Gálatas 2:7 - Qullan Arunaka DC

⁷ Ukatsipana, jupanakax Diosan nayar jan judío jaqinakar qhispiyasiñ arunak parlañaxatak jawsatap uñjapxi, kunjämatix Pedror jawskatayna, judionakar pachpa qhispiyasiñ arunak parlañapataki ukhama.

Aymar Bibliia 1986

⁷ Machak yatichäwinac churcpachajja, antisaw uñt'ayapjje Diosajj nayaru jan judiöpquis ucanacar khespiyasiñ arunac parlañajjataqui churatapa, cunjämatejj Pedrorojj churcatayna judionacar pachpa khespiyasiñ arunac parlañapataqui uqhama.

Qullan Arunaca

⁷ Machak yatichäwinac churcpachajja, antisaw uñt'ayapjje Diosajj nayaru jan judiöpquis ucanacar khespiyasiñ arunac parlañajjataqui churatapa, cunjämatejj Pedrorojj churcatayna judionacar pachpa khespiyasiñ arunac parlañapataqui uqhama.

Gálatas 2:7 Jak'a apnaqawi uñst'ayäwi

Hechos 15:12

Jupanakasti taqiniw amukt'apxäna. Ukatsti Bernabeampiru, Pablompiruw ist'apxarakïna, jupanakasti kunjämtix Diosax jupanak tuqi uñacht'äwinaksa muspharkay luräwinaksa jan judiöpkis uka jaqinak taypin lurkatayna ukanak yatiyapxäna.

Hechos 18:6

Ukampis judionakax Pablotakiw sayt'asipxäna, kunayman arunakampiw tuqipxarakïna. Ukat Pablox isinakap thalarasis jupanakar säna: —Jumanakaw juchanïsipkäta, wiñay jiwañar mantaskañataki; janiw nayax juchanïkti. Jichhürut uksarux jan judiöpkis uka jaqinakar yatiyiriw sarxä —sasa.

Hechos 28:28

Yatipxam, jichhürut uksarux Diosan qhispiyasiñapax, jan judío jaqinakaruw yatiyasiski, jupanakasti ist'apxaniwa —sasa.

Hechos 9:15

Tatitusti Ananiasarux sänwa: “Saraskakim, nayaw uka jaqirux ajllista yaqha markankir jaqinakaru, reyinakaru, israelit jaqinakampir nayat arsuñapataki.

Romanos 1:5

Jesucristo tuqiw apostolüñatak katuqta, lurañanakap phuqhañataki, ukhamat sapa mayni markanakan jupar iyawsas jaysapxañapataki.

Romanos 11:13

Ukampis jumanaka, jan judío jaqïpktas ukanakaruw sapxsma: Chiqpachansa Diosax jan judiöpkis ukanakatakiw khithanitu, nayasti uka lurañar wal munasta.

1 Corintios 9:17

Nayatix amtañaxampik lurirista ukaxa, luräwixat katuqañax wakisispawa; ukampis nayatix jariyatat lurirista ukasti, kuntix Diosax siskitu uk phuqhañ laykuw lurirista.

Gálatas 1:18

Ukat kimsa mararuw Jerusalenar saraskta, Pedror uñt'añataki, jupampisti tunka phisqan urukiw qamaranta.

Gálatas 1:6

Jumanakan Diosar mäki jaytanukupxatamat walpun muspharta, yaqha qhispiyasiñ arunakar jank'aki arkapxatamata, Jesucristo tuqiw jupax munasiñap uñacht'ayapxtam.

Gálatas 2:11

Ukampis kunapachatix Pedrox Antioquía markar jutkän ukkhaxa, jan wali luratanakap ajanuparuw nayax irkatta.

Gálatas 2:14

Nayasti suma yatiyäwi arunakarjam jan sarnaqatanakap uñjasin, Pedrorux taqpach jilatanak nayraqatan, ajanupar sista: “Jumax judiökasin, jan judiökasmas ukham jakasksta ukasti, ¿kunatarak jan judiöpki ukanakar judiöpkaspas ukham sarnaqayañ muntasti?” sasa.

Gálatas 2:9

Santiagompi, Pedrompi, Juanampix iglesian aytat jilïrinakat uñt'atanakasti, Diosan nayar uka luräwi churatap uñt'apxi. Ukatsti mayachasiñ amtäwimpiw nayampiru, Bernabeampirux amparanakax q'aphirapxitu, jupanakasti jan judiöpkis uka taypir nanakan irnaqir sarapxañaxatakix “walikiw” sapxänwa, ukchañkamasti jupanakax judionak taypin irnaqapxañaparakïnwa.

1 Tesalonicenses 2:4

Jan ukasti, Diosax askit katuqapxitu, Diosan suma yatiyäwip parliriw khithapxitu, ukhamarjamaw parlasipkta. Janiw jaqir kusisiyañatakïkiti, jan ukasti chuymanakas uñakipir Diosar kusisiyañatakiwa.

1 Timoteo 1:11

Ukpï Diosan muspharkañ qhispiyasiñ arunakapax yatichixa, ukarak kusisir Diosax nayan yatichañaxatak katuyitu.

1 Timoteo 2:7

Uk yatiyañatakiw Diosax nayar ajllisitu, apostolut ucharakitu, iyawsañampita, chiqa kankañampit jan judiöpki ukanakar yatichañaxataki. Kuntix nayax arskta ukax chiqäskapuniwa; janiw k'ariskti.

2 Timoteo 1:11

Diosaw nayarux apostoluta, yatichirita, uka suma yatiyäwinak qhanañchir khithitu.

2 Pedro 3:15

Amuyasipxam, Jesucristo Tatitusax suma chuymapampiw uñjaskistu, ukax jiwasan qhispiyasiñasatakiwa. Ukhamarak Pablo jilatasas Tatitun amuyt'ayataparjamaw jumanakar ukxat qillqt'anipxtam.