Gálatas 2:9 - Qullan Arunaka DC

⁹ Santiagompi, Pedrompi, Juanampix iglesian aytat jilïrinakat uñt'atanakasti, Diosan nayar uka luräwi churatap uñt'apxi. Ukatsti mayachasiñ amtäwimpiw nayampiru, Bernabeampirux amparanakax q'aphirapxitu, jupanakasti jan judiöpkis uka taypir nanakan irnaqir sarapxañaxatakix “walikiw” sapxänwa, ukchañkamasti jupanakax judionak taypin irnaqapxañaparakïnwa.

Aymar Bibliia 1986

⁹ Ucatwa Santiagompi, Pedrompi, Juanampejj jilïrinacäsinjja uñjapjje Diosajj nayaru aca luräwi churquitu ucjja. Ucatsti ampara churapjjetu nayaru uqhamaraqui Bernabearu cuna. Acjja lurapjjänwa mayaquïctansa uca amtäwimpi, jan judiöpquis uca taypin nanacan irnakañajj-jja: “Waliquiw” sapjjaraquiwa, jupanacasti judionac taypin irnakapjjañaparaquïnwa.

Qullan Arunaca

⁹ Ucatwa Santiagompi, Pedrompi, Juanampejj jilïrinacäsinjja uñjapjje Diosajj nayaru aca luräwi churquitu ucjja. Ucatsti ampara churapjjetu nayaru uqhamaraqui Bernabearu cuna. Acjja lurapjjänwa mayaquïctansa uca amtäwimpi, jan judiöpquis uca taypin nanacan irnakañajj-jja: “Waliquiw” sapjjaraquiwa, jupanacasti judionac taypin irnakapjjañaparaquïnwa.

Gálatas 2:9 Jak'a apnaqawi uñst'ayäwi

2 Reyes 10:15

Ukawjat sarxasinsti, Jehú reyix Recab chachan Jonadab yuqapampiw jikisïna, Jonadabax jupamp jikisiriw jutaskatayna. Jehú reyisti jupar aruntasin säna: —¿Jumax chiqpach chuymampit nayar uñjista, kamisatix nayax chiqpach chuymampi jumar uñjksma ukhama? —sasa. Jonadab chachasti sänwa: —Jïsa, chiqawa —sasa. Ukxaruw Jehú reyix säna: —Ukhamächi ukax, amparam luqtanim —sasa. Jonadab chachasti amparap luqtäna, ukatsti Jehú reyix carroparuw makhatayäna,

Mateo 16:18

Nayasti saraksmawa, jumax Pedro satätawa, nayasti aka qalxaruw iglesiax sayt'ayasï, ukarusti janirakiw jiwañan munañapas atipkaniti.

Lucas 22:8

Jesusasti Pedrompiru Juanampiruw khithäna akham sasa: —Pascuan manq'añäkis uk wakichir sarapxam —sasa.

Juan 1:42

Ukatsti Andresax Simón jilaparuw Jesusan ukar irpäna. Jesusasti jupar uñjasin sänwa: —Jumax Juanan yuqapa, Simón sutinïtawa, ukampis jichhax Cefas sutinïyätawa, ukasti Pedro sañ muni —sasa.

Hechos 12:17

Ukampis jupax amparap aytasaw amukt'ayäna. Ukatsti kunjämtix Tatitux jupar carcelat irpsunkatayna ukanak jupanakar yatiyäna. Sarakïnwa: —Akanak Santiagompir maynïr jilatanakampir yatiyanipxam —sasa. Uk sasin jupax mistuwayxäna, yaqha tuqiruw sarawayxarakïna.

Hechos 15:13

Arsuñ tukuyxasinsti, Jesusan jilapa Santiagow taqpachanir säna: —Jilatanaka, ist'apxita.

Hechos 15:7

Wali jaya ukxat aruskipasinsti, Pedrox sayt'asisin jupanakar säna: —Jilatanaka, jumanakax yatipxtawa, nayratpach Diosax jumanak taypit nayar ajllisitu jan judiöpkis uka jaqinakar nayan yatiyañaxataki Tatit tuqi qhispiyasiñan utjatapata, ukhamat jupanakan iyawsapxañapataki.

Hechos 4:36

Jupanak taypin Chipre wat'ankir levita jaqiw utjäna, José sata, juparusti apostolunakax Bernabé sasaw sutichapxäna (uka sutisti “chuymachiri” sañ muni).

Romanos 1:5

Jesucristo tuqiw apostolüñatak katuqta, lurañanakap phuqhañataki, ukhamat sapa mayni markanakan jupar iyawsas jaysapxañapataki.

Romanos 12:3

Diosax munasiñapan iwxa arunak nayar churatap laykuw taqi jumanakar sapxsma, jan maynis jumanak pachpax jilankatam amuyasipxamti, jan ukasti, kunatix wakiski ukhamak amuyasipxam, kuntix Diosax waxt'äwinak iyawsañamp chika churki ukarjama.

Romanos 15:15

ukampis aka qillqat tuqix qhanak qillqanipxsma, jumanakan ukanak jan armasipxañamataki. Uksti kamisatix Diosax munasiñapan churkitu ukarjamaw lurta,

1 Corintios 15:10

Ukampis Diosan khuyapayasiñap laykukiw kunäktix ukätxa; munasiñapasti nayatakix janiw inamayäkiti. Jan ukasti, nayax taqi apostolunakat sipan juk'amp irnaqawayta; janiw nayat irnaqktxa, jan ukasti, Diosawa, jupasti munasiñapan nayarux yanapitu.

2 Corintios 11:5

Ukhamasti janiw nayax qhipat jutapki uka jach'achasir apostolunakat sipan jan yäqañäkti.

2 Corintios 12:11

Nayax mä luqhir uñtataw tukta, ukampis jumanakaw ukham tukuyapxista. Jumanakaw nayat sum parlapxañamäna, janiw nayax uka jach'achasir apostolunakat sipan aynacht'at uñjaskti, janis kuna jan yäqatjamäktsa ukasa.

2 Corintios 8:4

nanakarux achikt'apxitäna, Diosan markapatak yanapt'a apthapipkta ukan yanapasiñataki.

Gálatas 1:18

Ukat kimsa mararuw Jerusalenar saraskta, Pedror uñt'añataki, jupampisti tunka phisqan urukiw qamaranta.

Gálatas 2:1

Tunka pusin mara qhipatsti, wasitampiw Jerusalén markar sarta, Bernabé irpt'ata, Titorux nayamp chikaw irparakta.

Gálatas 2:2

Diosaw sarañax munäna ukat sarta. Ukansti iglesia irpir wali uñt'at jilïrinakampikiw nayax tantachasta, jupanakarusti kuna qhispiyasiñ arunaktix jan judiöpkis ukanakar nayax yatichkta uk qhanañchta, nayan ch'amachasitaxan jan inamayatakïñapataki.

Gálatas 6:3

Maynitix jan kunäkasin jach'achaschixa, jupa pachpaw sallqjasi.

Efesios 2:20

Jumanakax mä jach'a utar uñtatäpxtawa, uka utasti apostolunakana, profetanakan yatichäwipxar utachatawa, pachpa Jesucristorakiw utar thurxäsir jach'a qalaxa.

Efesios 3:8

Nayasti qullan markapankirinakat wali sullkakïtwa; ukampis jupaw aka suma irnaqäwi churitu, jan judiöpkis ukanakar Criston jan jakt'kay qamir kankañapat suma yatiyäwi yatiyañaxataki.

Colosenses 1:29

Ukatakiw nayax ch'am tukus irnaqta, kuna ch'amtix Tatitux churkitu uka ch'amampi.

1 Timoteo 3:15

ukat aka arunak qillqansma, kunjämsa maynix jakkir Diosan iglesiap taypin sarnaqañapa uka tuqita, uka iglesiaw chiqa kankañar thurxäsi, katxäsiraki.

1 Juan 1:3

Nanakax kuntix uñjapkta, ist'apkarakta uk jumanakarux yatiyapxsma, ukhamat jumanakan nanakampi mayakïpxañamataki, kunjämatix nanakax Dios Awkimpi, Jesucristo Yuqapampis mayakïpkta ukhama.

Apocalipsis 3:12

Jan walt'äwinakar atipjirinakaru, nayar iyawsañ chuyma katxäsirinakarux, Diosaxan utapan katxäsir pirqanakapäkaspas ukham tukuyä, janipuniw mayampsa ukat mistkxapxaniti; ukanakaruw Diosaxan sutipsa qillqä, Diosaxan markapan sutipsa qillqarakï, ukasti alaxpachat saraqanir machaq Jerusalenawa; ukanakarusti machaq sutixsa qillqarakïwa.