NEHEMIA 7:1 - ASII LAKDAP Bible (BSI) Jerusalem peruk ka tiihea lot kai she. Kilam thun wa kilü kriimin wiita atiikop lot wishe. Kiimaq Shomjam kheti hokranok, Shomjam na asii shingeti khojabi, kiimaq Lewinok wiijamti ma maiqmiirii jaqsham thun ka aphea kekun she. Hawa Naga Bible 2001 Majuiuc palx ruk kuex ruk lot tiq shex, kaluix lotlaz muinz khauk khauk tvhungx lot vtueq, Shomc Yuimx bvmc jix hez, tvtsvmc shic shic jix hez nuiyc Lewi miqsaz htenc muex yauk shuimc kuex phvlx kuq tauk. |
Krai mren, tsangshiq ka Sirianok piitiip kiiwa dongho raüta Samaria chela na jangho nongto. Raüta kilamchong kheti kintsongti kriima agilülü miishe akha riimto: “Naishiq ka Sirianok piitiip na wakai. Shatmaq kiijaq maiq ka jumin chhimai. Kiimaq maiqbom maiqsa min taimai. Kumrang kong nai kumtoq kong thun kiimin diihü, tiiban shatli, kiimaq tombutiip thun kiimin Sirianok raq jamkho baiqthütaq kiikhiili siiqhü.”
Hokhamwe Hejekia raq ramwebi jaqsham nai Lewinok jaqsham ka man na jamkho riiphea raüta shamtaq kiikhahali khaq khaq hali pheakuq nongto. Tsangshiq ma maiqmiimii jaqsham khaq khaq hali pheakuq nongto. Ara jaqsham thun arka wiipumtam maq wa na chaqtlii honglu thun kiimaq rintii honglu thun, kiimaq Shomjam na noqku akhing na jaqsham dam, Shiikeawe tiitsam kam kiimaq Shomjam pongbaba na tiikham raüta kechutum shinge, thun kra riito.
Riita ara chongtiikai jaqsham arka, tsangshiqnok ka Jerusalem Shomjam kiijaq saü wan li maq, rawiishi siraüta, wiinai pha wan jipi lünai angu miishe, Shomjam tiihea haiwan jaqsham ara shampha wanto. Ara jaqsham arka Jerubabel raq shea raüta, Joshua, kiimaq maiqmii mungti thun raq, kiimaq ramwebi thun raq, kiimaq Lewinok thun raq, kiimaq lamshi maq liiwan raüla shumwi asi wa, mungmaiqse thun ümchu wa, Jerusalem na jang wantiiti thun kra kunkun miishe, kiqshi maq chaprang raüta, Shomjam ka tiihea haipha wanto. Lewinok phan ngusaq wa, maiq arawii wiiroq nai maiq lo kriima maiqlalati thun raq Shomjam haiwan jaqsham kra liiwan miitu aming kuqto.
Riita, Israilnok raq, kiimaq Lewinok raq, honglu akuq wan hai awong thun, che, kiimaq oliptsi tai, kra hoho raüta, Shomjam wang mong na, tak apin thü wan chang tsamtiip khok thun kriijaq, kiimaq, Ramwebi jaqshamti, kiimaq Shomjam kheti hokranok, kiimaq Shomjam na shishunti khojabi, sichang khok thun kiina hoke wan chang miraq. Nashiq raq ümchaü san, nashiq Shiikeawe Shomjam ka shishe mai she.
Kiimaq chela aran thun nai chela thun ahin niika, Israilnok phong wa, ramwebi phong wa, Lewinok phong wa, Shomjam jaqsham wanti phong wa, kiimaq Solomon jaqshisetiim saü asetiim weraü thun ka, tsangshiq maiqmiimii chela, maiqmiimii hiqshong thun na, jamchang tiipkhü chü thun kiina, ngarang rang she shongnga wanto. Riita, Judia wang wa Jerusalem chela na hiqshong tei wanti welabi mang ka arthun ara riito:
Kiimaq, Lewinok welabi: Hashabiah, Sherebia, Jeshua, Binnui, kiimaq Kadmiel raq shea raüta, Lewinok ka akong akong na riipheato. Tsangshiq ka kongnai ma riiphea raüta, Shiikeawe jaqshise Hokhamwe Dawit raq, Shiikeawe shomnoq wan ashi ange shrinkuq wantaq kra phan phan, tre longcha raüta, kongshi raq tiitsam raüla, kongshi riika, kechutum kuq wan wan raüta, shomnoq wan lili riitlo.
Riita, naishiq raq ruk tiihea hai ka wiitashe lotkai. Kiimaq apu apot kiimin wiita she tiitang sukbaiqto nguta, Sanballat nai Tobia, kiimaq Geshem kiimaq nanok maiq ahinti, naishiq ma chiqse rewebi raq tsütsa ka taito. Riita kra akhing niika, naishiq raq kilü thun ka kilam chong na mitiihong hai shaqli riito.
Kra jaqsham ka raroqbiingi ri ranaiq nai ngoja na, ruk tro tiihea hai jaqsham ka kunkun she ngut kai. Kriika Elul jipi raroq nai ri rabiingi ngoja niishe tlotkai.
Kiitinchoji mungmaiqse raq, Tobia raq jamlai jaq wa shamtlaq kra ngi ma lamlam atiitaiki kap riitlo. Kiimahali, ngi raq jamlai bom wa chongtiikang, kriimin Tobia ma kunkun tlü chongkuqki tlo. Krai mren, apaiq riimin, ngi ka shiikeng miitu, lak ka waiq lili raüta, tiihohotlo.