreo) 6:25

25 (26) Ukapachaw Darío reyix mä qillqat uraqpachan utjir taqi markanakaru, ukhamaraki kunayman arut parlir jaqinakar apayäna, akham sasa: “Jumanak taypin jilarkir sumankañ utjpan.

Levítico 1:5

Urqu vacarux Tatitun nayraqatapan kharinukuni; ukxarusti Aaronan sacerdote yuqanakapaw wila luqtapxani, ukatsti Tatitump Jikisiñ Carpar mantañawjan altaran thiyanakaparuw ch'allakipapxani.

Mateo 24:22

Diosatix uka urunak jan jisk'aptaykaspa ukaxa, janiw khitis qhispiyaskaspati, ukampis ajllitanakapar munatap laykuw Diosax uka urunak jisk'aptayani.

Mateo 24:24

Ukürunakanxa walja k'ari cristonaka, k'ari profetanakaw jutani; jupanakasti sallqjañatakix kunayman unañchanaka, muspharkañanak lurapxani, pachpa Diosan ajllitanakapar kunaw pantjayapxani.

Mateo 24:31

Jupaw angelanakapar khithanini, jach'at trompeta phust'añapataki, ukampiw ajllitanakapar pusi tuqit jawsthapini; maysa thiyata maysa thiykama.

Marcos 13:20

Tatitutix uka urunak jan jisk'aptaykaspaxa, janiw khitis qhispiyaskaspati; ukampis ajllitanakapar munasin jupax ukürunak jisk'aptayani.

Marcos 13:22

K'ari cristonakampi, k'ari profetanakampiw sartani, ukatsti jaqinakar pantjayañatakix unañchanakampi, muspharkañanakamp lurapxani, Diosan ajllitanakaparus pantasiyañ munapxani.

Marcos 13:27

Jupasti angelanakaruw khithanini, taqi tuqit ajllitanakapar anthapipxañapataki, akapach thiyatpacha, alaxpach thiyakama.

Lucas 18:7

Diosasti ¿janit arxatkarakispasti jupar uruy aruma arnaqasipki uka ajllitanakaparusti? ¿Janit jank'ak yanapt'kaspasti?

Hechos 15:18

Nayaw Tatit Diosamätxa. Nayaw nayratpach taqi ukanak arsuwayta” sasa.

Hechos 2:23

Uka chacharusti Diosan amtataparjam arsutaparjamaw katuyat uñjasïna; jumanakasti jucharar jaqinakan amparanakap tuqiw jiwayapxtaxa, mä cruzar ch'akkatasa.

Hechos 20:32

“Jichhasti jilatanaka, Diosaruw mayta munasiñapampi jumanakar imañapataki. Munasiñ arunakapaw jumanakar sapürunjam suma askïñ yanapt'apxarakiristam. Jaysapxätaxa, Diosax arsutanakap phuqhaniwa, markapankirïñatak ajlliski taqi jupanakaru.

Romanos 1:5

Jesucristo tuqiw apostolüñatak katuqta, lurañanakap phuqhañataki, ukhamat sapa mayni markanakan jupar iyawsas jaysapxañapataki.

Romanos 11:2

Diosax qalltatpach israelitanakarux markapatjam uñt'asitayna; jichhasti janiw jupanakarux apanukkiti. ¿Janit yatipkta kuntix qillqatan Elías profetat siski ukxa? Jupasti Diosar mayiskän ukkhax Israel markarux juchañchänwa. Sarakïnwa:

Romanos 11:28

Diosan suma yatiyäwip tuqitxa, judionakax Diosan uñisiripaw tukupxi, ukhamat jumanakan qhispiyasipxañamataki; ukampis Diosax jupanakarux munasiskiwa, nayra awkinakapar ajllisitap layku.

Romanos 15:16

Jesucristor luqtas jan judiöpkis ukanakan askipataki. Sacerdote luräwixax Diosan suma yatiyäwip yatiyañawa, ukhamat jan judiöpkis ukanakar jupa nayraqatar uñstayañataki, jupar kusisiykir waxt'äwjama, Qullan Ajayun q'umachata.

Romanos 16:19

Jumanakan jaysasirïtanakam taqiniw yatipxi. Nayasti ukham yatisax wal kusista, ukatsti sum lurañatakix yatiñ kankañ uñacht'ayapxañam munta, janiw jan wal lurañatakixa;

Romanos 16:26

ukampis jichhax profetanakan qillqatanakap tuqiw uñachayasi, wiñay jakir Diosan arunakaparjama. Diosan imantat aka amtäwipax taqi markanakaruw yatiyasi, ukhamat iyawsapxañapataki, jaysapxañapatakiraki.

Romanos 8:13

Jumanakatix janchin munañanakaparjam jakasipkätaxa, jiwapxätawa; ukampis jumanakatix Ajay tuqi janchin munañanakapar jiwayapxätaxa, wiñay jakañanïpxätawa.

Romanos 8:33

¿Khitirak Diosan ajllitanakapar kuna jan walitsa irkataspasti? Diosaw jupanakarux aski jaqinakar tukuyi.

1 Corintios 1:30

Jumanakarusti Dios kipkaw Cristo Jesusampi mayachapxtam, uka kipkarakiw jupax Cristo tuqi jiwasan yatiñ kankañasa, chiqa kankañasa, qullanaptayir kankañasa, qhispit kankañasa tukuyi.

1 Corintios 6:11

Jumanakat yaqhipanakax ukhamäpxarakïyätawa; ukampis jichhax q'umachatäxapxtawa, jumanakax Tatit Jesucriston sutipxaru, Diosasan Qullan Ajayup tuqiw qullana, aski jaqinakarus tukuyatäpxarakta.

2 Corintios 10:5

ukhamarak Diosan arunakapax jan uñt'atäñapatak jark'ir jach'achasiñ arunakarusa. Jaqin janchi amtatanakapsa Cristoruw katuyapxta, ukhamat jupar jaysapxañapataki,

Deuteronomio 7:6

Jumanakasti Tatit Diosamatak ajllit markäpxtawa; Tatituw jumanakarux aka uraqin utjir taqi markanak taypit ajllisipxtam, ukhamat jumanakan jupatak yaqhachat markäpxañamataki.

Colosenses 3:12

Diosaw jumanakarux munasipxtam, jupan qullan markapankañatakiw ajllisipxtam. Ukhamax khuyapayasiñampi, suma jaqïñampi, jisk'ar tukuñampi, llamp'u chuymanïñamp isthapit sarnaqapxam.

2 Tesalonicenses 2:13

Ukampis nanakan jumanakat Diosar yuspagarañax wakisipuniwa, Tatitun munat jilatanaka, Diosaw jumanakarux qalltatpach qhispiyatäpxañamatak ajllisipxtam, jupaw jumanakarux Qullan Ajay tuqi qullananakar tukuyapxtam, chiqa kankañar iyawsapxatamata.

2 Timoteo 2:10

Ukat taqi kunsa t'aqhista Diosan ajllitanakapar munasitax layku, jupanakan qhispiyasipxañapataki, Jesucristo tuqi wiñay jakañ katuqapxañapataki.

Tito 1:1

Naya Pablox Tatitun luqtiripätwa, Jesucriston apostolupa, jupan khithataraki, khitinakarutix Tatitux ajlliski jupanakar iyawsañar irpaniñaxataki, Tatitun chiqa yatichäwinakap uñt'apxañapataki,

Hebreos 10:22

Ukat Diosarux chiqpach chuymampi, taqpach iyawsañampi, jan walinakat q'umachat chuymampi, janchinakasas q'uma umampi jariqat jak'achasipxañäni.

Hebreos 11:28

Moisesax iyawsäwi laykuw Pascua uruyäna, ukatsti wilampiw uta punkunakar ch'axch'ukipayäna, ukhamat jiwayir angelax israelitanakan tayna wawanakapar jan jiwarayañapataki.

Hebreos 12:24

machaq amtäwi arxatir Jesusaru, q'umachatäktan uka wilaparu, ukax Abel chachan wilapat sipan juk'amp yatiyir wilawa.

Hebreos 5:9

ukham t'aqhisisasti jupar iyawsirinakatakix wiñay qhispiyasiñ chuririw tukuwayi,

1 Pedro 1:14

Ist'asir wawanakjamaxa, jan munañanakamarjam sarnaqapxamti, kunjämtix Tatitur janïra uñt'kasax sarnaqapkäyäta ukhama.

1 Pedro 1:19

jan ukax Tatit Jesucriston suma wilapamp alatawa. Jupasti mä suma q'uma jan kamacht'at ovejar uñtat luqtatarakïnwa.

1 Pedro 1:20

Cristow ukham phuqhañapatak ajllitäna, aka uraqix janïra utjkän ukkhatpach ajllitänwa, ukampis aka qhipa urunakan jumanakatak askiw uñstxi.

1 Pedro 1:22

Jumanakasti, Tatitun arunakapar jaysasinxa, jilatanakar chiqpach munañatakiw q'umachasxapxtaxa. Ukhamax maynit maynikamax taqi chuymampi, taqi ch'amamp munasipxañamawa.

1 Pedro 2:9

Ukampis jumanakax Tatitunkiritak ajllitäpxtawa, reyir luqtir sacerdotenakäpxtawa; mä q'uma markäpxtawa; Diosan ajllisit markapäpxtawa. Ukatpï, Diosan muspharkañ luräwinakap yatiyapxañamaxa, Diosaw jumanakarux ch'amakat irpsusinxapxtam, suma muspharkañ qhanapar mantxapxañamataki.

2 Pedro 1:2

Munasiñampi, sumankañampix jumanak taypin jilarkir utjpan, Diosaru, ukhamarak Jesucristo Tatitusar uñt'apxatam layku.

2 Juan 1:1

Naya jilïr irpiri, Diosan ajllit markaparux taqiniruw arunta puriyta. Nayax walpun munasipxsma, janiw naya sapakiti, jan ukasti khitinakatatix chiqa kankañ uñt'apki jupanakaw munasipxtam.

2 Juan 1:13

Khitinakarutix Diosax ajlliwayki uka jila masinakamax aruntanipxaraktamwa.

Judas 1:2

Jumanakax jilarkir khuyapayasiña, sumankaña, munasiñ katuqapxam.