Gálatas 3:17 - Qullan Arunaca

¹⁷ Cuntejj sisctjja ucajja acawa: Diosajj mä arust'äwjja Abrahamampiw lurawayi, ucsti Diosaw khanañchawayi. Moisesan leyipasti pusi patac quimsa tuncani mara pasatatwa churatäna, ucasti janiw ina ch'usaru tucuycaspati qhä arust'äwjja, ni Diosan arsutapsa jan cuna asquiru tucuycaspati.

Aymar Bibliia 1986

¹⁷ Cuntejj sisctjja ucajja acawa: Diosajj mä arust'äwjja Abrahamampiw lurawayi, ucsti Diosaw khanañchawayi. Moisesan leyipasti pusi patac quimsa tuncani mara pasatatwa churatäna, ucasti janiw ina ch'usaru tucuycaspati qhä arust'äwjja, ni Diosan arsutapsa jan cuna asquiru tucuycaspati.

Qullan Arunaka DC

¹⁷ Nayasti sistwa: Diosax Abrahamampiw mä arust'äwi lurawayi, uksti qhanañchawayiwa. Diosan arsutapax janiw ina ch'usar tukuyatäkaspati, uka arust'äwis janirakiw pusi patak kimsa tunkan mara qhipat Moisesar churat kamachimp inamayar tukuyatäkaspati.

Gálatas 3:17 Jak'a apnaqawi uñst'ayäwi

Génesis 15:13

Tatitusti ucapachajj saraquïnwa: —Jichhajj yatiñamajj waquisiwa; wawanacamajj yakha marcanacanwa jacapjjani, ucansti esclavöpjjaraquiniwa, pusi patac maranacaw ucanjja t'akhesiyatäpjjaraquini.

Génesis 15:18

Uca pachpa ururaquiw Tatitojj Abramampejj mä amtäwiru mantäna, saraquïnwa: —Aca orakjja wawanacamaruw churä, Egipto jawirata, Eufrates sata jach'a jawircama.

Génesis 17:19

Diosasti saraquïnwa: —Sara warmimajj mä wawa wawacharapïtam sismawa. Jumasti Isaac sasaw sutichäta, jupampiw arust'äwejj-jja suma sayt'ayä, wawanacapampisti wiñayataquiw arust'äwejj-jja utjayaraquï.

Job 40:8

¿Jumajj nayarojj jan chekapätajjatti juchañchañ munista, uqhamat jumajj jan juchani mistuñamataqui?

Salmos 105:9

Abrahamamp arust'äw luratapata, Isaacar juramentomp arsutapata,

Salmos 33:10

Tatitojj ñankha lurir marcanacan amtatanacap t'unji, Tatitur jan iyawsir jakenacan amtatanacap aynacht'ayaraqui.

Isaías 14:27

Take ch'amani Tatituw uqham amti, janiraquiw qhitis jarc'caspati. Jupajj jichhas ajjsarayascaquiwa, janiraquiw qhitis yakha amtäwi churcaspati.

Isaías 28:18

Jiwañampi arust'asitapasti ina ch'usaru tucuyatäniwa, jiwirinacan utjañ chekampi arust'asitapasti ina ch'usaruw tucuni. Uca ajjsarcañ jach'a jan walt'añaw jutani, ucasti jumanacarojj k'al tucjapjjätam.

Números 23:19

Janiw Diosajj jiwir jakenacjamäquiti. Janiw c'arisquiti ni yakha amuyunïquisa. Cunapachatejj jupajj cunsa arsu ucqhajj lurapuniwa. Cunapachatejj cunsa arupampejj arsu ucqhajj phokhapuniwa.

Números 30:8

Ucampisa, chachapatejj yatisinjja jan phokhañap muncani, ucapachasti janiw jupajj arunacapampi arsüwi lurcatayna ucarojj phokcaniti, ni jan suma amuyt'asisa mäqui arscatayna ucarusa. Tatitusti janiraquiw phokhañapataquejj wayt'caniti.

Juan 1:17

Moisés tokew leyejj churatäna, ucampis munasiñajj uqhamarac cheka arunacas Jesucristo tokew juti.

Hechos 7:6

Diosajj Abrahamarojj saraquïnwa: ‘Wawanacaman wawanacaparojj yakha marcanquir jakenacajj pusi patac mararaquiw t'akhesiyapjjaraquini.’

Romanos 3:25

Diosasti Jesucristoruw juchan pagopjama uchi, jupan jiwäwip laycu khespiyasiñajj utjañapataqui, iyawsäwi toke. Take acanacasti lurasiwa jupan llamp'u chuymapajj uñstañapataqui nayra juchanacas perdonatapatjja.

Romanos 3:3

Uqhamasti ¿cunaraquïni yakhepanacajj jan jupan arunacaparjam sarnakapcani ucasti? ¿Diosajj jupanacarojj armt'araquispati?

1 Corintios 1:12

Sapa mayniw jumanac taypinjja may maya parlapjje. Mayninacajj sapjjewa: “Nayajj Pablonctwa” sasa; mayninacasti sapjjaraquiwa: “Nayajj Apolosanctwa”; mayninacasti “Nayajj Pedronctwa”; mayninacasti: “Nayajj Cristonctwa” sasaraquiw sapjje.

1 Corintios 1:17

Tatitojj janiw bautisir qhitanquituti jan ucasti khespiyasiñ arunaca parlañataquiw qhitanitu. Uca parläwsti janiw jakenacan yatiñ cancañapampi khanañchañajjataquiti, uqhamat Criston crusan jiwatapajj jan ina ch'usar tucjjañapataqui.

1 Corintios 10:19

Ucampejj janiw sañ muncti uca diosajj asquïtapa, uca yakha diosar loktat aychasa yakha aychat sipansa juc'ampi asquïtapa sañsa muncaractti.

1 Corintios 7:29

Jilatanaca, may sañ munapjjaracsma: juc'a tiempoquiw utj-jjestu. Acat ucsarojja casadonacajj janis warminïpcaspa uqhamaw sarnakapjjañapa.

2 Corintios 1:20

Jupanaracwa take Diosan arsutanacapajj phokhasejja. Ucatpï cunapachatejj Diosar yupaychctan ucqhajj “Uqhamäpan” sistanjja, Cristo Jesús toke.

2 Corintios 9:6

Jumanacasti acat amtasipjjaraquim: Juc'a yapuchasirejj, juc'aquiracwa achunacjja apthapini, walja yapuchasiristi, waljaraqui apthapini.

Gálatas 3:15

Jilatanaca, jacañjjat amuyt'ayapjjäma: Cunapachatejj mä jakejj mä arust'äwi luri ucqhajja, sutipampiw kellkanti, ucsti janiw qhitis ina ch'usar tucuycaspati, janiraquiw yapjjatcaraquispasa.

Gálatas 3:21

¿Acasti Moisesan leyipajj Diosan arsutap contrawa sañti muni? Janiw cunäquipansa uqhamäquiti. Leyitejj jacañ churasapäna ucajja, cuntejj leyejj sisqui ucarjama phokhatap laycuw Diosajj catokestasapänjja.

Gálatas 5:16

Acwa sapjjsma, Ajayun munañaparjam sarnakapjjam, uqhamatjja janiw janchin munañaparjam sarnakcjjapjjätati.

Gálatas 5:4

Jumanacat maynïrinaca: “Leyiru phokhatas laycuwa Diosampi catokatätan” sirinacajja, Cristotjja jayancapjjewa, Diosan munasiñapatsa jayancapjjaraquiwa.

Efesios 2:12

Uca tiempojj jumanacajj jan Cristonïsipcäyätawa, Israel marcatsti jayanraqui, Diosan arust'äwinacap jan uñt'asina, aca orakenjja jan cuna suyt'añani, jan Diosaniraquiw jacasipcäyätajja.

Efesios 4:17

Acwa jumanacar sapjjsma uqhamarac ewjjt'apjjsma Tatitun sutiparu: Jan juc'ampejj Diosaru jan uñt'apqui uca jakenacjamajj sarnakapjjamti. Jupanacasti jan cunatac sirvir amuyt'anacaparjamaw jacapjje.

Colosenses 2:4

Acsti jumanacarojj sapjjsmawa jan qhitis jumanacar suma arunacampi sallkjascañapataqui.

Hebreos 11:13

Take uca jakenacajj cuntejj Diosajj churañatac arsuwaycäna uc jan catokasaw jiwarapjje, ucampis iyawsañanïpjjatap laycojj jayatac uñtapjjäna. Uqhamatwa yatiyapjjäna acapachana sarir jakenacäpjjatapa.

Hebreos 7:18

Uqhamasti, nayrïri camachejj phokhatäjjänwa, janiw ch'amanïcjjänti, ni cunataquis sirvcjjaraquïnti.

1 Pedro 1:20

Cristojj uqham lurañapataquejja, janïra aca orakejj lurasquisa ucqhatpacha waquichatänwa, ucampis janiw uñstcänti, jan ucasti jichhaquiw suma khana uñstjje jumanacataqui.