1 Corintios 1:12 - Qullan Arunaka DC

¹² Nayax sañ munta, jumanakat yaqhipanakax akham sapxi: “Nayax Pablonktwa”; mayninakasti: “Nayax Apolonktwa”; mayninakasti: “Nayax Pedronktwa”; mayninakasti: “Nayax Cristonktwa” sasa.

Aymar Bibliia 1986

¹² Sapa mayniw jumanac taypinjja may maya parlapjje. Mayninacajj sapjjewa: “Nayajj Pablonctwa” sasa; mayninacasti sapjjaraquiwa: “Nayajj Apolosanctwa”; mayninacasti “Nayajj Pedronctwa”; mayninacasti: “Nayajj Cristonctwa” sasaraquiw sapjje.

Qullan Arunaca

¹² Sapa mayniw jumanac taypinjja may maya parlapjje. Mayninacajj sapjjewa: “Nayajj Pablonctwa” sasa; mayninacasti sapjjaraquiwa: “Nayajj Apolosanctwa”; mayninacasti “Nayajj Pedronctwa”; mayninacasti: “Nayajj Cristonctwa” sasaraquiw sapjje.

1 Corintios 1:12 Jak'a apnaqawi uñst'ayäwi

1 Reyes 16:21

Zimrí reyin jiwatapatsti, Israel markax payaruw jaljtäna. Mä chikatax Guinat chachan Tibní yuqaparuw reyitak munapxäna, mä chikatasti Omrí chacharurakiw reyitak munapxäna.

Mateo 23:8

“Jumanakasti janiw ‘yatichiri’ sayasipxañamäkiti, jumanakax jila puräpxtawa; maynikiw Yatichirixa, jupasti Cristowa.

Juan 1:42

Ukatsti Andresax Simón jilaparuw Jesusan ukar irpäna. Jesusasti jupar uñjasin sänwa: —Jumax Juanan yuqapa, Simón sutinïtawa, ukampis jichhax Cefas sutinïyätawa, ukasti Pedro sañ muni —sasa.

Hechos 18:24

Ukürunakansti Apolo sat mä judío jaqiw Éfeso markar purïna, jupax Alejandría markankirïnwa. Jupasti suma parlt'ir jaqïnwa, Qillqatanakatsa sumpun yatïna.

Hechos 19:1

Apolosan Corinto markan jikxatasiñapkamasti, Pablox qullu chiqa sarakipasin Éfeso markar puri. Ukansti mä qawqha iyawsirinakaruw jikxati.

1 Corintios 1:11

Munat jilatanaka, Cloen utapankir wila masipaw yatiyapxitu, jumanak taypin ch'axwanak utjatapa, ukat ak sista.

1 Corintios 15:5

ukatsti Pedroruw uñstäna, ukhamaraki tunka payan apostolunakampiru.

1 Corintios 15:50

Jilatanaka, sañ munapxaraksma, akapach janchix janiw Diosan markapar mantkaspati, tukusirïki ukasti janirakiw wiñay markankkaspati.

1 Corintios 16:12

Apolos jilatasarux walpun achikt'ta, mayni jilatanakampi chika jumanakar tumpt'ir sarañapataki, ukampis janiw jichhax jutañ munkiti. Kunapachay wakischini ukkhakiw jutani.

1 Corintios 4:6

Jilatanaka, akanaksti jumanakan askimatakiw parlapxsma, Apolosampita naya pachpampit amuyt'ayasa. Nanakat yatiqasis kunatix qillqatäki ukat jumanakan jan saranukuñamatakiw sapxsma, ukhamat maynir munatap laykux jan khitis jach'achasiskañapataki, maynir jan walt'ayasa.

1 Corintios 7:29

Jilatanaka, nayax akham sañ munta: Juk'a pachakiw utjxistu. Ukalayku, warmin chachanaka, chachan warminaka, janis jaqichasitäpkasma ukhamaw jakapxañama;

1 Corintios 9:5

ukhamaraki Cristor iyawsir esposa nayamp chika irpañatakisa, kunjämtix maynïr apostolunakasa, Tatitun jilanakapasa, Pedros lurki ukhama.

2 Corintios 10:7

Jumanakax laqäxaki taqi kunsa uñjapxtaxa. Maynitix chuymapan Cristonkat amuyaschixa, nanakax jupjama Cristonkapxatanakax amuyañaparaki.

2 Corintios 9:6

Aka tuqit amtasipxam: Juk'ak yapuchirix juk'ak apthapi; walja yapuchiristi waljarak apthapi.

Gálatas 2:9

Santiagompi, Pedrompi, Juanampix iglesian aytat jilïrinakat uñt'atanakasti, Diosan nayar uka luräwi churatap uñt'apxi. Ukatsti mayachasiñ amtäwimpiw nayampiru, Bernabeampirux amparanakax q'aphirapxitu, jupanakasti jan judiöpkis uka taypir nanakan irnaqir sarapxañaxatakix “walikiw” sapxänwa, ukchañkamasti jupanakax judionak taypin irnaqapxañaparakïnwa.

Gálatas 3:17

Nayasti sistwa: Diosax Abrahamampiw mä arust'äwi lurawayi, uksti qhanañchawayiwa. Diosan arsutapax janiw ina ch'usar tukuyatäkaspati, uka arust'äwis janirakiw pusi patak kimsa tunkan mara qhipat Moisesar churat kamachimp inamayar tukuyatäkaspati.