Matthew 27:17 - ASII LAKDAP Bible (BSI)

Krai mren, Pilat raq, “Riita ara shumwi wenai arwa, namshiq ma ümriiti wa mitiidong kuq ha? Jesuq Barabas arsha mitiidong kuq ha, sha namshiq raq Messia nguta tsaki tlan we, Jesuq kriiwa mitiidongkuq ha?” nguta mungmaiqse thungtlaq kriima bom ka wai nongto.

Hawa Naga Bible 2001

Kvkhoc rvtueq miq rvtuimx yaq nuex Pilat rueq, “Nuimshiq tvkoc mruex jix waz tvdungc kuy lac roc shuinx? Yesu Barnaba shuex Mesia ngoz yaq waz Yesu lac?” ngoz tueq wiz tueq.

Muklom

Ethirangma miqtang kashey o thajoq atho, Pilate aa ning ma batta, “Nga bari wa raa qhap ma nim aa thathin inn? Barabbas raa tia Khristo ta thaming aa Jesu raa.”

Matthew 27:17 Referencias Cruzadas

1 HOKHVMX 18:21

Kiimaq Elija ka mungmaiqse tho na wato. Raüta akha nguto, “Riita namshiq raq ara tiima anai ka ümtincho na saüli wa mithühan? Tatiwe kiidea Shiikeawe jiika apaiq kli shomnoq ronglaq; kiimaq Baal kiidea Shiikeawe jiika, apaiq kli shomnoq ronglaq!” Shatmaq maiq thun riika poshi min bom mak riito.

Matthew 1:16

Kiimaq Jakob se ka Joseph, Meriq lamti we kriishe. Meriq ka Khristo ngutlaq Jesuq ma anyung.

Matthew 27:16

Kra akhing na, khübi khati tang wanti we, apaiq mang chong tsa ka barap binrii na aphoi wan wishe shumwi we, Jesuq Barabas ngutlaq kriika phaqtek mong na asi riito.

Matthew 27:18

Pilat raq ara bom waiwantaq arka, Jehudinok welabi raq, tsangshiq makshu tsi ninlot mak kha maq, Jesuq ka lap raüta apaiq rung na shokto nguta asap. Kriikha maq, apaiq raq tsangshiq ma ara bomtsi waito.

John 19:15

Kiijiishe, tsangshiq raq, tüsaiqsaiq she hali, “Apaiq ka tsatbaiq ronglaq! Apaiq ka tsatbaiq ronglaq! Apaiq ka pumsongkham na tübaiq tlo ronglaq!” ngutiishe agi lülü she gitrang nongto. Kiijiishe, Pilat raq hali tsangshiq ma, “Riita, nam hokham we ka ngi riisha mitübaiq ha?” nguta bom ka mungmaiqse kiima hali wai nongto. Kiijiishe, ramwe jongbi raq, “Naishiq ma hokham ka Roman Hokham we sitlaq kli!” nguta Pilat bom ka tre nongto.

John 4:25

Kiijiishe, Jechak nyung raq Jesuq bom ka treto, “Ngi raq asap ha, Khristo ka misaüho she. Apaiq she saüki raüla, naishiq ma phanrap she michong kuq.”

JOSHUA 24:15

Kiimaq namshiq raq apaiq ka shomnoq man ngochang jiila, ümchaü ranaiq namshiq raq thapthi ronglaq, ju wa mishomnoq han. Namtitiim raq Mesapotamia mung maq shomnoqtaq phra thun kriisha mishomnoq han, shea namshiq sitlan hiqshong wa Amoraiqnok phra thun kriiwa mishomnoq han. Shatmaq ijamtitiim nai ngi raq kla, Tatiwe kriili mishomnoq hai.”