1 Corintios 1:12 - Qullan Arunaca

Sapa mayniw jumanac taypinjja may maya parlapjje. Mayninacajj sapjjewa: “Nayajj Pablonctwa” sasa; mayninacasti sapjjaraquiwa: “Nayajj Apolosanctwa”; mayninacasti “Nayajj Pedronctwa”; mayninacasti: “Nayajj Cristonctwa” sasaraquiw sapjje.

Aymar Bibliia 1986

Sapa mayniw jumanac taypinjja may maya parlapjje. Mayninacajj sapjjewa: “Nayajj Pablonctwa” sasa; mayninacasti sapjjaraquiwa: “Nayajj Apolosanctwa”; mayninacasti “Nayajj Pedronctwa”; mayninacasti: “Nayajj Cristonctwa” sasaraquiw sapjje.

Qullan Arunaka DC

Nayax sañ munta, jumanakat yaqhipanakax akham sapxi: “Nayax Pablonktwa”; mayninakasti: “Nayax Apolonktwa”; mayninakasti: “Nayax Pedronktwa”; mayninakasti: “Nayax Cristonktwa” sasa.

1 Corintios 1:12 Jak'a apnaqawi uñst'ayäwi

1 Reyes 16:21

Ucatsti Israel marcajj payaruw jaljtäna, mayninacasti Ginat chachan Tibni yokapar jakcattatäpjjänwa juparu reyita uchañataqui, mayninacasti Omri chachar jakcattatäpjjaraquïnwa.

Mateo 23:8

“Jumanacasti janiw ‘yatichiri’ sayasipjjañamäquiti, jumanacasti jilapuräpjjtawa; mayniquiraquiw Yatichirejja, ucasti Cristowa.

Juan 1:42

Ucatsti Andresajj Simón jilaparojj Jesusan ucaruw irpäna. Jesusasti uñjasinjja sänwa: —Jumajj Simón sutinïtawa, Jonasan yokapa, ucampis jichhajj Cefas sutinïyätawa. (Ucasti Pedro sañwa muni.)

Hechos 18:24

Ucürunacansti Apolos sata mä judío jakew Éfeso marcar purïna. Jupasti Alejandría marcanquirïnwa, uqhamarac mä suma parlt'ir jakeraquïnwa. Kellkatanacatsti sumaracwa yatïna.

Hechos 19:1

Apolosan Corinto marcancañapcamasti, Pablojj kollu tokenac pasasinwa Éfeso marcar puri. Ucansti mä kawkha iyawsirinacaruw jicjjataraquïna.

1 Corintios 1:11

Jilatanaca, Cloen familiap tokew yatipjjta jumanac taypin yakhachasiñanac utjatapa, ucat acanac sapjjsma.

1 Corintios 15:5

ucatsti Pedroruw uñstänjja, uqhamarac yakha apostolonacarusa.

1 Corintios 15:50

Jilatanaca, sañ munapjjaracsma, acapach janchejj janiw Diosan reinoparu mantcaspati. Jan wiñayataquïqui ucasti janiraquiw wiñay marcanccaspati.

1 Corintios 16:12

Apolos jilatasarusti, nayajj wal achict'ta mayni jilatanacampi chica jumanacar uñjiri jutañapataqui, ucampis janiw jichhajj jutañ munquiti. Cunapachajj waquischini ucqhaw jutani.

1 Corintios 4:6

Jilatanaca, acanacsti jumanacan asquimataquiw parlapjjsma, Apolosampita naya pachpampita amuyt'ayasa. Acjja sistwa jumanacajj jan cunatejj kellkatäqui ucatjja inampst'apjjañanacamataqui, uqhamata jan qhitis mayniru jisc'achañapataqui ni maynirusa wal jach'achañapataqui.

1 Corintios 7:29

Jilatanaca, may sañ munapjjaracsma: juc'a tiempoquiw utj-jjestu. Acat ucsarojja casadonacajj janis warminïpcaspa uqhamaw sarnakapjjañapa.

1 Corintios 9:5

uqhamaraqui mä Tatitur iyawsiri warmi nayamp chica irpañataquis mayni apostolonacjama, cunjämtï Tatitun pachpa jilanacapasa, Pedros lurqui uqhama.

2 Corintios 10:7

Jumanacajj uñnakatacwa amuyasipjjtajja. Maynitejj chuymapan Cristoncatap amuyaschi ucqhajja, amuyañaparaquiwa nanacajj jupjamaraqui Cristoncapjjatanacajja.

2 Corintios 9:6

Jumanacasti acat amtasipjjaraquim: Juc'a yapuchasirejj, juc'aquiracwa achunacjja apthapini, walja yapuchasiristi, waljaraqui apthapini.

Gálatas 2:9

Ucatwa Santiagompi, Pedrompi, Juanampejj jilïrinacäsinjja uñjapjje Diosajj nayaru aca luräwi churquitu ucjja. Ucatsti ampara churapjjetu nayaru uqhamaraqui Bernabearu cuna. Acjja lurapjjänwa mayaquïctansa uca amtäwimpi, jan judiöpquis uca taypin nanacan irnakañajj-jja: “Waliquiw” sapjjaraquiwa, jupanacasti judionac taypin irnakapjjañaparaquïnwa.

Gálatas 3:17

Cuntejj sisctjja ucajja acawa: Diosajj mä arust'äwjja Abrahamampiw lurawayi, ucsti Diosaw khanañchawayi. Moisesan leyipasti pusi patac quimsa tuncani mara pasatatwa churatäna, ucasti janiw ina ch'usaru tucuycaspati qhä arust'äwjja, ni Diosan arsutapsa jan cuna asquiru tucuycaspati.