NEHEMIA 11:1 - ASII LAKDAP Bible (BSI)

¹ Mung welabi ka Jerusalem chela na shong nga wanto. Kiimaq mungmaiqse wiika, maiqta taroqshi khuthaq wa, tashishi langlii raüta, lang raq thaütlaq kriita ka asii chela Jerusalem na siwan miitu tsea wanto. Kiimaq kiiwa chan tlaq maiqta tatiikaü kriika, chela ahin na shongnga wan chang, nguta bom ka riichong raüta tri ka shatthüto.

Hawa Naga Bible 2001

¹ Walaungx bix kuex Yerusalem nuex httax wuez tueq, kvjungx yaq miq htenc kuex waz rokshiz wawc yuimx shiz kuex vsawc Yerusalem ghaqyungx nuex httaz tvkoc nuiyc kvjungx yaq miq htenc kuex vganc miqghaq htenc nuex httaz kay tvkoc hangchac maq httauk wuez tueq.

NEHEMIA 11:1 Referencias Cruzadas

1 KAÜWA WERAÜ 26:13

Maiqta takitek raq maiq ka apa atsap ngumak maq, ümriiti kilamchong na kintsong chap chang wa miraq, kra lang liiwan lili raüta jaqsham ka riiphea wan lili riitlo.

1 KAÜWA WERAÜ 8:28

Arthun arka tsangtitiim phong wa lamsheati welabi riito, kiimaq tsang weraü wa phukhu welabi thun Jerusalem na shong wanti bi riito.

1 KAÜWA WERAÜ 9:1

Israilnok mungmaiqse kunli aweraü aweatek wea raüta aheawiq waiqthüto. Kra waiqthütaq weawea raüpot ka Israil Mung Hokhambi Manphan Lakdap na waiqthüto. Juda mungti ka tsangshiq ngarai pahea tang kha na tiichamchao miitu Bebilon mung na tsuq wanto.

1 KAÜWA WERAÜ 9:2

Apha shaq shaq tsangmung na chela thun na janghotaq phong niika, Israilnok hiqshong maiqse thun, ramwebi, Lewinok, kiimaq Shomjam na jaqshamti thun riito.

1 KAÜWA WERAÜ 9:3

Juda phan wa, Benjamin phan wa, Ephraim phan wa, kiimaq Manase phan wa, jangho raüta Jerusalem na sikai kihoto.

NEHEMIA 10:34

Kiimaq, Thungtri lakdap na waiqtlaq kra phan phan, nashiq Tati Shiikeawe ma, wa maq chaq raü raüta, honglu kewan miitu, chin raa tlaq kra chomke wan miitu, nashiq mungmaiqse tarü raq, ramwebi rai, kiimaq Lewinok rai adam na rongri laita, kra rawii na, chin ka juta weraü raq thamke wan chang wa miraq, kra jaqsham ka langlii lili laita, lang raq thaü tlaq kra phan phan, jaqsham ka aweraü ma pheakuq lili mirii rong i.

NEHEMIA 11:18

Asii Jerusalem chela na siwanti Lewinok tarü tlotli ka 284 riito.

NEHEMIA 4:22

Kra akhing na, ngi raq tsangshiq sheati welabi khumtek ma, ruk tiihea hai tiikai bala niika, tsangshiq welabi nai tsangshiq jaqkhong na siti jaqshamti kiimin, Jerusalem niili sichang miraq; laita rawa niimin Jerusalem chela ka sontri tsong laita kheshat riichang miraq; kiimaq ranaiq niika ruk tiihea hai chang miraq, nguta tsii chongkuq kang.

Tvtsvmc 122:5

Arjaq Israilnok hokhambi ngatlo tsang senginok peng ma ngatlo.

Tvtsvmc 122:6

Jerusalem ka hansang maq si miitu achujaü ronglaq: “Ümnaq lungwiitibi ka chiithe lüwabi ma mijalaq.

TAKSU LAK 16:33

Maiqse raq Shiikeawe tiima khon miitu, lang liitlo; Shatmaq kra bomtre ka, Shiikeawe apaiq riili thapthitlo.

ISAIA 48:2

Kra taümaq miimin, namshiq ka asii chelati nguta shiikongkhiq tiitsakitlan, kiimaq namshiq ka Israilnok Shiikeawe ma kamti, apaiq mang ka Ajong Pinthum Tatiwe nguta srasiqtlan.

ISAIA 52:1

Jerusalem lei, ningkun shoqlaq laüta thongshiri ajong ma janonglaq! Asii Shiikeawe chela lei, achhai anyii miirii tiimiikhiiq nonglaq! Thatsang maiqse ka üm kilamchong thun mong na nyapmak she miraq.

Matthew 27:53

Kiimaq tsangshiq ka makho mong wa dong wan raüta, ahin niishe wawanto. Kra jai maq, Jesuq ka ama wa dong wan jai she, tsangshiq ka Asii Chela Jerusalem kiina wawanto. Kiijaq maiq pahea raq tsangshiq ka chhito.

Matthew 4:5

Kra jai miishe, Thawe raq Jesuq ka Asii chela Jerusalem niishe shea wanto. Raüta apaiq ka Shomjam wukhupong diilu pinthum ba kiiniishe shea wan raüta tiichapto.

Acts 1:24

Kra raütiishe, tsangshiq raq tsangnai wenai mang na ton raütiishe, akha achu jaüto, “Tatiwe le, ümniiriiri maiqse angu tiima tsantsii ka wiita asap haü siisaq. Riita, ümchaü min, ara tsangnai wenai arwa, ümriiti wa ümniiraq tsea wan laü, kriiwe ka naishiq ma tiichhikuq laq.

Acts 1:26

Kra achu jaü lot raütiishe, tsangshiq raq maiq wenai mang na, lang liito. Krai mren, lang raq Matthias mang na thaüto. Krai mren, tsangshiq raq Matthias ka Jesuq kiimwe miishe tseato. Kra ranaiq miiphat she, Matthias ka Jesuq Khristo kiimwebi roqshi ri weshi krai kongshi she jawanto.

JOSHUA 18:10

Raüta Joshua raq, tsangshiq miitu langlii raüta Tatiwe ma waito. Raüta Israilnok maiqphan abung tiichongtlaq kriiti ma, tsangshiq rii hiqshong thun ka chumkuqto.