1 Pedro 1:3 - Qullan Arunaka DC

³ Jesucristo Tatitusan Awkipar yupaychañäni, jupaw jach'a khuyapayasiñapat Jesucriston jiwatanak taypit jaktatap tuqi machaqat yuriyistu. Ukaw jiwasanakarux suyt'añana jakayarakistu,

Aymar Bibliia 1986

³ Yupaychañäni Diosaru, Jesucristo Tatitun Awquiparu, jupasti jach'a qhuyapayasiñap laycuwa jiwasarojj machakat naciyistu, Jesucriston jiwatanac taypit jactatap toke. Ucasti jiwasanacarojj suyt'añanwa jacayaraquistu,

Qullan Arunaca

³ Yupaychañäni Diosaru, Jesucristo Tatitun Awquiparu, jupasti jach'a qhuyapayasiñap laycuwa jiwasarojj machakat naciyistu, Jesucriston jiwatanac taypit jactatap toke. Ucasti jiwasanacarojj suyt'añanwa jacayaraquistu,

1 Pedro 1:3 Jak'a apnaqawi uñst'ayäwi

1 Reyes 8:15

akham sasa: “Israelan Tatit Diosapax jach'añchatäpan, jupax David awkixar arskatayna uk phuqhi, jupax sänwa:

1 Crónicas 29:20

Ukxarusti Davidax tantacht'at jaqinakarux sänwa: “Jichhasti Tatit Diosamar yupaychapxam” sasa. Ukhamasti tantacht'at jaqinakax taqiniw nayra awkinakapan Tatit Diosaparux yupaychapxäna, ukatsti Tatitutakisa, reyitakisa killt'asisaw alt'apxäna.

2 Crónicas 31:8

Ukatxa kunapachatix Ezequiasampi, jilïr irpirinakampix uka qutuchatanak uñjir sarapkän ukkhasti, Tatituruw jach'añchapxäna, ukhamarak Israel markaparusa.

Salmos 41:13

13 (14) ¡Israelan Tatit Diosapax jach'añchatäpan, jichhasa, wiñayan wiñayapansa! ¡Ukhamäpan!

Salmos 86:15

Jumasti, Tatay, khuyapayasir Diosätawa, llamp'u chuymani, munasiñani, aski Diosätawa.

Salmos 86:5

Tatay, jumax munasiñanïtawa, juch pampachirirakïtawa; jumar art'asirinakatakix munasirïtawa.

Éxodo 34:6

Tatitusti Moisesan nayraqatap sarakipasin jach'at säna: —¡Tatituwa! ¡Tatituwa! ¡Munasiri, khuyapayasir Diosawa. Janiw jank'ak q'apisirïkiti, jach'a munasiriwa, chiqarakiwa!

Isaías 26:19

Ukampisa juman markamäpxtwa, t'unjat uñjasitäpkta ukasa, wasitat jakatatasipkakïwa. Jumaw jakañampi, kusisiñampi aka jiwat markarux phuqhantäta.

Jonás 4:2

Ukat Tatiturux mayisïna, akham sasa: —Tatay, markaxankaskäyät ukkhax akhamäñapxa yatipuniyätwa. Ukat Tarsis markar jaltañar uchasta, nayax juman khuyapayasiri, llamp'u chuyman Diosätam yattwa, janiw ukspach phiñasktati; jach'a munasiñanïtam laykux mutuyañatak amtkta uksa, amthapisisax janiw ukham lurkxtati.

Juan 1:13

Jupanakasti janiw jaqin munañapat janchin yuritäpkiti, jan ukasti Diosan wawanakapäxiwa.

Romanos 12:12

Suyt'añamansti kusisitak jakasipxam; t'aqhisiñanaksti llamp'u chuymampi mutupxam; janipun Diosat mayisiñ armasipxamti.

Romanos 15:13

Uka suyt'añ churir Diosasti, jupar iyawsapxatam laykux kusisiñampi, sumankañampi jumanakarux phuqhantpan, Qullan Ajayun ch'amapampisti jilarkir suyt'añ jumanakar churpan.

Romanos 4:25

jupax juchanakas laykuw jiwar katuyat uñjasïna, ukatsti aski jaqinakat katuqatäñasatakiw jaktayat uñjasirakïna.

Romanos 5:10

Kunapachatix Diosan uñisiripäkäyätan ukkhaw Wawapan jiwatap tuqi jupampi sumankthapxtan, ukatarak jakañap tuqi qhispiyatäñäni, jichhasti jupampi sumankthapitäxtanwa.

Romanos 8:11

Jesusar jaktayki uka Ajayux jumanakan jaki, uka pachpa Cristor jaktayir Ajayux jiwir janchinakamarux machaq jakañ churani, jumanakan jakki uka Diosan Ajayup tuqi.

Romanos 8:24

Uka suyt'äwi utjatap laykuw qhispiyatätan. Ukampis uñjatäki uka suyt'äwix, janiw suyt'äwïkxiti, ¿khitirak niy uñjatäki uksti suyisti?

1 Corintios 13:13

Jan tukusirinakax kimsaw utji: iyawsaña, suyt'aña, munasiña; uka kimsatsti, munasiñaw wali wakiskirixa.

1 Corintios 15:20

Ukampis janiw ukhamäkiti. Chiqpachansa Cristox jiwatanak taypit jaktawayi. Jupax nayrïr achükaspas ukhamawa: jupaw jiwatanak taypit nayraqat jaktawayi.

2 Corintios 1:3

Jesucristo Tatitusan Dios Awkipax jach'añchatäpan, jupax khuyapayir Awkisawa, jiwasar chuymachir Diosarakiwa.

Gálatas 6:16

Taqi aka arunakarjam sarnaqirinakax samarañampi khuyapayasiñampi katuqapxam, Diosan Israel markapankir taqpach wawanakapas katuqapxarakim.

Efesios 1:17

Tatit Jesucristosan muspharkañ Dios Awkiparuw mayta, ajay tuqin yatiñ kankañ jumanakar churañapataki, Diosan uñacht'äwip sum amuyapxañamataki, jupar juk'amp uñt'apxañamataki.

Efesios 1:3

Jesucristo Tatitusan Dios Awkipax jach'añchatäpan, Cristonkatas laykux jupaw alaxpachat ajay waxt'äwinak churanistu.

Efesios 1:7

Criston wila wartatap tuqiw juchanakat qhispitäñasa, pampachatäñas utjistu. Diosasti phullch'irkir khuyapayasiñap jiwasatak utjayi, taqi yatiñ kankaña, amuyt'a kankañ jiwasar churasa,

Efesios 2:4

Ukampis Diosax jach'a khuyapayasiriwa, jach'a munasiñap uñachayistu.

Efesios 3:20

Jichhasti Diosax jach'añchatäpan, jupax ch'amaniwa kuntix mayktan, lup'karaktan ukanakat sipan juk'ampi lurañataki, jiwasanakan luraski uka ch'amapat yuspagaratäpan.

Colosenses 1:23

Ukatakisti iyawsañaman sum sayt'asipxañamawa, kuna suyt'äwitix Diosan suma yatiyäwi arunakap ist'asin utjapktam ukat jan jithiqtasa. Aka qhispiyasiñ arunakaw taqi chiqan parlasïna, naya Pablosti, uka arunak qhanañchañan yanapasirakta.

Colosenses 1:27

Diosasti taqi markankirinakaruw aka suma amtäwi yatiyañ munäna, uka amtäwisti, Diosax Cristoruw jumanak taypir jakir khithanïna, juparakiw kuntix katuqapkäta uka suyt'äwisaxa.

1 Tesalonicenses 1:3

Dios Awkisan nayraqatapan iyawsañampi irnaqapxatamata, munasiñampi yanapapxatamata, t'aqhisiñanakan Jesucristo Tatitusar suyt'atanakamat sapa kutiw amtasipxta.

1 Tesalonicenses 4:13

Jilatanaka, jiwatanakat sum yatipxañam munapxta, ukhamat jumanakan jan suyt'añan jaqinakjamax jan llakisisipkañamataki.

2 Tesalonicenses 2:16

Pachpa Jesucristo Tatitusasa, Dios Awkisasa khuyapayasiñap laykuw munasistu, ukatsti wiñay chuymachäwi, suyt'äwi churarakistu,

1 Timoteo 1:14

Tatitun munasiñapasti nayatakix jilarkirïnwa, jupaw iyawsañampi, munasiñampi Jesucristonkatax layku churitu.

Tito 2:13

ukatsti kusiskañ suyt'äwimpi jakañas yaticharakistu, jach'a Qhispiyir Tatit Jesucriston kutt'aniñap suyasa.

Hebreos 3:6

Ukampis Cristox Yuqjamax Diosan utapan phuqhäna, uka utasti jiwasanakätanwa, tukuykamatix jupar iyawsañäni, kusisiñampi katuqañatak suyt'añän ukapacha.

Santiago 1:18

Jupax ukham munatap laykux jiwasarux chiqa arunakap tuqiw jakañ churistu, jupan luräwipan nayrïr achupäñasataki.

1 Pedro 1:13

Ukatpï jilatanaka, kuntix lurapkäta ukanakat wal amuyt'asipxam, mä suma jakañan sarnaqapxarakim. Taqi chuyma suyt'apxam, kuntix Diosax khuyapayasiñapan jumanakar churapkätam Jesucristox jutkani ukkhaxa.

1 Pedro 1:21

Jumanakasti Cristo tuqirakiw Diosarux iyawsapxtaxa, uka Diosarakiw Cristorux jiwatanak taypit jaktayi, jach'arus aptaraki; ukatpï jumanakax Diosarux iyawsapxtaxa, suyt'apxaraktasa.

1 Pedro 1:23

Jumanakasti, janiw jiwir jaqit yuripktati, jan ukasti Diosan wiñay jakkir arunakap tuqiw wasitat yuripxtaxa.

1 Pedro 2:2

Kamisatix asu wawax taykapan lechep thaqtasixa, ukhamarak jumanakax kunatix ajayumatak askïki uk thaqhapxam, ukhaman jiltapxañamataki qhispiyatäpxañamatakiraki,

1 Pedro 3:15

jan ukasti chuymanakaman Tatitur jach'achapxam. Khitinakatix jumanakar suyt'añanakamxat jiskt'apkätam ukanakar arsuñatak wakicht'atäpxam,

1 Pedro 3:21

Uka umasti bautismo umaruw uñtasïna, uka tuqit jichhax qhispitätanxa. Uka bautismosti janiw janchir q'umachañatakïkiti, jan ukasti Diosar juchanakasat q'umachañapatak mayiñatakiwa; jichhasti Jesucriston jaktäwip tuqirakiw qhispiyistuxa,

1 Pedro 3:5

Nayra pachanakanxa, Diosar axsartir warminakax ukham k'achacht'asipxäna. Jupanakax Diosaruw iyawsapxäna, chachanakaparus ist'apxarakïnwa.

1 Juan 2:29

Jumanakatix Tatit Jesucriston chiqapar uñjirïtap yatipxstaxa, jumanakax yatipxañamarakiwa, kunatix askïki uk lurapki ukanakax Diosan wawanakapawa.

1 Juan 3:3

Khitinakatix Jesucriston suyt'äwinïki ukax jupa pachpaw q'umachasi, kamisatix Jesucristox q'umäki ukhama.

1 Juan 3:9

Khititix Diosan wawapäki ukax janiw juch lurkiti, Diosat yuritätap layku; Diosan wawapätap laykusti janiw juch lurkaspati.

1 Juan 4:7

Munat jilatanaka, maynit maynikam munasiñasawa, munasiñax Diosat juti. Taqi khititix munaski ukax Diosan wawapawa, Diosarusti uñt'arakiwa.

1 Juan 5:1

Taqi khititix Jesusan Cristötap iyawski ukaxa, Diosan wawapawa; khititix awkir munaski ukax uka awkin wawanakaparux munasirakiwa.

1 Juan 5:18

Khititix Diosat Awkinïki ukax, juchan jan sarnaqxatap yattan, Diosan Jesucristo Yuqapaw juparux imi, supayasti janiw jupar llamkt'kiti.

1 Juan 5:4

khitinakatix Diosan wawapäpki ukanakax akapacharuw atipji. Iyawsañasasti akapacharuw atipt'ayistu.