NEHEMIA 10:39 - ASII LAKDAP Bible (BSI)

³⁹ Riita, Israilnok raq, kiimaq Lewinok raq, honglu akuq wan hai awong thun, che, kiimaq oliptsi tai, kra hoho raüta, Shomjam wang mong na, tak apin thü wan chang tsamtiip khok thun kriijaq, kiimaq, Ramwebi jaqshamti, kiimaq Shomjam kheti hokranok, kiimaq Shomjam na shishunti khojabi, sichang khok thun kiina hoke wan chang miraq. Nashiq raq ümchaü san, nashiq Shiikeawe Shomjam ka shishe mai she.

Hawa Naga Bible 2001

³⁹ Israel miqsaz nuiyc Lewi miqsaz rueq vthuey vngoz, svpiq tix nuiyc olip puiz vlvmz laq kuex Shomc Yuimx maq shuimc lvmc juing phvnx tvy jix yauk shuimc aungx yaq shomc waz bix, shomc yuimx bvmc jix bix nuiyc shomc yuimx nuex shic ngoyc jix htenc httax yaq khok htenc kvyuq lvmc lvy rax. Naungshiq rueq naungshiq Tishox yuimx kuex wvlc guez waqguez ruez shix rvmuq.

NEHEMIA 10:39 Referencias Cruzadas

2 HOKHVMX 7:10

Krai mren, tsangshiq ka Sirianok piitiip kiiwa dongho raüta Samaria chela na jangho nongto. Raüta kilamchong kheti kintsongti kriima agilülü miishe akha riimto: “Naishiq ka Sirianok piitiip na wakai. Shatmaq kiijaq maiq ka jumin chhimai. Kiimaq maiqbom maiqsa min taimai. Kumrang kong nai kumtoq kong thun kiimin diihü, tiiban shatli, kiimaq tombutiip thun kiimin Sirianok raq jamkho baiqthütaq kiikhiili siiqhü.”

2 KAÜWA WERAÜ 31:11

Hokhamwe aming maq Shomjam wang mong na hupsam thüchang khok thun tiijeto.

2 KAÜWA WERAÜ 31:12

Raüta kongphiq thun nai aroq khu wa honglu thun ka kra khok thun na aheawiq saiq samto. Kra liiko wanti tsangshiq raq Lewi phan maiq weshi amang Konania nguta kriiwe ma arang kuqto. Kiimaq ano Shimei ka apaiq jaq thüti miitu thüto.

NEHEMIA 12:47

Arka Jerubabel pat na nai Nehemia pat niimin, Israilnok raq, ranaiqtek honglu kra kuq wan lili riitlo. Raüta, Shomjam na ashi angeti nai shomjam kheti hokranok kra tiichamchao mak maq dunghiq wanto. Mungmaiqse riika, Lewinok ma asii, aram ari honglu kra kuq wan lili riitlo. Kiimaq, kra honglu kiiwa, ramwebi rii ka Lewinok raq ramwebi ma pheakuq wan lili riitlo.

Tvtsvmc 122:9

Nashiq Tati jam kra miitu ngi raq ümniika chiithejong si miitu achu jaütiikang.

WEAWEA 18:26

Lewinok ma akha chong kuqlaq nguta: “Namshiq raq ümtiikiiwa Israilnok jaqwa aroq khu honglu, Tatiwe raq namshiq miitu tachong hupsam la na kuqtlaq kra laptlan akhing na, kriiwa namshiq raq aroq khuwa honglu ka lam lanta Tatiwe ma akhek atiitsang jaqmiiq la na ke wan ratlo.

WEAWEA 18:30

Ümtiikiiwa namshiq raq ahea pinthumti kra kuqtlan, kriiwa abung tiichongtlaq kriika, waksham seati raq honglu kewan jai abung atiichong ka apaiq riishe thühotlaq ikha namshiq riishe thüho ronglaq.

TRI CHONGKE 12:17

Namshiq sitlan hiqshong kiijaq Tatiwe ma honglu na akuq han kriiwa jamlai phan jiimin phaqsea wan maimak: aroq khuwa bunwong wong honglu kuqtlan kra, spiqtai honglu kuqtlan kra, riimakla olip tsai kuqtlan kra, riimakla namshiq jam nyamse kong minsaü se chhikhu nyungtlaq kra kiimaq skuse chhikhu nyungtlaq kra, Tatiwe ma akhek atiitsang kongphiq mikuqha nguta kiq kham honglu kra, namshiq maiqmii tsantsii maq honglu kuqtlan kra, riimakla laihin honglu kuqtlan thun kra, namshiq sitlan ba kiimaq phaqsea maimak.

Hebrews 10:25

Nanok maiq wiijamti shonbii tlaq kiikha, adam na riitam laita, Shiikeawe shomnoq kra nungpaq mai ngu raü ka ahea miraq. Kra thaq na, apa chat wan wan laita, weshi raq weshi tsaiji dokuq laita si rong i. Jamkhano ngukla, Tatiwe raq mangjong maiqse kha phoke Ranaiq akhing ka, ümchaü saü rai wanto she.