Gálatas 2:8 - Qullan Arunaca

⁸ Pachpa Diosaw Pedrorojj mä apostoljama judionac taypiru qhiti, uca pachparaquiw nayarojj mä apostoljama jan judiöpquis ucanac taypiru qhitaraquitu.

Aymar Bibliia 1986

⁸ Pachpa Diosaw Pedrorojj mä apostoljama judionac taypiru qhiti, uca pachparaquiw nayarojj mä apostoljama jan judiöpquis ucanac taypiru qhitaraquitu.

Qullan Arunaka DC

⁸ Pachpa Diosaw Pedrorux khithäna judionak taypin apostolüñapataki, nayarusti jan judiöpkis ukanak taypiruw apostolüñatak khitharakitu.

Gálatas 2:8 Jak'a apnaqawi uñst'ayäwi

Hechos 1:25

jupajj Judasan lurañanacap catuñapataqui. Judasasti jucha luratap laycuw jiwañar puri, ucatsti cawqharutï sarañapäqui ucqharuraquiw sarjje.”

Hechos 1:8

Ucampis Kollan Ajayuw jumanacjjar jutani, ucatjja ch'am catokapjjäta. Jumanacasti nayat khanañchapjjetäta Jerusalén marcana, Judeana, Samariana, take aca orakpachana.

Hechos 15:12

Jupanacasti takeniw amuct'apjjäna. Ucata ist'apjjaraquïna Bernabeampin Pablompin parlataparu, cunjämtï Diosajj uñacht'äwinacsa milagronacsa jupanac toke lurcatayna jan judiöpquis ucanac taypina.

Hechos 19:26

Jichhasti jumanacajj uñjapjjtawa, ist'apjjaractawa cunjämtï aca Pablo jakejj sarnakasqui: ‘Jaken lurat diosanacajj janiw cheka Diosäquiti’ sasa ucjja. Uqham sasaw jupajj walja jakenacarojj mayjt'ayäna, uca pachpa Éfeso marcansa, uqhamarac niya takpach Asia tokenquirinacarusa.

Hechos 21:19

Purisinsti Pablojj jupanacaruw arunti. Ucatsti take cuntejj Diosajj jupa toke lurcatayna jan judío jakenacampejja, ucanaca mayat mayat yatiyi.

Hechos 22:21

Ucampis Tatitojj situwa: ‘Saram, nayajj jumarojj wali jayaruw qhitäma, jan judiöpquis ucanacaru’ ” sasa.

Hechos 4:4

Ucampis waljaniw Diosan arunacap ist'irinacatjja iyawsapjjäna. Takpach iyawsirinacasti chachanaccamaquiw mä pheska warankjamäna.

Hechos 8:17

Pedrompi Juanampisti amparanacapwa jupanacjjar uchapjjäna. Ucatwa jupanacajj Kollan Ajayu catokapjjäna.

Hechos 9:15

Ucampis Tatitojj Ananiasarojj sänwa: —Sarascaquim, nayaw juparojj ajllista nayjjat parlañapataqui yakha marcanquirinacaru, reyinacaru, israelit jakenacampiru.

1 Corintios 15:10

Ucampis Diosan munasiñap laycuquiw cunäctejj ucätjja, munasiñapasti nayataquejj janipuniw inamayäquiti. Take apostolonacat sipan jilaracwa irnakawaytjja; ucsti janiw nayat irnakctjja jan ucasti Diosaw qhuyapayasiñapanjja nayamp chicäscaraquïna.

1 Corintios 9:2

Mayninacajj: “Janiw jupajj apostolöquiti” sapjjaquitaspawa, ucampis jumanacataquejj mä apostolötwa. Nayasti jumanacarojj Tatituruw uñt'ayapjjsma, ucawa nayataquejj apóstol satäñajjataqui uñacht'äwejja.

Gálatas 3:5

Cunapachatejj Diosajj Ajayup churapjjtam, ucatsti jumanac taypin milagronacraqui luri ucjja, ¿cunats uqham luri? Janiw ucjja lurquiti leyirjama phokhatanacam laycu, jan ucasti ist'apcta uca arunaca iyawsatanacam laycuwa ucjja luri.

Colosenses 1:29

Ucataquiraquiw nayajj irnakta ch'am tucusa, cuntï Tatitojj churquitu uca ch'amampi.

1 Tesalonicenses 2:13

Acanacatjja Diosarojj yuspagarapjjapuntwa, cunapachatejj jumanacajj Diosan arunacap ist'apjjta nanacajj khanañchapcäyäsma ucqhajja, jumanacajj janiw jakenacan arunacapjamti catokapcäyätajja, jan ucasti Diosan arunacapjamwa catokapjjta. Chekpachansa Diosan arunacapawa, jach'a luräwinacaracwa luri jumanac iyawsirinacampejja.