Matthew 18:24 - ASII LAKDAP Bible (BSI)

²⁴ Apaiq raq kra konchon phaho raü niili, ajaqtaki na siti ajongbi raq, asengi siihiip weshi raq apaiq kampho ka wanshi thiitham kha hoti we kra, apaiq tho niishe shea wanto. Raüta tiichap wanto.

Hawa Naga Bible 2001

²⁴ Piq rueq tvtsuingc wvlc kuex wisoz phaungc wvnc koq tueq kuimphox senc vrok maq khac kop yaq miq washiz kuex piq kox nuex shvlx laq tueq.

Muklom

²⁴ Piq aa irimal phang som atho, hayat asi talent namtey sanga tha piq relnáng solkat ta.

Matthew 18:24 Referencias Cruzadas

RAPHA HIQWA LAK 44:10

Apaiq raq nguto, “Ahea ikhla. Shatmaq jurwa kra kok ka huk wantaq, kriiwe kli idise ma mija. Kiimaq namshiq ahinti thun ka jam raa mak, awawan nguli li mirhan.”

1 KAÜWA WERAÜ 29:7

Tsangshiq raq Shomjam hai ma arthun hupsam ara honglu na kuqto: chaq ka 170,000 kilogram thaq na apa, kampho ka 340,000 kilogram thaq na apa, kiimaq miiki ka 620,000 kilogram saünam, kiimaq jin ka 3,400,000 kilogram thaq na apa kuqto.

EJRA 9:6

Ngi raq akha jaü kang, “O Shiikeawe lei, ngi arka ümman na chap wan min kham mang, pinthum jea tiikang. Naishiq mra thun ka ümmak lii na achong lotmai, naishiq thaq na amashe riiwanto. Naishiq ngarai homa phong ka ramong nyang niishe saü wanto.

Tvtsvmc 38:4

Ingarai jüchhang na ngi ka ache she riiwan kang; ngarai ma thun ka laihea holot mang.

Tvtsvmc 40:12

Ngi ka trotam maq chamchao pahea raq komwanto— awealot chang riimak! Ingarai thun raq ngi ka lowan raüta khahoto, kiimaq ngi raq imak maq chhilot mang she; ikhubin nam miimin apa she riitsap wanto, itsai iji wiitashe doq wanto.

Matthew 18:23

Ara jamkhano ngukla, Ramungtan ngutlaq kriika akha miraq. Man na hokham weshi raq, asenginok raq, apaiq kampho lakshii ka jamkhiiwa liiko wan tlaq, kra konchon wan akhing ashi tiihongto. Raüta apaiq riishe weawea kra konchon lii wanto.

Matthew 18:25

Kra ajong we jaq na hokham we ma thiitham kechang kampho ka ahü riito. Kriikha maq, hokham we raq, khahoti we ka thiitham kha na, achak ase wiijam tam, awak ajam wiita hutjok di ma shabaiq ra tlo ngutiishe aming kuqto.

Matthew 25:15

Apaiq raq atsiiq ka tsangtsam ma maiqmii hü tiithithi maq pheakuq thüto. Weshi miika chaq kampho kamsii hing biingi kuq thüto. Kiimaq weshi miika hingnai kiimaq weshi miika hingshi kuq thüto. Raüta apaiq ka wanhiq na kihoto.

Matthew 25:16

Ajaqshi se chaq kampho hingbiingi lapti we ka jaqlo miili piikii raüta, hingbiingi aliip hali tiidong nongto.

Matthew 25:20

Ajaqshi se kampho hingbiingi kuqthütiiti we ka atijong we phana wa raüta, ‘Tijong we ümniiraq ngi ma hingbiingi kuq thü laü irwa, ngi raq hingbiingi hali tliip nong kang,’ nguta atijong we ma kampho ka amak apha adam na kuqto.

Matthew 25:22

“Kra jai na ajaqshi se kampho hingnai kuq thütiiti we kriishe waraüta, ‘Tijong we, ümniiraq ngi ma kampho hingnai kuqthü laü irmaq, ngi raq hingnai hali tliip nong kang. Liilaq ahata!’ nguta atijong we ma kampho ka amak apha adam na kuq wanto.

Matthew 25:24

“Kra jai niishe ajaqshi se kampho hingshi kuq thütiiti we kriishe waraüta, ‘Tijong we ngi asap ha. Ümniika lapphaq lusiqti. Ümniika ümjaq maq shamki maü kra wiimin, shamki kang nguta ngoti we. Ümniiraq tsam jangki maü kriiwiimin, tsam jangki kang nguta tsamjut seati we.

Luke 13:4

Riita, Silom wa maiq roqshi ri tiichat, kongmong chong raq pat raüta tsaitaq kriiha? Namshiq nga tsangshiq ka, Jerusalem na siti mungmaiqse thaq na ngarai homa jonghea hotibi kha maq tsangshiq ka kiikha tsaito ngutiisha tiima tlan?

Luke 16:5

“Kra tiima wantaq krai mren, apaiq raq maiq ümchu riiwa atijong we ma thiitham kechang asiti thun kriishe, wiita weshi shi miishe riichom hea wanto. Raütiishe, apaiq raq aphati we kiima akha waito, ‘Ümniiraq i tijong we ma thiitham ka ümchu kechang wa asi?’

Luke 16:7

Raütiishe, apaiq raq weshi miishe hali bom ka wai nongto, ‘Riita, ümniiraq ha, thiitham ka ümchu kechang wa?’ Kriiwe raq, ‘Tsam tii hingshi kechang asi,’ nguta treto. ‘Arjaq ara ümmang na thiitham shiila raüpot akha raütu ara. Tsam ka tii shitiichat li she nguta waiqlaq,’ nguta chere we raq treto.”