Matthew 6:6 - ASII LAKDAP Bible (BSI) Shatmaq ümtiikiiwa ümniiraq achu jaü tlaü, kra akhing na, ümniika ümtap mong na walaq, laüta kilü maq tiishaq laq. Laüta üm We maiqse raq makhia maq chhilot mak we jaq wa achu ka jaü laq. Raüla pumsii jaqsham chhiti üm We raq ümniima poksi ka mikuq.” Hawa Naga Bible 2001 Yuq muinz mnoz rueq vjux thoz ruiux yuq yuimx mungx khok nuex woz vtueq kaluix kuex shauk gay ruiux raz tueq, muik maq kvkhic muq waz m-Waz yauk wawc thoz shuiuz. Vyumx samaq shuimx yaq kuex khic lvp jix waz m-Waz rueq mnoz muex yauk mauk kuex kuq kv-phux. Muklom Etha o tho, nim aa romtam chu inn jo, him mong khok náng wang eq, kalung sak eq, takhi moq tey nim Wa ching wang romtam chu inn. Etho phanrip siintey nim Wa eq nim ma jaksom thang kho phanin.” |
Isenginok lei, namshiq maiqmii jam na tapmong na waronglaq. Lantea kilü maq tiishaq ronglaq. Namshiq ka heashi miitu tiipaü ronglaq. Shiikeawe tsankhiq kra mishilaq.
Tsangshiq raq ijaq wa achu jaü tlaq kriimin milot shaq niili, Ngi raq tsangshiq achu jaü ka mitreha.
Apaiq raq mungmaiqse kra tiiwa baiq jai she, apaiq ka apaiq honhonse hiqlam ashi na achu jaü wa wawanto. Rajiko niishe min, Jesuq ka kiijaq apaiq honhonse li riito.
Akha jaü haü jiitiq, maiq raq ümniika amang maq achu jaü sitlo nguta sapmak miraq. Ümniika maiq raq mak maq chhilot mai üm We riili michhi. Kiimaq pumsii maq achu jaü chhiti üm We raq ümniima poksi mikuq.”
Akha klo haütiq kra jaqmiiq kene ka pumsii jaqmiiq ma mija. Kiimaq pumsii jaqsham chhiti üm We riishetiq ümniima poksi mikuq.”
“Ümniiraq ngi ka jamkho sap laü?” nguta Nathaniel raq Jesuq ma waito. Jesuq raq treto, “Philip raq mihia wan shaq niiphü, ümniika phupmup chong ji na nga raü chhikang.”
Kiijiishe, “I dü niika naq tiipaq jaqkiq,” nguta Jesuq raq apaiq ka tiiwinto. “Ara jamkhano chong tiikang ngukla, ngi ka i We phana mijang wan ha shaqli. Shatmaq, ümniika i notiim phana walaüta bom ka chong wakiq. Ngi ka i We, kiimaq tsangshiq We, i Shiikeawe kiimaq tsangshiq Shiikeawe phana jang wan nong she,” nguta chong wakiq.
Kiijiishe, Kornelias raq treto, “Shiilang we lei, kechu jonghea. Ümchaü ranaiq ara weali maq ranaiqtsam she. Ngi ka i jam na, ranaiq naritsam bala achu jaü ngakang. Kra bala, tiihanghiiq miili, maiqwe ashi, apaiq miirii ka khealü, achhai anyii samraü we kra, i khaki na chapsaq chapkito.
Kiimaq anap ranaiq niishe, tsangtsam ka Joppa chela na saüho nam nam she riito. Kra bala ka ranaiq shethung shekham bala. Kra akhing na Petar ka achu jaü wa wukhu na ngawato.
Kiijiishe, Petar raq tsangshiq ka tarü tapmong wa rin niishe tiiki baiqto. Raütiishe, apaiq ka kaütsrong na nga raüta achu jaüto. Apaiq raq achu jaülot raütiishe, maiq maa wetlaq kiinü na nyi raüta, “Tabitha, tiidolaq!” nguta apaiq rai bomdamto. Krai mren, kra nyung raq amak ka tiipiiqto. Kiimaq apaiq raq Petar ka chhi raüta, chang na awe wa, anga she riito.
Juwa maiqmii han-ngam tiima sung atsii raq, thaü tlaq, kra phan phan singa wan tlaq, kriiti ka tsangshiq maiqmii han-ngam tiima sung atsii riili jamsha tlo. Kiimaq juwa, Asii Wenyi raq shunshea tlaq, kriiti tiima tsantsii ka, Asii Wenyi raq jamkhiiwa lungwiitlaq, kra phanphan sitlo.
Riita, arthun chongkuq tiikang, ara ningkhan tiina, ngi ka kaütsrong na bum lata, Awe Shiikeawe jaq wa, namshiq miitu achu jaü kuq tiikang.