Gálatas 2:7 - Qullan Arunaca

⁷ Machak yatichäwinac churcpachajja, antisaw uñt'ayapjje Diosajj nayaru jan judiöpquis ucanacar khespiyasiñ arunac parlañajjataqui churatapa, cunjämatejj Pedrorojj churcatayna judionacar pachpa khespiyasiñ arunac parlañapataqui uqhama.

Aymar Bibliia 1986

⁷ Machak yatichäwinac churcpachajja, antisaw uñt'ayapjje Diosajj nayaru jan judiöpquis ucanacar khespiyasiñ arunac parlañajjataqui churatapa, cunjämatejj Pedrorojj churcatayna judionacar pachpa khespiyasiñ arunac parlañapataqui uqhama.

Qullan Arunaka DC

⁷ Ukatsipana, jupanakax Diosan nayar jan judío jaqinakar qhispiyasiñ arunak parlañaxatak jawsatap uñjapxi, kunjämatix Pedror jawskatayna, judionakar pachpa qhispiyasiñ arunak parlañapataki ukhama.

Gálatas 2:7 Jak'a apnaqawi uñst'ayäwi

Hechos 15:12

Jupanacasti takeniw amuct'apjjäna. Ucata ist'apjjaraquïna Bernabeampin Pablompin parlataparu, cunjämtï Diosajj uñacht'äwinacsa milagronacsa jupanac toke lurcatayna jan judiöpquis ucanac taypina.

Hechos 18:6

Ucampis judionacan jan arupar jaysapjjatapata, uqhamarac cunayman arusipjjatap laycojja, Pablojj isinacap thalarasisaw jupanacarojj säna: —Jumanacaw juchanïsipcäta, wiñay jiwañar mantascañataquejja. Nayajj jichhat ucsarojj jan judiöpquis uca jakenacan ucaruw sarjjäjja —sasa.

Hechos 28:28

Jichhasti jumanacajj yatipjjam, jichhat ucsarojj Diosan khespiyasiñapajj jan judiöpquis ucanacaru yatiyatäniwa. Jupanacaraquiw ist'apjjani —sasa.

Hechos 9:15

Ucampis Tatitojj Ananiasarojj sänwa: —Sarascaquim, nayaw juparojj ajllista nayjjat parlañapataqui yakha marcanquirinacaru, reyinacaru, israelit jakenacampiru.

Romanos 1:5

Uca quipca Jesucristo tokeraquiw Diosajj jiwasanacar suma luraña churistu, sutipan jiwasanacajj arunacap yatiyir sarañasataqui take acapachanquirinacar jupar arquiri tucuyañataqui.

Romanos 11:13

Jan judiöpctas ucanacaruw parlapjjsma. Diosatejj jan judiöpquis ucanacar qhitanchitojja, wali munasiñampiw irnakta.

1 Corintios 9:17

Ucatpï take chuymampi luratajj laycojja, Tatitojj nayarojj wajjt'asiñapa churitani. Jariyatjamaqui lurirista ucasa, ucampis Diosan ewjjapa catokcta ucwa phokhascta.

Gálatas 1:16

Yokaparu uñt'ayitu, nayan khespiyasiñ arunacap jan judiöpquis ucanacar khanañchañajjataqui. Cunapachatejj acajj pascäna ucqhajj janiw qhitirus jisct'asir sarcti.

Gálatas 1:18

Ucat quimsa mara pasatatwa Jerusalenaru sarasctjja, ucqhawa Pedrorojj uñt'asctjja, ucatsti pä semanaw jupampi kamararactjja.

Gálatas 1:6

Wal muspharta, jumanacajj mäquiw Diosaru jaytanucupjjtajja, jupasti Jesucriston munasiñap tokew jawsapjjtam, jumanacasti yakha casta khespiyasiña arunacaruw arcapjjaractajja.

Gálatas 2:11

Ucampis cunapachatejj Pedrojj Antioquía marcaru jutcän ucqhajja, ajanuparuw ircatta jan wali luratanacapjja.

Gálatas 2:14

Ucampis nayaw uñjtjja jan Tatitun arunacaparjama sarnakatanacapa, ucatwa Pedrorojj ajanuparu sista take jilatanacan nayrakatapan, aqham sasa: “Jumajj judiöcasin jan judiöpquis ucanacjamaquiw sarnaktajja, ucampis ¿cunjämsa jan judiöpqui ucanacarojj judiöpcaspas uqham sarnakayañ muntajja?” sasa

Gálatas 2:9

Ucatwa Santiagompi, Pedrompi, Juanampejj jilïrinacäsinjja uñjapjje Diosajj nayaru aca luräwi churquitu ucjja. Ucatsti ampara churapjjetu nayaru uqhamaraqui Bernabearu cuna. Acjja lurapjjänwa mayaquïctansa uca amtäwimpi, jan judiöpquis uca taypin nanacan irnakañajj-jja: “Waliquiw” sapjjaraquiwa, jupanacasti judionac taypin irnakapjjañaparaquïnwa.

1 Tesalonicenses 2:4

Jan ucasti, Diosajj asquit uñt'apjjetu, pachpa khespiyasiñ arunac parliriw qhitapjjetu, uqhamarjamaw parlasipcaractjja. Janiw jaker cusisiyañ munapcti, jan ucasti chuymanacas uñt'ir Diosaruw cusisiyañ munapjjta.

1 Timoteo 1:11

Aca yatichäwejja Diosan jach'a muspharcañ khespiyasiñ arunacapampejj mayar tucutaquiwa, uca arunacsti Diosaw parlañajjatac ewjjaraquitu.

1 Timoteo 2:7

Acataquiw nayajj chhijllatäta Tatitun arunacap parlañajjataqui, apostolöñajjataqui, iyawsañjjata uqhamarac cheka arunacjjata jan judiöpqui ucanacar yatichañajjataqui. Cunatejj chekäqui ucwa sista; janiw c'ariscti.

2 Timoteo 1:11

Diosajj nayarojj qhitituwa Tatitun arunacap khanañchañajjataqui, apostoljama qhitaraquitu jan judiöpquis ucanacar yatichañajjataqui.

2 Pedro 3:15

Amuyasipjjaraquim, Jesucristo Tatitusti suma chuymapampi suyt'asqui ucajj jiwasan khespiyasiñasataquïtapa. Uqhamaracwa Pablo jilatasas jumanacarojj kellkt'anipjjtamjja Diosan amuyt'ayataparjama.