John 4:25 - ASII LAKDAP Bible (BSI)

²⁵ Kiijiishe, Jechak nyung raq Jesuq bom ka treto, “Ngi raq asap ha, Khristo ka misaüho she. Apaiq she saüki raüla, naishiq ma phanrap she michong kuq.”

Hawa Naga Bible 2001

²⁵ Yalxjuik nyuiuz rueq vpiq muex, “Mesia httuiuc kaz tuex lvmx kuex ngaz rueq muinz tuiuz yaq. Kvruex waz httuiuc kaz tuex yuq nuiyshiq muex vpiq rueq phvnx ruip saz lvmx jungx tvkhic kuq phuex,” ngoz tueq.

Muklom

²⁵ Miqnu they piq ma batta, “Messiah ta Khristo ukat ang phana ta nga sam eq ang, piq ka pha jo, í ma thaji bat kot phani.”

John 4:25 Referencias Cruzadas

Matthew 1:16

Kiimaq Jakob se ka Joseph, Meriq lamti we kriishe. Meriq ka Khristo ngutlaq Jesuq ma anyung.

Matthew 27:17

Krai mren, Pilat raq, “Riita ara shumwi wenai arwa, namshiq ma ümriiti wa mitiidong kuq ha? Jesuq Barabas arsha mitiidong kuq ha, sha namshiq raq Messia nguta tsaki tlan we, Jesuq kriiwa mitiidongkuq ha?” nguta mungmaiqse thungtlaq kriima bom ka wai nongto.

Matthew 27:22

“Riita namshiq raq Messia nguta tsaki tlan we, Jesuq kra ngi raq jamkhiishe wa mirha?” nguta Pilat raq tsangshiq ma wainongto. “Apaiq ka tübaiq rong laq!” nguta tsangshiq tarü raq treto.

Luke 2:11

Ümchaü rawa, Dawit chela na namshiq Chhiiti we, Tati Khristo chiito.

John 1:49

“Shrinketi we, ümniika Shiikeawe Se kha na! Israilnok Hokham we ahata!” nguta Nathaniel raq apaiq bom ka treto.

John 4:29

“Warong ra, liiwa rongkiq. I niikiijaq, maiqwe ashi, ngi raq i rilung na ümchuwa ahea abi klo kang thun kra wiita asap siisaq. Apaiq ka Khristo ngutlaq kiiwa riita nya?”

John 4:39

Kra nyung raq, “Ngi raq i rilung na jamlai wa klo kang thun kra wiita apaiq raq asap siisaq,” nguta tsangshiq ma chongto. Kra lümaq, kra chela wa Samaria nok maiq pahea raq, Jesuq ma kamto.

John 4:42

Kiimaq tsangshiq raq jechak nyung nangnga, “Naishiq raq ümchaü apaiq ma kam tiikai arka, ümniiraq naishiq ma chong laü kra jaq seng laita kamwan ka riimak she. Shatmaq, naishiq raq maiqmii mak maq chhi laitiishe, apaiq ka riikhaqli mangjong maiqse Chhiiti we dea nguta kamwan tiikai.”