Mateo 23:8 - Qullan Arunaca

⁸ “Jumanacasti janiw ‘yatichiri’ sayasipjjañamäquiti, jumanacasti jilapuräpjjtawa; mayniquiraquiw Yatichirejja, ucasti Cristowa.

Aymar Bibliia 1986

⁸ Jumanacasti janiw “yatichiri” sayasipjjañamäquiti, jumanacasti jilapuräpjjtawa; mayniquiraquiw Yatichirejja, ucasti Cristowa.

Qullan Arunaka DC

⁸ “Jumanakasti janiw ‘yatichiri’ sayasipxañamäkiti, jumanakax jila puräpxtawa; maynikiw Yatichirixa, jupasti Cristowa.

Mateo 23:8 Jak'a apnaqawi uñst'ayäwi

Mateo 10:25

Mä yatekerejj chuymachasjjañapawa cunapachatejj yatichiripjamäjje ucajja, uywatasti chuymachasjjañaparaquiwa cunjamäcäntejj uywiripajj uqhamar purisajja. Utanirutejj Beelzebú sas sutichapjjchejja, juc'amp jan walinacwa familiaparojj sapjjanejja.

Mateo 17:5

Pedron parlcañapcamasti, mä lliphipquiri kenayaw jupanacarojj muyuntäna. Uca kenaya taypitsti mä aruw ist'asi: “Acaw munat Wawajjajja, juparaquiw nayarojj wal cusisiyitu. Juparu ist'apjjam” sasa.

Mateo 23:10

Janiraqui ‘jilïri’ sayasipjjamti, Cristo sapaquiwa jilïrejja.

Mateo 23:7

Callenacansti take jakenacampiraquiw aruntayasiñ munapjjaraqui ‘yatichiri’ sayasiñrac munapjje.

Mateo 26:25

Qhititejj aljantcani uca Judasajj aqham saraquïnwa: —Yatichiri, ¿nayätti ucajja? —sasa. Jesusasti juparojj sänwa: —Jïsa, jumätawa —sasa.

Mateo 26:49

Purinisinsti jupajj Jesusarojj sänwa: —¡Aruntsmaw Yatichiri! —sasa. Ucatsti jamp'att'araquiwa.

Marcos 10:51

Jesusasti juparojj jisct'änwa: —¿Cuna lurañajjsa munta? —sasa. Juyqhusti sänwa: —Yatichiri, nayrat waliptjjañ munta —sasa.

Marcos 11:21

Pedrosti amtasinjja Jesusarojj sänwa: —Yatichiri, uñtam. ¡Maldeciwayctas uca kokajj wañsutäjjaraquitaynasä! —sasa.

Marcos 14:45

Purisinsti Jesusar jac'achasisinwa Judasajj jamp'att'äna: —Yatichiri, yatichiri —sasa.

Marcos 9:5

Ucat Pedrojj Jesusar säna: —Yatichiri, wali sumaw acancatasajja. Nanacajj quimsa chhujllanac lurapjjä: mayajj jumataqui, mayajj Moisesataqui, mayïristi Eliasataquiraqui —sasa.

Lucas 22:32

Ucampis nayaw jumataquejj mayta jan iyawsañamajj pist'añapataqui. Jumasti nayaru cuttanjjät ucqhajj ch'amañcht'am jilanacamaru jan mayjt'asipjjañapataqui —sasa.

Juan 1:38

Jesusasti khepäjj uñaquipasisinsti jupar arcasquirwa uñjäna, jupanacarusti saraquïnwa: ¿Qhitsa thakasipcta? —sasa. Jupanacasti sapjjaraquïnwa: —Yatichiri, ¿cawquins jacascta? —sasa.

Juan 1:49

Natanaelajj ucjjarojj sänwa: —Yatichiri, jumajj Diosan Yokapätawa, Israel marcan Reyipa —sasa.

Juan 11:8

Discipulonacapasti sapjjaraquïnwa: —Yatichiri, mayüruquiwa judionacajj kalamp c'upjasin jiwayañ munapjjtam. ¿Wasitampit ucaru sarañ munta? —sasa.

Juan 20:16

Jesusajj ucjjarojj sänwa: —¡María! —sasa. Jupasti cutiquipstasinjja, siwa hebreo aruna: —¡Rabuni! —sasa. (Ucasti “Yatichiri” sañ muni.)

Juan 3:2

Aca Nicodemosti arumaw saräna Jesusar uñjt'aniñataqui, ucatsti saraquïnwa: —Yatichiri, yatipjjtwa Diosajj jumar qhitanitapa nanacar yatichiri; janiraquiw qhitis aca milagronac lurcaspati, janitejj Diosajj jupampïspa ucajja —sasa.

Juan 3:26

Ucatsti Bautisir Juanan ucar sarasinjja sapjjänwa: —Yatichiri, Jordán jawir qhurcatan jumampïcän ucajja, qhititaractejja jumajj khanañchapquista ucajja jichhajj bautisasquiwa, takeniraquiw jupar arcapjje —sasa.

Juan 4:31

Ucchañcamasti discipulonacapajj Jesusaruw achict'apjjäna: —Yatichiri, mankt'asimaya —sasa.

Juan 6:25

Jupanacajj kotat qhurcataru purisinjja Jesusaruw jicjjatapjjäna, ucatsti jisct'apjjänwa: —Yatichiri, ¿cunapachas acar purinta? —sasa.

Juan 9:2

Discipulonacapasti jisct'apjjänwa: —Yatichiri, ¿cunatsa aca jakejj uqham juyqhu naci? ¿Awquinacapan juchap laycuti, jan ucajj jupan juchapa laycucha aqham naciñapataquejja? —sasa.

2 Corintios 1:24

Janiw nanacajj iyawsañanacamarojj cun sañs munapcsmati, jumanacasti iyawsañanacamanjj suma thurt'atäjjapjjtawa. Uqhamïpansti, yanapt'añ munapjjsma cusisipjjañanacamataqui.

2 Corintios 4:5

Cunapachatï nanacajj parlapcta ucqhajj janiw nanacatti parlasipctjja, jan ucasti Jesucriston Tatitütapatwa parlapjjtjja. Nanacasti jumanacan sirvirimaquiw tucupjjtjja, Jesucristor munapjjatajj laycu.

Efesios 3:15

Jupataracwa take familiajj sutipjja catokapjje, alajjpachanquirinacasa aca orakenquirinacasa.

Filemón 1:16

janiw mä esclavjamati jan ucasti mä esclavot sipansa juc'amp suma, mä munat jilarjama. Nayajj wal juparojj munasta, ucampis jumajj juc'ampwa juparojj munaspachäta; janiw mä jakerjamaquiti jan ucasti Tatitunjja mä jilarjama.

Santiago 3:1

Jilatanacajja, jumanaca taypinjja janiw waljani yatichirinaca tucuñapäquiti, yatipjjtawa qhitinacatejj yatichapjjtan ucanacajj jan qhuyapt'ayasiñampi taripatäñäniwa.

1 Pedro 5:3

jan jumanacas uca ovejanacjjaru munañïpcasmasa uqhamjja, jan ucasti ovejanacarojj mä suma yatichäwi uñacht'ayasa.

Apocalipsis 1:9

Naya, Juanajj, jumanacan jilamätwa, jumanac chica t'akhisiriraquïtwa, Diosan ajllit marcapana, uqhamarac paciencia chuymtï Tatitojj churquistu ucana. Diosan arunacap parlatajj laycu, Jesucristot yatiyatajj laycuraquiw nayajj Patmos sat islan preso catutäscäyäta.

Apocalipsis 19:10

Nayasti angelan cayunacaparuw quillt'asta yupaychañataqui, ucampis jupajj saraquituwa: “Jan ucjj luramti. Nayajj jumjama, uqhamarac qhitinacatejj Jesucriston khanañchataparu take chuymampi arcapqui, ucanacjam sirviriquiraquïtwa. Ucampis Diosar yupaycham” sasa. Uca Jesucriston khanañchatapasti Diosat parlirinacaruw amuyt'ayi.

Apocalipsis 22:9

Ucampis jupajj situwa: “Jan ucjj luramti. Nayajj jumjam Diosar sirviriquiraquïtwa, cunjämatï jumas mayni jilatanacamas, Diosan arunacap parlirinacas, uqhamarac aca libron kellkatäquis uc phokherinacjam sirviriquiraquïtwa. Ucampis Diosar yupaycham” sasa.