Mark 8:22 - ASII LAKDAP Bible (BSI)

²² Tsangshiq ka Bethsaida hiqshong na saü wanto. Kiijaq maiq wiijamti raq makchuk we ashi ka Jesuq phana shea wanto. Kiimaq Jesuq ma adü na jaq maq shamlaq nguta tiipaiqneato.

Hawa Naga Bible 2001

²² Tsuinghez kuex Betsaida nuex httuiuc kaz tueq, muik mawz washiz kuex miq vbez rueq Yesu kox nuex shvlx wvnc vtueq, piq muik nuex tuingc kuq ruiux tvhvlc kuy tvkoc thoz tueq.

Muklom

²² Etho ning Bethsaida náng thuta, etho chamtey tey miqtang aa ashey miikduk tha urelnáng thoksol eq piq ma batta, “Tinshit wang iri miq ro tatit u.”

Mark 8:22 Referencias Cruzadas

Matthew 11:21

“O, Khorajin chelati le! Namshiq ma phiiptsi chang asi jo! Kiimaq Bethsaida chelati le! Namshiq miimin phiiptsi chang asi jo! Ngi raq namshiq makki na ümchuwa awang chang jaqsham wankang thun kriika, Tajar nai Sidon mung na sham wan ha jiika, tsangshiq raq man niiphü thoila thum sam raüta, kiinyiikhiq maq makphai khüshang raüta, tsangshiq khakam na tapkhu maq nyat raüta, tsangshiq ngarai kra tiidii maaho manyi mihoqsiq wa!

Matthew 14:36

Kiimaq tsangshiq raq Jesuq nangnga atsi asiti thun tarü ma apaiq raq samtlaq samtong jong kaü nise kiijiili jiimin, thansaq tiisham laq nguta tiipaiq neato. Krai mren, maiq ümchu riiwa apaiq kheani na jaq maq than sham wantaq, kriiti ma tsangshiq thatsi ka wiita tiihea kuq wanto.

Matthew 8:15

Jesuq raq ajaq maq adü na shamto; kiimaq atsidong ka heakisaq li she heakito. Krai mren apaiq ka Jesuq ma phaq asea tiihong thake she, apaiq shiililiike she honghoto.

Matthew 8:3

Kiijiishe, Jesuq raq ajaq maq atsiti we dü na ashamho lam maq, “Ngi raq ümniika chhiijiike rotiikang! Ümchaü li heakikiq,” nguta apaiq bom ka treto. Krai mren, apaiq thatsi ka heakisaq li heakito.

Matthew 9:29

Kiijiishe, Jesuq raq tsangnai mak na ajaq maq sham raüta, “Namnai raq jamkho kamwantlan kra phan phan mihiaki laq!” nguta nguto.

Mark 2:3

Kra liipan niili, maiq weblai raq maiq weshi, ahan ama arki we ka piho raütiishe, Jesuq phana saükito.

Mark 3:10

Apaiq raq maiq atsiti ka pahea tiihea kuqto. Krai mren, maiq atsiti thun pahea raq, apaiq khum na jaq maq shamtlo haijaq nguta, riithu riiliiq, apaiq phana wa riitsap khatto.

Mark 6:45

Kiimaq tlothit li she, Jesuq raq ajaqshisetiim ka lai na tiingato. Raüta, apaiq ma sinkhu na, Thamreko na Bethsaida hiq maq khewan li ronglaq nguta thaüto. Kiimaq apaiq raq mungmaiqse ka jam na tiiwa baiqto.

Luke 10:13

“O Khorajin chelati le! Namshiq ma pinthum phiiptsi chang asi! O Bethsaida chelati le, namshiq ma pinthum phiiptsi chang asi! Ngi raq namshiq makki na, awang chang jaqsham ümtinkhan wa shamkuq kang thun kriika, Tajar chela nai Sidon chela na shamkuq wan kang ngu haü jiika, tsangshiq ka manniiphü, ngarai tiidii wan, makphai khüshang mihoq siq wan wa!

Luke 9:10

Kiimwebi thun ka trahokai rii maq jang wan raütiishe, Jesuq ma tsangshiq raq ümtinkhan wa jaqsham wantaq, kra tsütsa ka tiitai kuqto. Apaiq raq tsangshiq ka, apaiq rai shea raüta, Bethsaida chela niishe kihoto.

John 1:44

(Philip ka Andru nai Petar sichang Bethsaida hiqti sii.)

John 12:21

Tsangshiq ka Philip pha na wato. (Apaiq ka Gelili wang na Bethsaida hiqti riito). Raüta, apaiq ma, “Shiilang we lei, naishiq ka Jesuq rai riihum ro tiikai,” nguta bom ka tiitaito.