Gálatas 2:9 - Qullan Arunaca

⁹ Ucatwa Santiagompi, Pedrompi, Juanampejj jilïrinacäsinjja uñjapjje Diosajj nayaru aca luräwi churquitu ucjja. Ucatsti ampara churapjjetu nayaru uqhamaraqui Bernabearu cuna. Acjja lurapjjänwa mayaquïctansa uca amtäwimpi, jan judiöpquis uca taypin nanacan irnakañajj-jja: “Waliquiw” sapjjaraquiwa, jupanacasti judionac taypin irnakapjjañaparaquïnwa.

Aymar Bibliia 1986

⁹ Ucatwa Santiagompi, Pedrompi, Juanampejj jilïrinacäsinjja uñjapjje Diosajj nayaru aca luräwi churquitu ucjja. Ucatsti ampara churapjjetu nayaru uqhamaraqui Bernabearu cuna. Acjja lurapjjänwa mayaquïctansa uca amtäwimpi, jan judiöpquis uca taypin nanacan irnakañajj-jja: “Waliquiw” sapjjaraquiwa, jupanacasti judionac taypin irnakapjjañaparaquïnwa.

Qullan Arunaka DC

⁹ Santiagompi, Pedrompi, Juanampix iglesian aytat jilïrinakat uñt'atanakasti, Diosan nayar uka luräwi churatap uñt'apxi. Ukatsti mayachasiñ amtäwimpiw nayampiru, Bernabeampirux amparanakax q'aphirapxitu, jupanakasti jan judiöpkis uka taypir nanakan irnaqir sarapxañaxatakix “walikiw” sapxänwa, ukchañkamasti jupanakax judionak taypin irnaqapxañaparakïnwa.

Gálatas 2:9 Jak'a apnaqawi uñst'ayäwi

2 Reyes 10:15

Jehú reyejj ucqhat sarjjasinsti, jiquisiraquïnwa Recab chachan Jonadab yokapampi, jupasti aruntiriw mistunïna. Jehú reyisti jupar aruntasinjja sänwa: —¿Juman amtäwimajja nayataquejj asquiti, cunjämatï nayan amtäwejjajj jumataqui asquïqui uqhama? —sasa. Ucjjarusti Jonadab chachajj sänwa: —Jïsa, uqhamawa —sasa. Ucjjarusti Jehú reyejj sänwa: —Uqhamächi ucajja, amparam ayanim —sasa. Jonadab chachasti amparapjja lokcatänwa, ucatsti Jehú reyejj carroparuwa irpcatäna,

Mateo 16:18

Nayasti saracsmawa, jumajj Pedrötawa, nayasti aca kaljjaruw iglesiajj sayt'ayasï, ucarusti janiraquiw jiwañan munañapas atipcaniti.

Lucas 22:8

Jesusasti Pedrompir Juanampiruw qhiti: —Sarapjjam Pascuan mank'añäquis uca waquichanipjjam —sasa.

Juan 1:42

Ucatsti Andresajj Simón jilaparojj Jesusan ucaruw irpäna. Jesusasti uñjasinjja sänwa: —Jumajj Simón sutinïtawa, Jonasan yokapa, ucampis jichhajj Cefas sutinïyätawa. (Ucasti Pedro sañwa muni.)

Hechos 12:17

Ucampis jupajj amparap aytasaw amuct'ayäna. Ucatsti jupanacarojj yatiyänwa cunjämtejj Tatitojj jupar carcelat irpsuncatayna uca. Saraquïnwa: —Acanacjja Jacobor yatiyanipjjam maynïr jilatanacampiru —sasa. Uc sawayasinjja jupajj mistuwayjjänwa, yakha tokeruw sarawayjjaraquïna.

Hechos 15:13

Parlañ tucuyjjepansti, Jacobojj sänwa: —Jilatanaca, ist'apjjeta.

Hechos 15:7

Ucjjat wal parlaquipasinsti, Pedrojj sayt'asisinwa jupanacarojj säna: —Jilatanaca, jumanacajj yatipjjtawa cunapachatï Diosajj jumanac taypit nayar ajllquitu ucat acarojj jayäjjewa. Jupasti ajllisituw jan judiöpquis ucanacar nayan parlañajjataqui Tatit toke khespiyäwejj utjatapata, uqhamata jupanacan iyawsapjjañapataqui.

Hechos 4:36

Jupanac taypinsti Chiprenquir mä levita jakew utjäna, José sata. Juparusti apostolonacajj Bernabé sasaw sutichapjjaraquïna. (Uca sutisti “chuymachiri” sañ muni.)

Romanos 1:5

Uca quipca Jesucristo tokeraquiw Diosajj jiwasanacar suma luraña churistu, sutipan jiwasanacajj arunacap yatiyir sarañasataqui take acapachanquirinacar jupar arquiri tucuyañataqui.

Romanos 12:3

Diosajj munasiñapampi mä suma ewjja nayar churatap laycuw takeniru sapjjsma: jan maynis jupa quipcatjja lup'pati cuntejj lup'iñäqui ucat juc'ampjja. Ucampis sapa mayniw chekaparu lup'iñapa jupan Diosar iyawsañapa utjatapatjama.

Romanos 15:15

Ucampis aca cartjja kellkanipjjsmawa khanaqui jan jumanacan armapjjañamataqui. Ucsti luraractwa cunjämtejj Diosajj munasiñapanjja sisquitu,

1 Corintios 15:10

Ucampis Diosan munasiñap laycuquiw cunäctejj ucätjja, munasiñapasti nayataquejj janipuniw inamayäquiti. Take apostolonacat sipan jilaracwa irnakawaytjja; ucsti janiw nayat irnakctjja jan ucasti Diosaw qhuyapayasiñapanjja nayamp chicäscaraquïna.

2 Corintios 11:5

Nayan amuyatajjatjja janiw uca jach'a apostolonacatjja jisc'äcti, cawquïrirutejj jumanacajj arcapcta ucanacatjja.

2 Corintios 12:11

Mä lokher uñtatjamaw parltjja nayapachat jach'achasisajja, ucampis jumanacaw uqham parlayapjjestajja. Jumanacaw nayarojj jach'acht'apjjañamänjja. Nayasti janiw uca jach'a apostolonacatjj menosäcti, janis cuna jan yäkatjamäctsa ucasa.

2 Corintios 8:4

Nanacarusti churapjjam sapjjaquitay, Tatitun marcapar yanapt'apjjañajjataqui sasaw walpun achict'asipjjetu.

Gálatas 1:16

Yokaparu uñt'ayitu, nayan khespiyasiñ arunacap jan judiöpquis ucanacar khanañchañajjataqui. Cunapachatejj acajj pascäna ucqhajj janiw qhitirus jisct'asir sarcti.

Gálatas 1:18

Ucat quimsa mara pasatatwa Jerusalenaru sarasctjja, ucqhawa Pedrorojj uñt'asctjja, ucatsti pä semanaw jupampi kamararactjja.

Gálatas 2:1

Tunca pusini mara pasatatsti, wasitampiw Jerusalén marcaru Bernabeampi sarapjjta, Titorus nayamp chicaw irparacta.

Gálatas 2:2

Diosaw sarañajj munäna ucatwa sarta. Jerusalén marcanjja wali uñt'at jilïrinacampiw tantachasipjjta, ucansti jupanacarojj cuna khespiyasiñ arunactejj jan judiöpquis ucanacaru yatichcäyätjja ucwa yatiytjja. Acjja jupanacarojj yatiytwa cuntejj lurcäyäta ucajj jan inamayataquïñapataqui.

Gálatas 6:3

Maynitejj jach'ar tucuñ munchejja, ucat janirac cunäcchisa ucajja, jupa pachpawa sallkjasi.

Efesios 2:20

Jumanacajj mä jach'a utjamäpjjtawa, apostolonacjjaru uqhamarac profetanacjjaru perkjjatatäpjjtawa. Pachpa Jesucristoraquiw kallta esquin kalajja.

Efesios 3:8

Diosancapqui uca jisc'anacat sipansa nayajj pisïtwa. Ucampis jupaw acqha suma yatiyañ churitu, jan judiöpquis ucanacaru Criston jan jact'cañ kamir cancañapat suma yatiyäwinac yatiyañajjataqui.

Colosenses 1:29

Ucataquiraquiw nayajj irnakta ch'am tucusa, cuntï Tatitojj churquitu uca ch'amampi.

1 Timoteo 3:15

inampis jan janc'a jutquirista, jumajj yatiñamawa Diosan familiapjama cunjäma sarnakañamasa Diosan cheka arunacap catjjäsqui arjjatcaraqui uca iglesiana.

1 Juan 1:3

Khanañchapjjsmaw jumanacaru cuntejj uñjapjjtjja, ist'apjjaractjja ucjjata, jumanacajj nanacampi mayachasipjjañamataqui cunjämatejj nanacajj chekpachansa mayaquïpjjtjja Dios Awquimpi, uqhamarac Jesucristo Yokapampisa.

Apocalipsis 3:12

Qhitinacatejj atipjapcani ucanacarojj nayajj Dios Awquejjan templopan catjjäsir perkanacapäcaspas uqhamwa tucuyä. Ucatsti janiraquiw mayampsa ucatjja mistcjjapjjaniti. Ucanacaruraquiw Diosajjan sutipsa kellkäjja, uqhamarac Diosajjan marcapan sutipsa, ucasti alajjpachat sarakaniri machak Jerusalenawa. Ucanacarusti machak sutejjsa kellkaraquïwa.