Matthew 9:20 - ASII LAKDAP Bible (BSI) Maiq nyung ashi ka akhing khing na tiijai dong tsi raq chamchao raitlo. Apaiq ka akha wiiroqshi ri wiinai she chamchaoto. Kra nyung ka Jesuq jai nü maq dongchhaq raüta, Jesuq raq samtlaq samtong jong kaü kiijaq ajaq ma shamsaq shamto. Hawa Naga Bible 2001 Kvruex kaq wawc rokshiz rac wawc nueyc tvguiy dung vtueq thuiuz yaq yalxjuik nyuiuz shiz kuex Yesu yix kox nuex kvhttot kaz vtueq vsvmhung nac nuex htuiuz kaz tueq. Muklom Eshi rangham tho, pang asi pang ni tahi jan eq tak ta miqnu they Jesu jio thu eq piq khat bal o lota. |
Kiimaq tsangshiq raq Jesuq nangnga atsi asiti thun tarü ma apaiq raq samtlaq samtong jong kaü nise kiijiili jiimin, thansaq tiisham laq nguta tiipaiq neato. Krai mren, maiq ümchu riiwa apaiq kheani na jaq maq than sham wantaq, kriiti ma tsangshiq thatsi ka wiita tiihea kuq wanto.
Tsangshiq raq kamasham lam phan na phanrap shamlam tlaq kriika maiq ma tiichhi hake ma ngutli klo lii tlo. Liimanta, Asii bomtsi po ka ngamkhü chamchhok ajong jong na shaq raüta, tsangshiq khakam na nai jaq na pa raqraq pawan tlo! Kiimaq tsangshiq dü na samtong jong kaü samtlaq kra kheani thun kriika achan ana ajong aluwiq siisaq tiihong raüta paq wan tlo! Arka tsangshiq ka Shiikeawe ma pinthum kamasham ajong rümti nguta maiq ma tiisap miitu paq tlo.
Krai mren, Jesuq ka tiidopot raüta apaiq jai phanphan wawan damto. Kiimaq apaiq rai ajaqshisetiim kiimin nong shiinong wawan damto.
Krai mren, Jesuq ka hiqshong thun na, chela thun na, kiimaq wakram thun na wato. Apaiq ümbano saü wantlaq kiijaq, nokmaiqse raq, atsiti thun kriika, kejat tang chang ba na sheahoto. Raüta, apaiq nangnga akheani se na jiimin tiisham laq, nguta tiipaiqneato. Kiimaq atsiti ümchuro, apaiq raq samtlaq samtong jong ni na, jaq maq sham laptaq, kriiti thun ka wiita tiihea kuqto.
Tsangshiq ka Bethsaida hiqshong na saü wanto. Kiijaq maiq wiijamti raq makchuk we ashi ka Jesuq phana shea wanto. Kiimaq Jesuq ma adü na jaq maq shamlaq nguta tiipaiqneato.
Paul raq akhupo shat chang samtlaq phaqchetsetiim nai jaqsham lam maq achhü shat chang kheachüsetiim thun kra lamho raü raüta atsi asiti khum na tiiweho kli dongdii min, atsi asi ka tiidoq mra hea tlo. Kiimaq abi shinrii thun ka wiita tsangshiq khum wa juho tlo.
Kiimwebi raq awang chang nai amao chang jaqsham tlaq kra chhi raüta, atsi asiti maiq pahea piho raüta, changdü na nai damsii na tiikon raüta, lamkii tho na tiibum tlo. Kriika, Petar khum raüjaq, apaiq tsaiji nyam raq jiimin, tsangshiq atsiti dü na miham dam laq nguta tiima raüta tiibum wantlo.