Matthew 18:25 - ASII LAKDAP Bible (BSI)

²⁵ Kra ajong we jaq na hokham we ma thiitham kechang kampho ka ahü riito. Kriikha maq, hokham we raq, khahoti we ka thiitham kha na, achak ase wiijam tam, awak ajam wiita hutjok di ma shabaiq ra tlo ngutiishe aming kuqto.

Hawa Naga Bible 2001

²⁵ Kvruex nvrc waz rueq htawhtuimc kuy juing piq yauk nuex yvmx muinz vguez ningkhvnc nuex, dax ikhoc piq pumz muinz, vnyuiuz vsahez nuiyc piq rueq vlvp httax yaq lotlaz kuex shaung vtueq htawhtuimc kuex mhtuimz kuq phueq ngoz tueq nvr tueq.

Muklom

²⁵ Piq jakna thawel ma ngin ahung angta, ethi rangma lungwang aa raaqkhat kota, ‘Piq etho uhimteynu etho usa tang etho thaji utang wang tang sangchak inn etho eshi ngin shiwang, piq aa namta shi thawel kotchak inn.’

Matthew 18:25 Referencias Cruzadas

2 HOKHVMX 4:1

Shammibi phong wa weshi tsaikito. Tsangnyung manti-nyung ka Elisha phana wato. Raüta akha nguto, “Shiilangwe lei, ijamtiwe ka tsaikito! Ümniiriimin asaphaü apaiq ka Shiikeawe ma haisong tsantsii thütiwe. Shatmaq ümchaü ka maiq weshi ijamtiwe raq apaiq ma thiitham kechang kampho anam asi kriiwe ka ngi phana wato. Raüta apaiq raq isenai maiqwese nai ka ijamtiwe thiitham kha na di ma tiija ma sheawa wato.”

NEHEMIA 5:5

Riita, naishiq armin la, nanok kiikha Jehudinok phan maiqsesii. Phanshi maqshi. Naisetiim kiiminla, tsangshiq saü asetiim kiikhiisii lüsaü wasetiim sii riimak sha? Shatmaq, naisetiim jechaksere wiijam ka, maiqdi ma ashabaiqwi she. Ümchaü naishiq ka maiqdi maiqmakong she sitiikai. Jamkhano ngukla, naishiq wak thun nai spiqro thun ka, wiita maiq raq anyeaho wishe.”

NEHEMIA 5:8

Latiishe, welabi ma, “Naishiq welabi raq Jehudinok phunai notiim, tsangshiq thüm alit tsi ma, maiq ümchu riiwa maiqmii khum ka pongmung maiqsetiim jaqkhon na, di ma tiisha wantaq, kriiti ka, naishiq raq atangtang dokda wan kai. Ümchaü namshiq riishea, maiqmii Jehudinok phan riilantiitiq, namphu namnotiim, Jehudinok kra namdisetiim ma tiija lanta rüm wan tlan!” nguta tsangshiq ka son kang. Kiimaq tsangshiq phukhu welabi ka poshi min bommak kaiqshak li riito.

DUNGWVNC 21:2

Ümniiraq Hibru phan wa di la ri haüla, apaiq raq ümniima wiitrok jaq mishamkuq. Wiimiishi saüto angu na apaiq ka ümwokhong wa dokdahü miilishe apaiq ka wase she miraq. Raüta apaiq ka miwawan.

ISAIA 50:1

Tatiwe raq ngutlo, “Ümniinga Ngi raq isenginok ka jobaiqkang maiq weshi raq achak miimbaiqtlaq ikha ngutiisha tiima tlaü? Ikhiijiika, amiim lak ka ümbano? Ümniinga Ngi raq ümniika maiq jaq na shumwi ma shabaiqto, awe raq asetiim ka di ma shaphatlaq ikha ngutiisha tiima tlaü? Riimak, ümniika ümngarai tang kha na shumwi ma maiqjaq khon na wawan laü. Ümnaq maiqdi ma tiiwabaiqtaq kriika ümniiraq kha pahea tang khana tiiwa baiqto.

LEWI 25:39

Kiimaq ümjam tho na siti Israil phan we ka pinthum miitsan ma jaki raüta, apaiq raq akhum ka üm dise ma shabaiq raüla, ümniiraq apaiq ma dise jaqsham ka naq tiishamkiq.

Matthew 18:24

Apaiq raq kra konchon phaho raü niili, ajaqtaki na siti ajongbi raq, asengi siihiip weshi raq apaiq kampho ka wanshi thiitham kha hoti we kra, apaiq tho niishe shea wanto. Raüta tiichap wanto.

Luke 7:42

Tsangnai wiita raq, kra thiitham ka thamkuq lot mak dea riito. Kriikha miishe, laopanwe raq tsangnai thiitham kha ka adü li she riibaiqto. Riita, tsangnai wenai kiiwa, ümriiti ro laopanwe kra apa milungwii?”