1 Corintios 1:11 - Qullan Arunaka DC

¹¹ Munat jilatanaka, Cloen utapankir wila masipaw yatiyapxitu, jumanak taypin ch'axwanak utjatapa, ukat ak sista.

Aymar Bibliia 1986

¹¹ Jilatanaca, Cloen familiap tokew yatipjjta jumanac taypin yakhachasiñanac utjatapa, ucat acanac sapjjsma.

Qullan Arunaca

¹¹ Jilatanaca, Cloen familiap tokew yatipjjta jumanac taypin yakhachasiñanac utjatapa, ucat acanac sapjjsma.

1 Corintios 1:11 Jak'a apnaqawi uñst'ayäwi

Génesis 27:42

Rebecasti Esaú yuqapan ukham amtaskatap yatisinxa, Jacob yuqaparuw jawsayanïna, juparusti sarakïnwa: —Esaú jilamax jumar jiwayañ amtaski, kuntix lurkta uk phuqsusiñataki.

Génesis 37:2

Akaw Jacobun wila masipan sarnaqäwipaxa. Joseax tunka paqallqun maranïskän ukkhaxa, jilanakapamp chikaw ovejanak awatirïna, uka jilanakapasti Bilhá, Zilpá warminakan wawanakapänwa, uka warminakasti awkipan uñt'atanakapänwa. Joseasti kuna jan walinaktix jilanakapax lurapxirïkän ukanak awkiparux yatiyapunirïnwa.

Proverbios 13:10

Jach'a jach'a tukuñax nuwasiñanakak utjayi, yatiñ kankañasti llamp'u chuymani jaqinakampiwa.

Proverbios 18:6

Jan amuyt'an jaqin parlatanakapax ch'axwañanak utjayi, jan wali arupasti tuqisiñanak utjayaraki.

1 Corintios 1:10

Jilatanaka, Jesucristo Tatitusan sutipxaruw achikt'apxsma, taqinis mä amtañanikïpxam, jumanak taypin yaqhachasiñanakax jan utjkpati. Mä wawak jakasipxam, mä sapa amtañani, mä sapa amuyuni.

1 Corintios 1:12

Nayax sañ munta, jumanakat yaqhipanakax akham sapxi: “Nayax Pablonktwa”; mayninakasti: “Nayax Apolonktwa”; mayninakasti: “Nayax Pedronktwa”; mayninakasti: “Nayax Cristonktwa” sasa.

1 Corintios 11:18

Nayraqataxa, kunapachatix jumanakax tantachasipkta ukkhaxa, jumanak taypin t'aqanuqtañanakaw utji sapxituwa; ukasti amuyatax chiqätapjamawa.

1 Corintios 3:3

jan ch'amanïpxatam layku! Jumanak taypin uñisisiñanaka, ch'axwañanak utjaskipansti, jan ch'amanïpxatam laykux jaqinakan amtäwiparjamakiw sarnaqasipktaxa.

2 Corintios 12:20

Mä tuqitxa axsararaktwa, jumanakar tumpir jutkä ukkhax, inas jan kunjämtix nayax munkta ukham jikxatapkchïmati, janirak jumanakas kunjämtix munapkta ukham nayar jikxatapkchitätati. Jumanak taypin inas utjaskchi ch'axwañanaka, uñisisiñanaka, thithiñanaka, sapak kunsa munirïñanaka, k'umisiñanaka, jach'a jach'a tukuñanaka, pixtusiñanaka.

Gálatas 5:15

Amuyasipxam, jumanakatix nuwasipxäta, maynit maynikam jan walinaksa lurasipxäta ukaxa, jumanakkamaw tukjasipxäta.

Gálatas 5:20

idolonakar yupaychañanaka, layqasiñanaka, uñisisiñanaka, ch'axwanakan sarnaqañanaka, jan wali amtañanaka, phiñasiñanaka, jupatakik munañanaka, t'aqaqtañanaka, yaqhachasiñanaka,

Gálatas 5:26

Janiy jach'a jach'a tukurïñäniti, jiwasanak pachpas tuqisiñanak utjayañäniti, janirak jiwasanakkam uñisisiñäniti.

Filipenses 2:14

Taqi kunsa jan jaqxat parlasisa, jan ch'axwas lurapxam,

1 Timoteo 6:4

uka jaqix jan kun amuyir jach'a jach'a tukur jaqiwa. Arunakxat tuqisiñ amtäwimp usuntatawa; ukasti kunayman jan walinak utjayi: uñisiña, tuqisiña, ñanqhachasiña, pächasiña,

Tito 3:9

Ukampis jan wali jiskhisiñanakat jithiqtam, nayra arunaka, ch'axwanaka, Moisesan kamachipxat ch'axwañanaksa jan munamti. Ukanakax inamayawa, jan kunatak askirakiwa.