TAKSU LAK 22:7 - ASII LAKDAP Bible (BSI) Miitsan maiqse kaq chiithewe dikong; kampho namkaitiwe ka, kampho tiinamketiwe di ma jakitlo. Hawa Naga Bible 2001 Htemc saz jix kuex luiz waungx jix dax muex yaungx yaq, kuimphox nvmc jix waz kuex tvnvmc kuy jix waz dax muex yaungx yaq. |
Shammibi phong wa weshi tsaikito. Tsangnyung manti-nyung ka Elisha phana wato. Raüta akha nguto, “Shiilangwe lei, ijamtiwe ka tsaikito! Ümniiriimin asaphaü apaiq ka Shiikeawe ma haisong tsantsii thütiwe. Shatmaq ümchaü ka maiq weshi ijamtiwe raq apaiq ma thiitham kechang kampho anam asi kriiwe ka ngi phana wato. Raüta apaiq raq isenai maiqwese nai ka ijamtiwe thiitham kha na di ma tiija ma sheawa wato.”
Miitsan maiqse haihiiti ka, tsangshiq Phansangtiwe shummiitlo. Shatmaq miitsan maiqse, khrumti ka tsangshiq, Shiikeawe shomnoqtlo.
Miitsan maiqse raq, chiithe maiqse rai riibom ka, tiipaiq tiinea bomtlo. Shatmaq chiithe maiqse raq, bomtre ka seakaqkaq sontlo.
Jurwa miitsan maiqse ka, nanshanshan raüta, maiqmii ka chiithe ma jatlaq, kiimaq chiithe maiqse ma, kongphiq kuqtlaq, kriiti ka miitsan ma mijaki.
Rung na chaptlaü akhing na, ümtang haü ngo maq, miitsan maiqse ka nanshanshan naq riikiq. Tsangshiq ka ümkoq ümphaq, kra chhilaüta naqnan shankiq.
Maiqse angu kunli raq kra kharii mirhum. Ramwebi, kiimaq mungmaiqse, disetiim kiimaq atijongwetiim, hupsam ritibi kiimaq hupsam shatibi, atiinamketibi kiimaq anamtibi, chiitheti kiimaq miitsanbi.
Tatiwe raq akha ngutlo, “Israil mungti raq atang wan ngarai, hiq ma ra ma. Arningkhan Isengi Israilnok lei, ngi raq namshiq tiijoq mang. Tsangshiq raq thiitham kuqlot makti tingting maiqse, kiimaq hokkop pashi thiitham kuqlot makti, miitsan maiqsetiim di ma shaphaqto.
Amos raq jechakre ma ngutlo, Bashan tan wa minsaükaütiim kumchipo ikha jongtlo, Kiikha jongti lüsi lüwa nyungre Samaria chelati lei, miitsan maiqse ka ji maq nishishi, nanshan wantibi lei, ‘Ngi ka asum akam che maq dunglaq,’ nguta namwesetiim shiichut chatti lei.
Amos raq chongtlo, taironglaq, namshiq chiithe lüwanok lei, jehin nore mungmaiqse ji maq nishishi, nibaiq wan tlantitiim lei,
Bunwong abi ati kiimin athii atsin wiq maq, shaphaq wan hai chang wa. Miitsan maiqse apaiq thiitham, sendel pashi thiitham kra dongdii min, thamkuq lot makti kra lapho laita, di ma lap wan lili riihai chang wa,” nguta namshiq chiithe lüwabi liipan na, bom riichong wan tlan.
Kra ajong we jaq na hokham we ma thiitham kechang kampho ka ahü riito. Kriikha maq, hokham we raq, khahoti we ka thiitham kha na, achak ase wiijam tam, awak ajam wiita hutjok di ma shabaiq ra tlo ngutiishe aming kuqto.
Namshiq riitiq nya, miitsan maiqse angu ka, ashummii riiho! Rung awang na namshiq hit-rottibi thun ka juwiita? Chiithe maiqse raq riimak sha!
Riita, ümchaü ka namshiq chiithe laopanbi miishe chongkuq pha, tai ronglaq. Samhea tiitsang tai rong laq! Namshiq ma waqkhü kham nyang akhing she saü wan tlo!
Namshiq raq namwak na ningchang tham phaqti, tsamhan jaq maq kampho ka kuq man maq haihii lan. Tsangshiq raq aholülü maq tiipaiqnea jaü tlaq kra tai man sha! Tsangshiq hoq trang tlaq kra Tatiwe, Ajong Shiikeawe raq taito she.